Nehemia 1
1
Nehemiab tusarninga Jerusalemik, tuksiarningalo tapᴋoa pivlugit.
1Tamadsa Nehemiab, Hachaljab erningata pijokalaungningit. Pijokalaukpok takᴋerme Kisleuemik atelingme, jârit 20gingane, igloksoarmêtilûnga Susanemêtome.
2Hanani ᴋatangutima ilangat, angutit ilangit ilagilugit tikkipok Judamit. Appertsorpakkalo Judit ᴋemâmajut, amiakojullo parngnanairsortaunermit, Jerusalemelo pitjutigivlugit.
3Tapᴋoalo oᴋautivânga: Amiakut parngnanairsortaunermit tagvane nuname ᴋanoêtomêput angijome mittautigijaunermêlutiglo; Jerusalemib avaloksoangit serᴋomisimavut, upkoaksoangillo ikkisimavut.
4Oᴋautsille taimaitut tussarapkit, iksivalerpunga ᴋêalungalo, ogguarlarmalo uvlut ᴋapsit nâvlugit, nerritaililungalo tuksiarlungalo ᴋilaub Gûdingata sângane,
5Oᴋarlungalo: Nâlegak ᴋilaub Gûdinga, Gûdeôjoksôjotit, sivuranartoksôlutillo, angersimanermik, napkiningnermiglo torᴋorsijok tapᴋonunga naglingniktunut tapsominga, perᴋojanginiglo Nâlektunut;
6Siutikik kamatsiarliktôk, ijikiglo uitalerlîk, Tussarᴋovlutit kivgaᴋotivit tuksiarninganik, tuksiarutigijamnik mânna sângne uvlotilûgo unnuamelo, Israelitit kivgaᴋotitit pivlugit; ᴋanorlo Israelib ᴋitorngangita idluitulliningit, pinniarlauktavut ilingnut, kigligiutigigapkit; uvangalo atâtamalo iglomioᴋatangit idluitullilaurivogut.
7Idluitullivigilaukpaptigit, perᴋojallo, innatsinerillo, idluarnerillo, perᴋolauktatit kivgaᴋotingnut Mosemut, malilaungilavut.
8Erᴋarugletôk oᴋausek imna, perᴋolauktat kivgarnut Mosemut, oᴋalauklutillo: Nâmangitulliniarupse, tagva siamartitsomavapse inûᴋattigêksuit akkornganut.
9Sâniarupsele uvamnut perᴋojakkala kamagigupsigik, pinniarutigigupsigiglo, ajaktortaumagalloarupselo ᴋilaub issua tikkidlugo; sulle tagvangat kattersoromavapse, atsomaluselo innemut annerijamnut, atera tagvaneᴋovlugo.
10Ilâle kivgarivattit inuᴋotigilugillo, piulilauktattit pitsartunersoarnut, aggangnullo sôngojunut.
11ᴋanoktôk Nâlegak siutikik kamatsiarlik, kivgaᴋotivit tuksiarninganik, kivgaᴋotivillo assima tuksiarninganik, tussudlartut atit sivuragijomavlugo; kivgaᴋotillo uvlome sullitilauruk, napkiningneksiᴋolugolo angutib ipsoma kênangata sângane. Imiksaliorteôlaurama atannermut.
Currently Selected:
Nehemia 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.