2Makabeo 1
1
1. IREO TARATASY HO AN’NY JODY TANY EJIPTA
TARATASY VOALOHANY
1«Ho an’ireo Jody rahalahiny any Ejipta: Arahaba! Ny Jody rahalahiny ao Jerosalema sy ny amin’ny tanin’i Jodà maniry fiadanana tsara! 2Hanasoa anareo anie Andriamanitra, ary hahatsiaro ny fanekeny tamin’i Abrahama#1,2 Fanekena tamin’i Abrahama. Izany hoe, hitahy sy hanamaro ny taranany, izay hivoahan’ny Mesia., i Isaaka, sy i Jakôba, mpanompony mahatoky. 3Ianareo rehetra anie samy homeny fo mitsaoka Azy sy manatanteraka ny sitrapony amin-jotom-po sy fankasitrahana. 4Hosokafany ho an’ny lalàny amam-pitsipiny anie ny fonareo, ary hasiany fiadanana. 5Hihaino ny vavakareo anie Izy sy hihavana aminareo indray ka tsy handao anareo amin’ny andron’ny fahoriana. 6Ary izahay atỳ izao dia mivavaka ho anareo.
7Tamin’ny andro nanjakan’i Demetriosa#1,7 I Demetriosa: Izy no Demetriosa faha-2 Nikatora, izay nanjaka tany Siria, rehefa maty i Aleksandra Balasa, tamin’ny taona faha-167 ny Selokidesa, izany hoe 145 taona talohan’i Jesoa Kristy., taona faha-169, nanoratra ho anareo izahay Jody, tanatin’ny fahoriana mangidy indrindra izay tonga tamin’izany taona izany, dia hatramin’ny nivadihan’i Jasôna mbamin’ny mpiandany aminy, tsy hiaro ny tany masina sy ny fanjakana. 8Nodoran’ny olona ny varavaran’ny tempoly, nalatsany ny ra tsy manan-tsiny. Nivavaka tamin’ny Tompo izahay tamin’izany, ary nohenoina ny vavakay, ka dia nanatitra ny sorona sy ny lafarina tsara indrindra izahay, sady nandrehitra ny jiro sy nandahatra ny mofo.
9Koa ankehitriny manoratra ho anareo indray izahay, mba hankalazanareo ny andron’ny fetin’ny Tabernakla#1,9 Fetin’ny tabernakla: Ity fety natao tamin’ny volana Kasleo (desambra) ity, dia ho fahatsiarovana ny fitokanana ny tempoly izay vao namboarina sy nodiovin’i Jodasy Makabeo (1Mak 4-59). Ny fombam-pivavahana, dia natao naharitra havaloana tahaka ny fanao amin’ny fetin’ny Tabernakla izay natao tamin’ny volana ôktôbra, ilay voalazan’ny lalàna fahiny ao amin’ny Deter 16,3. Fety roa samy hafa izany, na dia mitovy anarana ihany. Fotoana samy hafa sy antony samy hafa no nankalazana azy aza ireo. fanao amin’ny volana Kasleo.»
10Amin’ny taona faha-188.
TARATASY FAHAROA
Fiarahabana
«Ny atỳ Jerosalema sy Jodea, ny parlemanta sy i Jodasa#1,10 Ny parlemanta sy i Jodasy. Tsy mba i Jodasy Makabeo ity; fa angamba i Jodasy ilay Esenianina, mpaminany malaza. manoratra ho an’i Aristôbôla, mpanolo-tsain’i Ptôlemea mpanjaka, isan’ny fianakavian’ny mpisorona voahasina, sy ho an’ny Jody any Ejipta: Arahaba! Fiadanana!
Fisaorana an’Andriamanitra tamin’ny nanasaziany an’i Antiôkosy
11Novonjen’Andriamanitra tamin’ny loza lehibe izahay, ka misaotra Azy indrindra, dia izahay vonon-kiady amin’ny mpanjaka#1,11 Vonon-kiady amin’ny mpanjaka: I Antiôkosy Sidetesa io, na i Antiôkosy Epifana.. 12Fa Andriamanitra mihitsy no nanosika an’ireo nilahatra hamely ny tanàna masina#1,12 Ny tanàna masina: Tamin’ny andininy fahafito, i Jodea no ataony hoe tany masina; hampahatsiaro an’ireo Jody any lavitra any izay nitady hisaraka amin’ny Jody ao Palestina, ny fahamasinan’ny tanindrazany, hitiavany azy sy hiraiketany fo aminy.. 13Satria rehefa lasa nankany Persa ny filohan’ny fahavalo nitondra tafika toa tsy ho azo resena, dia voavono izy ireo tao amin’ny fitoerana masin’i Nanea#1,13 i Nanea, andriamani-bavy notompoin’ny Persa noho ny hafetsen’ireo mpisoron’i Nanea. 14Tonga tao amin’io fitoerana io i Antiôkosy mbamin’ireo sakaizany, mody hoe hanambady ny andriamanibaviny, kanjo nikendry ny hahazo ny rakitra ao ho haren’ny ampakarina. 15Narantirantin’ny mpisoron’i Nanea ireo rakitra ireo, ka ny tenan’i Antiôkosy no niditra tao anatin’ny fitoerana masina, nomban’ny mpanaraka azy vitsy foana. 16Vao tafiditra ny Tempoly i Antiôkosy, dia nohidin-dry zareo ny Tempoly, ary novohainy ny varavara-miafina teo amin’ny valin-drihana, nanjerany vato, ka namonoany ity filoha mbamin’ireo nanaraka azy, dia norasarasainy, ka natsipiny tany amin’ny olona tany ivelany ny lohan’izy ireo. 17Hisaorana amin’ny zavatra rehetra anie ny Andriamanitsika, izay nanolo-ko faty ireo mpankahala ny fivavahana.
Ny afo masina voatahiry tamin’ny fomba mahagaga
18Ka rehefa hankalaza ny fanadiovana ny Tempoly, amin’ny andro faha-25n’ny volana Kasleo, dia nataonay fa ilaina ny milaza izany aminareo, mba hankalazanareo koa ireo andro fetin’ny Tabernakla, sy ny andron’ny afo#1,18 Ny andron’ny afo: Ny nahitana ny afo masina tamin’ny andron’i Nehemia., izay nirehitra nony nanatitra sorona i Nehemia, rehefa avy nandrafitra indray ny Tempoly sy ny ôtely.
19Satria fony nentina tany Persa ny razantsika dia nangalan’ireo mpisorona tia vavaka tamin’izany andro izany, ny afon’ny ôtely, ka nafeniny mangingina tao amin’ny lava-pantsakana maina anankiray, ary fatratra ny nanafenany azy tao, ka tsy nisy nahalala izany toerana izany ny olona rehetra. 20Nony afaka taona betsaka tatỳ aoriana, rehefa izany no sitrak’Andriamanitra, dia nalefan’ny mpanjakan’i Persa ho any Jodea i Nehemia, ka nasainy nikaroka ilay afo ny taranak’ireo mpisorona nanafina azy. Nolazain’ireo taminay anefa, fa rano marihitra no hitany fa tsy ny afo. 21Ka nasainy nanovozana sy nitondrana tao aminy izany. Raha efa izany, nony efa nataony teo ambonin’ny ôtely ny zavatra ilaina hanaovana ny sorona, dia nasain’i Nehemia nofafazan’ny mpisorona tamin’izany rano izany ny kitay hazo mbamin’izay teo amboniny. 22Notanterahina izany didy izany, ary nony inona, ka tonga ny fotoana namirapiratan’ny masoandro, izay voatakon’ny rahona hatramin’izay, dia nisy afo nivaivay lehibe nirehitra, ka gaga avokoa ny olona rehetra!
23Dia nihalevona teo ny sorona, dia nanao fivavahana ny mpisorona narahin’izay rehetra nanatrika teo, ka i Jônatasy no nitarika, ary ny sisa rehetra hatramin’i Nehemia koa niray feo taminy. 24Toy izao izany fivavahana izany: Tompo ô, Tompo ô, Andriamanitra mpahary ny zavatra rehetra, mahatahotra sy mahery, marina sy miantra, 25hany mpanjaka sy tsara fo, hany mazava fo sy marina tokana, mahefa ny zavatra rehetra sy mandrakizay, izay manafaka an’i Israely amin’ny loza rehetra, sy nanao ny razanay ho olom-boafidinao, sady nanamasina azy, 26raiso ity sorona ity, ho an’i Israely vahoakanao, tano ny lovanao#1,26 Ny lovanao: ny Israelita no lovan’i Iaveh., ary hamasino izy. 27Vorio ireo mihahaka avy atỳ aminay, afaho ireo manompo any amin’ny firenena, topazo fijery antra ireo esoina sy ankahalaina, mba ho fantatry ny firenena fa Ianao no Andriamanitray. 28Faizo izay mampahory sy maniratsira anay amim-pireharehana. 29Aoreno eo amin’ny fitoerana masina, araka ny voalazan’i Môizy, ny vahoakanao.» 30Fanampin’izany, nanao hira ireo mpisorona.
31Nony levona ny sorona, nasain’i Nehemia nararaka tamin’ny vato lehibe ny rano sisa. 32Vita izany dia nisy afo nirehitra teo, ka nony notarafin’ny tsirim-pahazavana avy eo amin’ny ôtely ny rano, dia levona. 33Niely ny filazana izany zava-niseho izany, dia nilazana ny mpanjakan’i Persa fa teo amin’ny fitoerana nanafenan’ny mpisorona nentin-ko babo ny afo masina dia nahitana rano, ary io rano io no nanamasinan-dry i Nehemia ny sorona. 34Dia nasain’ny mpanjaka nofefena sy nataony masina izany fitoerana izany, ary izany no nanamarinany ny zava-niseho#1,34 Artakserksesa Lava tanana: izy no nanendry an’i Nehemia ho mpandroso divay ao amin’ny lapany. Izy koa no naniraka an’i Nehemia hanamboatra ny tempoly tany Jerosalema (Neh 2,1-9).. 35Nizaràny fanomezana maro samihafa izay mpahita fitia aminy. 36Neftara, izany hoe fanadiovana, no niantsoan’ireo naman’i Nehemia izany fitoerana izany, fa Neftaia kosa, hoy ny maro miantso azy.
Currently Selected:
2Makabeo 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.