Mubuleli 1
1
Bupilo ha bu na tuso
1Ki a manzwi a Mubuleli, mwan'a Davida, ya n'a li mulena mwa Jerusalema.
2Mubuleli a li, “Ha ku na tuso! Ha ku na tuso! Bupilo ha bu na tuso. Lika kaufela ha li na tuso. 3Niha u ka sinya bupilo bwa hao kamukana u nz'o sebeza ka tata, s'o ta bonisa ka musebezi wo ki sifi? 4#Litu 14.18 Masika a, a taha mi ani a ya, kono lifasi li siyala hona cwalo mo ne li inezi. 5Lizazi li sa pazula, mi li sa likela. Li ya li katezi ko li swanezi ku y'o kala sinca hape. 6Moya u fukela mwa mboela, u ya mutulo, wa potoloha-potoloha mi wa kuta hape. 7Nuka ifi kamba ifi i bubela mwa liwate, kono liwate ha li tali. Mezi a kutela ko li kalela linuka, mi hape a y'o kala sinca ku buba. 8Linto kaufela li isa kwa mukatala, ili mukatala o mutuna o sa konwi ku taluswa ka manzwi. Meeto a luna h'a kuliswi ki s'a bona. Lizebe za luna ha li kuliswi ki ze li utwa. 9Se si ezahalile pili si ta ezahala hape. Se ne si ezizwe pili si ta kutela ku eziwa. Mwa lifasi kamukana ha ku na se sinca. 10Ba li, ‘A mu bone! Nto ye ñwi ye nca ki ye!’ Batili. N'e se i ezahlile pili, kale lu si ka pepwa. 11Ha ku na ya hupula ze n'e ezahalile mwa linako ze felile, ni mwa mazazi a taha ha ku na ya ta hupula ze ta ezahala, hona cwale fa ni ze tatama.
Temuho ya Mubuleli
12Na, Mubuleli, ne ni li mulena wa Isilaele mwa Jerusalema. 13Ni itukiseza ku tatuba ni ku ituta lika kamukana ze eziwa mwa lifasi mo.
Mulimu u lu file musebezi o tata, o sa tabisi. 14Ni boni lika kamukana ze eziwa mwa lifasi le, mi na mi bulelela, kaufela zona ha li na tuso. Ku swana ni ku lelekisa moya. 15Ha u koni ku otolola se si kopami. Ha u koni ku bala lika ze siyo.
16 #
1 Male 4.29-31;
Litu 47.14-18
Na ipulelela, na li, “Ni se ni li mutu yo mutuna, ya butali hahulu ku fita mañi ni mañi ya kalile ku busa Jerusalema pili na ni si ka busa kale. Ni ziba hande-nde mo bu inezi butali ni zibo.” 17Ne ni itukiselize ku ziba fapahano mwahal'a zibo ni bukuba, butali ni bupulumuki. Kono na lemuha kuli mwendi ni ka swana ni lelekisa moya. 18U sa ba ni butali bo butuna hahulu feela, u tahelwa ki lipilaelo ze ñata. Ha u ziba hahulu, u ta utwa butuku hahulu.
Currently Selected:
Mubuleli 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.