1Samoela 1
1
1. FAHAZAZAN’I SAMOELA
Fivahinianana masina tany Silao
1Nisy lehilahy anankiray tany Ramataima-Sofima, any amin’ny tendrombohitra Efraima, atao hoe Elkanà, zanak’i Jerôhama, zanak’i Eliò, zanak’i Taohò, zanak’i Sofa; Efrateanina izy io. 2Nampirafy izy#1,2 Nampirafy izy: Nomen’i Môizy lalana ny Jody mba hanambady roa na maro. ka i Anà no anaran’ny vadiny anankiray, ary Fenenà kosa, ny anankiray. Nanan-janaka i Fenenà, fa i Anà kosa tsy mba nanan-janaka. 3Niakatra avy any an-tanàna isan-taona ralehilahy io, hivavaka amin’i Iavehn’ny tafika#1,3 Iavehn’ny tafika: Andriamanitry ny tafika (jereo Jen 2,11). Izany anarana izany, dia mampahatsiaro ny Hebrio, ny nitondran’Andriamanitra azy avy tany Ejipta, tany an’efitra, tamin’ny ady maro nandreseny ny fahavalony: satria tamin’izany Andriamanitra, tao amin’ny Fiara, dia nialoha lalana ny tafik’i Israely. - Ny alehan’ny hevitra ambony sady lehibe noho izany anefa, dia hoe: I Iaveh no tompon’ny tafika sy ny hery any an-danitra, amin’izay hita sy tsy hita, dia ny Anjely sy ireo astra samihafa karazana. sy hanatitra sorona aminy, any Silao. Ary tao ny zanak’i Helì, roa lahy, dia i Ofnì sy i Finea, mpisoron’i Iaveh. 4Tamin’ny andro nanateran’i Elkanà sorona, dia samy nomeny anjara avy i Finenà vadiny, sy ny zanany lahy aman-janany vavy, 5ary i Anà nomeny anjaran-droa#1,5 Nomeny anjaran-droa. Izany fanomezana izany no porofo fa tian’i Elkanà hoatra ny vady niteraka i Anà. satria tiany i Anà, ary nataon’i Iaveh momba. 6Sady mbola nankalozain’ity rafiny mafy izaitsizy koa izy, mba hampalahelo azy amin’ny nanaovan’i Iaveh azy momba. 7Ary toy izany no nataon’i Elkanà isan-taona isaky ny iakaran’i Anà any an-tranon’i Iaveh; fa nampijalin’i Fenenà toy izany ihany koa izy. Ary tamin’izany dia nitomany izy sy tsy nihinan-kanina. 8Hoy i Elkanà vadiny taminy: «Ry Anà ô, ahoana no itomanianao sy tsy ihinananao hanina? Ary nahoana no malahelo ny fonao? Tsy mihoatra noho ny zanaka folo lahy va aho, ho anao?»
Vavak’i Anà
9Nony avy nihinana sy nisotro ny olona, tany Silao, dia nitsangana i Anà. I Helì mpisorona izany, nipetraka teo amin’ny fipetrahana anankiray, teo anoloan’ny anankiray amin’ny tsato-kazon’ny tempolin’i Iaveh. 10Fo vontom-pahoriana no nivavahan’i Anà tamin’i Iaveh ary nipotrapotraka ny ranomasony; 11ary nivoady izy, nanao hoe: «Iavehn’ny tafika ô, raha mba mitsinjo ny fahorian’ny ankizivavinao Ianao, raha mahatsiaro ahy ka tsy manadino ny ankizivavinao, ka manome zazalahy ny ankizivavinao, dia homeko ho an’i Iaveh izy, amin’ny andro iainany rehetra, ary tsy ho kasihin-kareza ny lohany.» 12Naharitra ela no nivavahany teo anatrehan’i Iaveh ka nodinihin’i Helì ny vavany. 13Fa niteny anakampo i Anà, ka ny molony fotsiny no nihetsiketsika, fa ny feony tsy re akory. Noheverin’i Helì fa mamo izy. 14Dia hoy izy taminy: «Mandra-pahoviana ianao no ho mamo? Mampisavà ny hamamoana avy amin’ny divainao.» 15Fa hoy i Anà: «Tsia, tompoko, fa vehivavy ory ao am-po aho, tsy nisotro divay na fisotro mahamamo aho; fa namboraka ny ato am-poko eto anatrehan’i Iaveh. 16Aza mihevitra ny ankizivavinao ho olon’i Beliala#1,16 Olon’i Beliala: Izany hoe, olona tsinontsinona. (Beliala: tsy misy hasina) fa ny hamafin’ny halahelo amam-pahoriako no nitenenako mandraka ankehitriny.» 17Dia niteny indray i Helì ka hoy izy: «Mandehana amim-piadanana, ary hohenoin’ny Andriamanitr’i Israely ny vavaka nataonao taminy.» 18Ka hoy izy: «Hahita fitia aminao anie ny ankizivavinao.» Dia lasa nizotra ny lalany ravehivavy, dia nihinana izy ary niova ny tarehiny.
Ny nahaterahan’i Samoela sy ny nanokanana azy
19Ary nifoha maraina koa izy ireo, ka nony avy niankohoka teo anatrehan’i Iaveh, dia nody izy, ka niverina tany an-tranony any Ramà.
20Ary i Elkanà nahalala an’i Anà vadiny, ary i Iaveh nahatsiaro azy. Ary nony nitsingerina ny andro#1,20 Nony nitsingerina ny andro: Izany hoe, nony niherina ny taona., dia efa nanana anaka i Anà ka dia tera-dahy izy, ary nataony hoe Samoela#1,20 Samoela: Ny dikany dia hoe: Azo tamin’Andriamanitra. ny anarany, fa nangatahiko tamin’i Iaveh, hoy izy.
21Dia niakatra i Elkanà vadiny sy ny ankohonany rehetra hanatitra amin’i Iaveh ny sorona fanao isan-taona, sy hanefa ny voadiny. 22Tsy mba niakatra anefa i Anà, fa hoy izy tamin’ny lahy: «Rehefa hitsaha-nono ny zaza dia hoentiko eo anatrehan’i Iaveh sy hitoetra eo mandrakizay.» 23Ary hoy i Elkanà vadiny taminy: «Ataovy izay heverinao ho mety; mijanòna atỳ aloha, mandra-panotinao azy, ary hoefain’i Iaveh anie ny teniny.» Dia nijanona ravehivavy, ka nampinono ny zanany mandra-panotiny azy. 24Nony efa notazany ny zaza, dia nentiny niakatra niaraka taminy, sady naka vantotr’ombilahy telo, sy lafarina iray efah, ary divay eran’ny siny hoditra izy, dia nentiny nankao an-tranon’i Iaveh tao Silao izy. Mbola tanora kely ny zaza. 25Dia novonoin’izy ireo ny vantotr’ombilahy iray, ary nentiny nankao amin’i Helì ny zaza. 26Ka hoy i Anà: Aza mahafady, tompoko. Raha velona koa ny aiko, tompoko, dia izaho ilay vehivavy nitoetra teto akaikinao nivavaka tamin’i Iaveh.
27Ny hahazoako ity zaza ity no nangatahiko ary neken’i Iaveh ny fangatahana nataoko taminy. 28Koa inty kosa aho mahafoy azy ho an’i Iaveh#1,28 Mahafoy azy ho an’i Iaveh aho: Atolotro an’i Iaveh, toy ny zavatra nangatahiny tamiko izy, mba ho voatokana hanompo Azy. - Nefa tsy mba didy ho an’ny zanaka ny manatanteraka ny voady nataon’ny ray aman-dreniny toy izany; fa an-tsitrapony no nanefany ny voadin’izy ireo.; nafoy ho an’i Iaveh izy amin’ny andro hiainany rehetra. Dia niankohoka teo anatrehan’i Iaveh izy ireo.
Currently Selected:
1Samoela 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.