YouVersion Logo
Search Icon

Nehemías 1

1
Orashon di Nehemías pa e israelitanan
1Relato di Nehemías, yu di Hakalías.
Den luna di Kisleu den e di binti aña di gobernashon di rei Artaxèrxès di Persia,#Esdras 4:7 ora ami, Nehemías, tabata den fòrti Susan, 2un di mi rumannan, Hanani, huntu ku algun otro hòmber a bini for di Huda. Mi a puntra nan pa e hudiunan ku a bolbe for di den eksilio i tambe kon kos tabata na Herusalèm. 3Nan a kontestá mi: ‘E sobrá hudiunan ku a bolbe kas den provinsia Huda, ta den situashon penoso i humiliante. E muraya di Herusalèm ta bashá abou i kandela a destruí e portanan.’
4Ora mi a tende esaki, mi a sinta yora i tene luto dianan largu. Tambe mi a yuna i mi a resa na Dios di Shelu. 5Mi a bis'É: ‘Ai SEÑOR, Dios di Shelu, Dios grandi i temibel, Bo ta mantené bo aliansa, Bo ta keda fiel na esnan ku ta stima Bo i ta kumpli ku bo mandamentunan! 6Mi ta roga Bo: No kita bo bista for di bo sirbidó. Skucha ku atenshon e orashon ku mi ta dirigí na Bo di dia i anochi, pa e israelitanan ku ta bo sirbidó. Mi ta rekonosé ku nos, israelita, a peka kontra Bo; ami i mi famia tambe a peka. 7Nos a ofendé Bo gravemente. Nos no a kumpli ku e mandamentunan, e leinan i e dekretonan ku Bo a duna pa medio di bo sirbidó Moises. 8Kòrda loke Bo a ordená Moises. Bo a bisa: “Si boso ta infiel, lo Mi plama boso den e nashonnan,#Levítiko 26:33; Deuteronomio 28:64 9pero si boso bolbe serka Mi i biba segun mi mandamentunan, lo Mi reuní boso i hiba boso na e lugá ku Mi a skohe pa manifestá mi presensia,#Deuteronomio 30:1-5 ounke boso ta plamá te den e partinan di mas leu di mundu.” 10SEÑOR, e israelitanan ta bo pueblo, bo sirbidó; ku man fuerte i ku poder Bo a salba nan.#Deuteronomio 9:29 11Ai Señor, skucha ku atenshon orashon di bo sirbidó i di esnan ku ta respetá Bo i ta adorá Bo di kurason. Laga bo sirbidó logra su plannan i laga ku rei ke mi bon.’
E tempu ei mi tabata sirbidó di biña na mesa di rei.

Currently Selected:

Nehemías 1: BPK13

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy