Abdiasa 1
1
Lohateny sy Sasin-teny
1Fahitan’i Abdiasa.
Izao no nolazain’ny Tompo Iaveh#1,1 Izao no nolazain’ny Tompo Iaveh: Fanombohan-teny fanao mandrakariva amin’ny faminaniana izany. tamin’i Edôma#1,1 Tamin’i Edôma na hoe momba an’i Edôma: Ka ny lazaina amin’izany dia ny Idomeanina.:
- Nandray filazana avy amin’i Iaveh#1,1 Nandray filazana avy amin’i Iaveh izahay: Ny teny hoe, izahay, dia izahay mpaminany. - Afa-tsy i Abdiasa, dia efa samy nilaza faminaniana ny handravana an’i Edôma avokoa ireo mpaminany, tahaka an’i Izaià (34), i Jeremia (49,7-22), i Ezekiela (25,12-14) ary ny mpamorona ny Salamo (136,7). izahay ary nisy iraka nalefa ho any amin’ny firenena:
Mitsangàna! Aoka hitsangan-kamely azy, izahay. -
Teny fitsarana an’i Edôma
(Jereo Iz 34,1-17; Ezek 25,12-14; Jer 49,7-22)
2Indro ianao efa nataoko kely#1,2 Indro ianao efa nataoko kely: Ny Idomeanina dia firenena kely rahateo, kanefa sady kely no hataon’ny olona faniratsira, izany hoe afa-baraka. eo amin’ny firenena
dia faniratsira indrindra.
3Ny avonavon’ny fonao nahavery saina anao!
Izy izay mitoetra eny an-tsefatsefa-bato#1,3 Izay mitoetra eny an-tsefatsefa-bato: Petrà, renivohitry ny Idomeanina, izay natao tamin’ny teny hebrio hoe Selà, vatolampy, dia tanàna miorina eo ambony vatolampy, eo anelanelan’ny hantsana roa lalina, ka sarotra idirana. Ka noho izany toetry ny tanànany izany, no niavonavonany; satria nohoveriny fa tsy ho azon’olombelona tafihina izy.,
ka ny havoana no fonenany,
dia manao anankampo hoe:
Zovy moa no hampidina ahy eny amin’ny tany?
4Na hisondrotra ho avo toy ny voromahery#1,4 Voromahery: Ny voromahery izay lazaina eto, dia sady makadiry no matanjaka aok’izany erỳ. Ny voromahery eto amintsika dia sahala amin’ny vantony mbola tanora raha oharina aminy. Eny amin’ny tsefatsefa-bato no famoronany ny akaniny, ka tsy azon’olombelona anihina; fa sahy mipaka amin’ny olona izy. aza ianao,
ka hametraka ny akaninao eny amin’ny kintana,
dia hampidina anao avy eny Aho, - teny marin’i Iaveh. -
Famongarana an’i Edôma
5Raha nisy tafiditra ao aminao, na ny mpangalatra,
na ny mpandroba alina
- Endrey izany faharavanao! -
moa ho tsy izay ampy azy ihany va no nongoahany?
Raha misy mpioty voaloboka tonga tao aminao,
moa dia tsy ho nasiany sisa hotsimponina va?
6Endrey izany fisava an’i Esao#1,6 I Esao: Izay atao hoe koa Edôma (Jen 25,25-30) dia atao eto hoentina milaza ny Idomeanina taranany. Ny teny amin’ity and faha-6 ity sy ny andininy manaraka, dia teny mitantara zavatra efa lasa, nefa ny ho avy no ambarany.!
Endrey izany fikaroka ny rakiny miafina!
7Nanosika anao#1,7 Nanosika anao. Ireo firenena izay mody nihavana ka nanao fanekena tamin’ny Idomeanina, dia nandroaka tamin’ny fanalam-baraka, na ireo ambasadaoro nirahina hiantso vonjy, na ireo mpandositra izay nitady fialofana tao amin’ireo firenena mpihavana. hatrany an-tsisin-tany avokoa,
ireo vita fanekena taminao;
namazivazy anao, naharesy anao ireo
izay nifaly tamin’ny fihavanany aminao;
ry zareo nihinana ny haninao,
namela-pandrika eo ambanin’ny dianao.
Tsy misy saina azo aminy.
8Moa amin’izany andro izany, - teny marin’i Iaveh, -
tsy fongorako va ny olon-kendry ao Edôma,
sy ny fahazavan-tsaina ao an-tendrombohitr’i Esao?
9Ho raiki-tahotra mafy ny mpiadinao, ry Temàna,
mba ho voafongotra rehefa mety ho lehilahy, ao an-tendrombohitr’i Esao.
10Noho ny famonoana#1,10-17 Noho ny famonoana. Ny antony fandravana an’i Edôma, dia ny fankahalany lalandava an’i Jakôba rahalahiny. I Esao izay atao hoe Edôma, dia rahalahin’i Jakôba iray tam-po aminy., noho ny fahasiahanao amin’i Jakôba rahalahinao,
dia ho safo-kenatra sy hofongorana mandrakizay ianao.
11Tamin’ny andro nitsangananao nanandrify azy,
tamin’ny andro nitondran’ny fahavalo ny miaramilany,
sy nitsofohan’ny hafa firenena amin’ny vavahadiny,
ka nanaovany loka an’i Jerosalema,
dia toy ny iray tamin’ireny koa ianao.
12Aza faly mijery ny andron’ny rahalahinao,
amin’ny andro idiran-doza aminy;
aza mifaly amin’ny momba ny taranak’i Jodà,
amin’ny andro andringanana azy;
ary aza dia avoavo fiteny amin’ny andron’ny fahoriany.
13Aza miditra ny vavahadin’ny vahoakako,
amin’ny andro ahitany loza;
aza faly mijery ny fahoriany koa ianao,
amin’ny andro ahitany loza;
ary aza maninji-tanana haka ny fananany,
amin’ny andro ahitany loza.
14Aza miandry eo am-pihaonan-dalana#1,14 Fihaonan-dalana: Ireo Idomeanina ireo, dia niara-namely ny taranak’i Jakôba tamin’ilay nisian’ny fahavalo nikasa handringana ny fanjakan’i Jodà; ka izay Hebrio nandositra dia nandrasany teo am-pihaonan-dalana ka ny sisa tsy matiny natolony ny fahavalo.,
hamono ny mandositra avy any aminy;
aza manolotra ireo afa-nandositra,
amin’ny andron’ny fahoriany.
15Fa efa akaiky ny andron’i Iaveh
amin’ny firenena rehetra;
ka toraky ny nataonao no hatao aminao;
hitsingerina ho eo an-dohanao, ny asanao.
Andron’i Iaveh, famalian’i Israely an’i Edôma
16Fa toy ny nisotroanareo#1,16 Toy ny nisotroanareo, sy nanaovanareo fanasam-be nanodidina ny tempoly tamin’ny andro nahazoan’ny fahavalo an’i Jerosalema; no hisotroan’ny firenena rehetra tsy an-kijanona anareo; izany hoe rehefa nisotro tamin’ny kapoakan’ny tsy fahalalana onony tamin’ny fanenjehana ny fivavahana ianareo, dia hiboboka amin’ny kapoakan’ny fahatezeran’Andriamanitra kosa, izay sazinareo. teo an-tendrombohitro masina,
no hisotroan’ny firenena rehetra#1,16 Firenena rehetra: Ampitahao amin’ny Jer 25,15 sy ny manaraka: 49,12. tsy an-kijanona koa;
hisotro izy, hitelina izy,
ary ho toy ny tsy nisy akory izy.
17Ao an-tendrombohitr’i Siôna kosa hisy sisa nanamborana;
ho fitoerana masina izy#1,17 Ho fitoerana masina izy: Satria ho masina ny mponina ao, ary ho voaesotra tsy hisy ao akory izay mpanompo sampy sy olona tsy tia fivavahana.;
ary hahazo ny fananany indray ny taranak’i Jakôba.
18Ny taranak’i Jakôba, ho afo#1,18 Ny taranak’i Jakôba, ho afo: Izany hoe, taorian’ny niverenana avy any Babilôna ny Jody dia tahaka ny afo mandevona ny taranak’i Esao na hoe ny Idomeanina, izay niady taminy matetika. Izany faminaniana izany, dia azo heverina fa tanteraka tamin’ireo fanafihan-dry i Makabeo ny Idomeanina (1Mak 5,3). Atỳ aoriana ela be anefa vao tena fongotra ny taranak’i Esao.;
ny taranak’i Josefa, ho lelafo;
ary ny taranak’i Esao kosa, ho bozaka;
ka harehitr’ireo izy sy holevoniny,
dia tsy hisy miangana ny taranak’i Esao,
fa i Iaveh no efa niteny.
I Israely vaovao
19Ny tendrombohitr’i Esao, ho lasan-dry zareo any Negeba,
ary ny tanin’ny Filistinina ho an-dry zareo amin’ny Sefelah;
hanana ny faritanin’i Efraima izy ireo,
mbamin’ny faritanin’i Samaria;
ary ny any Benjamina hahalasa an’i Galaada.
20Ireo lasan-ko babo tamin’ny tafiky ny zanak’i Israely
hahalasa ny tanin’ny Kananeanina, hatrany Sareptà.
Ary ireo lasan-ko babo tamin’i Jerosalema izay any Sefarada
hanana ny tanàna any amin’i Negeba.
21Ka hisy Mpamonjy#1,21 Mpamonjy. Araka ny filazan’ny maro, dia ry i Makabeo sy ny mpanjakan’ny Armenianina no lazaina amin’izany; nefa ny hevitra ambony noho izany dia i Jesoa Kristy mihitsy no ambaran’io faminaniana io. hiakatra ao an-tendrombohitra Siôna
hitsara ny tendrombohitr’i Esao;
ary ho an’i Iaveh ny Fanjakana#1,21 Fanjakana. Izany fampanantenana izany dia tsy ho tena tanteraka mihitsy raha tsy amin’ny fara andro; fa amin’izay ny fahefana rehetra dia ho rava, ka Andriamanitra irery ihany no hanjaka eo amin’ny olo-masiny sy miaraka amin’ireo olo-masiny mandrakizay. (1Kôr 15,24; Apôk 11,15)..
Currently Selected:
Abdiasa 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.