Efesionan 1
1
Saludo
1Esaki ta karta di Pablo, ku pa boluntat di Dios ta apòstel di Kristu-Hesus, pa e hendenan na Éfese#1:1 na Éfese: tin manuskrito ku no tin e palabranan akí#Echonan 18:19-21; 19:1 ku ta pertenesé na Dios i ku ta biba fiel den union ku Señor Kristu-Hesus. 2Dios nos Tata i Señor Hesu-Kristu duna boso grasia i pas.
E benefisionan ku Dios ta duna pa medio di Kristu
3Laga nos alabá Dios, ku ta Tata di nos Señor Hesu-Kristu! El a bendishoná nos, pa medio di nos union ku Kristu, ku tur benefisio spiritual di e regionnan selestial. 4Pasobra den Kristu El a skohe nos fo'i promé ku El a krea mundu, pa nos ta santu i sin fayo dilanti di djE, yená ku amor.
5El a disidí#1:5 dilanti…disidí; otro posibel tradukshon: dilanti di djE. Den su amor El a disidí di antemano ku lo E adoptá nos komo su yu pa medio di Hesu-Kristu. Esei tabata kuadra ku loke tabata agrad'É i ku loke E mes ker a hasi. 6El a hasié pa nos por alab'É pa su grasia glorioso, ku kua El a bendishoná nos pa medio di su Yu stimá.
7Nos ta librá, pasobra Kristu a drama su sanger pa nos,#Marko 10:45; 14:24; Hebreonan 9:12-14 i E ta pordoná nos aktonan di desobediensia,#Kolosensenan 1:14 danki na su grasia inmenso. 8Dios a drama e grasia ei riba nos i a yena nos ku sabiduria i konosementu. 9Dios a laga nos konosé#1:9 grasia inmenso…konosé; otro posibel tradukshon: grasia inmenso ku El a drama riba nos. Den su sabiduria i konosementu, Dios a laga nos konosé su propósito skondí di akuerdo ku su boluntat, e propósito ku El a disidí di antemano pa realisá pa medio di Kristu 10na e momento kulminante di historia. Su plan tabata pa reuní tur kos den shelu i riba tera, i pone Kristu na kabes.
11Ta pa medio di Kristu nos a risibí herensia di Dios, esta ku nos ta propiedat di Dios, manera El a disidí di antemano. Asina tabata plan di Esun ku ta hasi tur kos manera E mes ke. 12El a hasié pa nos ku a pone nos speransa den Kristu promé ku boso, alabá grandesa di Dios.
13Ta pa medio di Kristu boso tambe a bira propiedat di Dios, ora boso a tende e mensahe di bèrdat, esta e bon notisia tokante boso salbashon. I ta pa medio di djE boso a bini na fe. Asina Dios a seya boso komo su propiedat dor di duna boso e Spiritu Santu ku El a primintí.#Lukas 24:49; Huan 14:26; 16:13-15; Echonan 1:4; 2:33 14E echo ku nos tin e Spiritu Santu ei#1:14 E echo…ei; otro manuskrito tin: E Spiritu Santu ei ta garantia#2 Korintionan 1:22 ku nos lo haña e herensia ku Dios a primintí. Asina nos por ta sigur ku Dios lo salba e pueblo ku a bira kompletamente di djE. E ta hasié pa nos alabá su grandesa.
Orashon di Pablo
15Pa e motibu ei i tambe pasobra mi a tende di boso fe den Señor Hesus i boso amor pa henter e pueblo santu, 16mi no a stòp di gradisí Dios pa boso. Mi ta kòrda boso den mi orashonnan 17i ta pidi Dios di nos Señor Hesu-Kristu, e Tata glorioso, pa duna boso Spiritu di sabiduria i di konosementu berdadero di Dios. 18Mi ta pidiÉ pa iluminá boso mente, pa boso sa kiko boso por spera awor ku El a yama boso, kon abundante e glorioso herensia ku Dios ta duna su pueblo santu, 19i kon inmensamente grandi su poder ta ku ta traha den nos komo kreyente. E poder ei ta e mesun forsa poderoso 20ku Dios a demostrá, ora El a lanta Kristu for di morto i a pon'É sinta na su man drechi den e regionnan selestial.#Salmo 110:1 21Asina Dios a pone Kristu riba tur outoridat, gobernante, dominio, potensia i tur otro sorto di poder, no solamente den e era akí, pero tambe den e era benidero. 22Dios a pone tur kos bou di Kristu su pia#Salmo 8:6 i El a duna iglesia Kristu komo kabes supremo. 23Anto iglesia ta kurpa di Kristu,#Kolosensenan 1:18 yená kunÉ, ku ta yena tur kos den universo kompletamente ku su presensia.
Currently Selected:
Efesionan 1: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013