2 Huan 1
1
Saludo
1E karta akí ta di ami, e ansiano, pa e Señora skohí i pa su yunan.#1:1 e Señora…yunan: Probablemente e outor a personifiká un iglesia i a yam'é “Señora” den sentido figurativo. Ku “su yunan” e ke men e miembronan di e iglesia ei. Mi ta stima boso di bèrdè i no ami so, ma tur hende ku a siña konosé e bèrdat. 2Mi ta stima boso, pasobra e bèrdat ta biba den nos kurason i lo keda den nos pa semper.
3Dios Tata i su Yu Hesu-Kristu duna nos, ku ta hiba un bida di bèrdat i amor, su grasia, mizerikòrdia i pas.
Bèrdat i amor
4Mi a keda mashá kontentu ora mi a haña algun di bo yunan ta biba den e bèrdat,#3 Huan 3 segun e mandamentu ku nos a risibí di Dios Tata. 5Awor mi ta pidi bo, Señora stimá, laga nos stima otro.#Huan 13:34; 15:12,17 Loke mi ta skibi boso no ta un mandamentu nobo, ma ta esun ku nos a risibí for di kuminsamentu. 6E amor ku mi ta papia di dje ta nifiká ku nos ta biba segun Dios su mandamentunan. E mandamentu manera boso a tende for di kuminsamentu, ta pa boso biba den amor.#Huan 14:15,23-24; 1 Huan 5:3
7Mi ta papia asin'akí, pasobra hopi gañadó a plama rònt mundu; nan ta nenga ku Hesu-Kristu a bini berdaderamente komo ser humano. Esun ku ta hasi esei ta e antikristu, esta e gañadó.#Mateo 7:15; 1 Huan 2:18; 4:1-3 8Paga tinu anto pa boso no pèrdè loke nos a traha p'e, ma sòru pa boso risibí boso rekompensá kompleto.
9Esun ku ke bai mas ayá di loke Kristu a siña, no tin Dios; pero esun ku aten'é na su siñansa, tin tantu e Tata komo e Yu.#1 Huan 2:22-23; 4:15 10Ke men si un hende bini serka boso sin trese e siñansa akí, no risibié den boso kas. No kumind'é mes! 11Pasobra esun ku kumindá un hende asina ta su kómplise den obra malbado.
Saludo final
12Mi tin hopi kos mas di konta boso, pero mi ta preferá di no hasié por eskrito. Sinembargo mi ta spera di bishitá boso i papia ku boso personalmente,#3 Huan 13-14 ya nos tur su alegria por ta kompleto.
13Señora, e yunan di bo ruman muhé skohí ta manda kumindamentu!
Currently Selected:
2 Huan 1: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013