Jeremiab Ogguarutigijangit 1
1
1Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!
2Unnuarme ᴋeadlarpok, ᴋugvingit ulluanginêput; ungagijingita ilûnatik akorngane manigoijuksaᴋalungilak: ilannârijingita ilûnatik pingitsertorvigivât, ômisukteolerput tâpsominga.
3Judakut aularutijauvut nunamingnit oᴋumaiksartitaulauramik, angijomiglo kipalungortitauvlutik; nunaᴋarput nelojut akorngane, merngoerserviksarsilungilallo: unangmijingitalo ilûnatik anguvait apᴋosinerne nerrokitune.
4Zionib apᴋosiningit ogguarput, aijoᴋalungimat uvloᴋsiorviksanut; upkoaᴋsoangit inuêrput, ajoᴋertuijungit anersaumivut: uigasungit kiksarput, nangminerlo sanikterivut.
5Akkerartortingit angajoᴋângorsimavut, ômigijingillo piblingaidlarput; Nâlekab kapiasuktingmagit idluituliningit unuktoᴋsuit pivlugit: ᴋitorngârsungit aularutijauvut ômigijinginut.
6Zionib paninganit pinnarnarnek tamât nûsimavok; angajoᴋâᴋsoangit tuktutitut nerrinasugviksarsingitutitut iput, nukkeᴋaratiglo ᴋemâvut unangmijimingnit.
7Kapiasuktitaunime saksârtitaunimelo uvlungine Jerusalemib erᴋarpait ᴋuvianadlartut tamaita ilauktut neliutine sivorline; inungit katangmatta ômigijingita agganginut, ikajortiksarsinginamiglo, ômigijingita takonârpât, mitauteᴋarpullo pikaluktauninginik.
8Jerusalem sôngojomik idluitulilaukpok; taimaimat ilingavok ivjornartungortitaumajotut; ilûnatik opigosulauktut tâpsominga naggogivât, takogamik ussinganinganik; ilâ, anersaumivok, tunumullo sanguvok.
9Annorâne salumaitilaukpait; erᴋailungilarlo kinguniksaminik; taimaimat tatamnadlartomik oggotitauvok; manigoijuksaᴋangilarlo. Nâlegak, kapiasuktitaunera takosalauruk, ômisuktok angijorortingmat nangminerminik.
10Omisuktub aggane issakpait pivianartoᴋotinginut tamainut, takonârtuksauvorlo nelojut itârmatta katimaviksoaᴋotinganut, tâpkoa pivlugit perᴋojilauraloartilutit itertuksaungimatta ilagêktoᴋotingnut.
11Inungit ilûnatik anersaumivut nerᴋiksarsiorlutik; perᴋutitik ᴋuvianartut taungniutigivait nerᴋiksamik inôtsemik nakoksijutiksanganik. Nâlegak, takosalaurit ulernairtuilutillo, naggonartungorama.
12Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.
13Pângat tiliklilaukpok ikomamik saunimnut, tâmnalo kiblêvok tâpkoninga; issivitsilaukpok nulluanik itikamnut, kingumullo sangutipânga; manigorutiksairutivânga nukkingêrutilungalo uvlok nâvlugo.
14Tapatonima nangmautinga ᴋelaksortauvok tâpsoma agganginut; pergaijauvut, ilijauvullo ᴋongesimnut; nukkeᴋarungnaitipânga. Nâlekab pitisimavânga ipkoa sâlagijungnangitama agganginut.
15Nâlekab inuᴋotikka sôngojut tamaita uvamnêlauktut mitautigivait; akkerartortuksat katimaᴋovait uvamnut, inôsuktoᴋotikka sorᴋsuktuksat asserortauᴋovlugit; Nâlekab Judab paninga uigasuk tullerajarpâ, sorlo paungat vainiksat iptêjartauvingane.
16Tamakkoa pivlugit ᴋeavunga, ijîkka korlorpuk imermik, tarnima manigoijiksanga ungasidlarmat uvamnit; ᴋitorngakka manigorutiksairutivut, ômigijikka sâlaᴋarmatta.
17Zionib aggane isakpait; manigoijiksaᴋangilarle tâpsominga; Nâlegak perᴋojivok Jâko pivlugo ilumajingit ômisukteoᴋovlugit tâpsominga; Jerusalem akornganêpok ivjornartotut-idlune.
18Nâlegak idluarpok; tâpsoma perᴋojangit tapagilaurapkit; tusalauritse, inôᴋatigêngojose ilûnase, kapiasungneralo ulernairtorsiuk: uigasukka angutikkalo inôsuktut aularutijaumavut.
19Ungagijikka ᴋaigarsugvigilaukpakka, uivêrivângale; ajoᴋertuijikka angajoᴋâkkalo anernangerput iglugasaksoarne, ᴋeneriartortilugit nerᴋiksamik inôsingita nakoᴋsijutiksanganik.
20Takosalaurit, Nâlegak, kapiasudlarama; ergavikka aulajadlarput; ômatiga mumikpok ilumne; angijomik tapalaurama; silame saviksoak arᴋtaivok, toᴋo iglomêpok.
21Anersauminera tusartaugaloarpok; manigoijomajoᴋangilarle uvamnik; ômigijima ilûnatik kiksauteᴋarnera tusaumavât, ᴋuviasutuinarpulle taimailaurama. Uvlok oᴋautigilauktat neliutititsomârpat, tâpkoalo uvaptut-ilârput.
22Idluituliningit ilûnatik sângnôrlit, piniarvigilaukillo sorlo piniarvigigamga tapanikka tamaita pivlugit; anersauminikka unuktôngmatta, ômatigalo mungudlarmat.
Currently Selected:
Jeremiab Ogguarutigijangit 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.