Okaluktok 1
1
Nunab pingita tamaita sunaunginingit.
1Tamadsa oᴋaluktub, Dâvidib erningata, atanniojub Jerûsaleme oᴋâlaningit.
2Ilâ, sulinginerit sulinginingit! Oᴋaluktok Oᴋâlaukpok; ilâ sulinginerit sulinginingit. Tamât sulinginiovok.
3Sunaᴋarkâ inuk siorniornerminit tamât pigijaminit Sekᴋerngûb atâne?
4Kinguvârêt atautsit nungulerput, assingit ᴋaivut; nunale itsainarpok issoᴋangitomut.
5Sekᴋinek nuilerpok, nippilerlunelo, aisâdlalarmelo inniminut, tagvane ama nuilerᴋovlugo.
6Annore ingergavok sekᴋernganut, kaivalailunelo tachâ tikidlugo; kaivalaimarilunelo inne tikidlugo annitainarvigijane.
7Kôgut ilûnatik kôlerput imarbingmut, sullelo imarbik ullipkinersaulerlungilak; innimut kôgut annitainarvigijamingnut, tagvunga kôlerivut.
8Piniarnerit tamaita taimâk siorniornartigijôvut, kinamut oᴋautigijaujungnangimat. Ije takkungotsengilak, siullo tussangotsengilak.
9Sunauva pijoᴋalauktok? Taimâluatsiak kingorngane pijomârtok. Sunauva piniartaumalauktok? Taimâluatsiak kingorngane piniartaujomârmijok; nutâmiglo piniartoᴋangilak sekᴋerngûb atâne.
10Piniartoᴋaralloarkâ oᴋautigijaujungnarajartomik: Ahâk tamanna nutauvok? Piniartaulaurivok nelliutune sivuvaptingnêtune.
11Pilauktut sivurngane erᴋaumajaungilet; taimâglotauk tamanna, kingorngane piniartok, erᴋaumajaujomângilak tâpkonane kingurnganêtsomârtunne.
12Uvanga oᴋalukteojunga, atanniolaukpunga Israelitinnut Jerûsaleme;
13Ômattigalo tunnilaukpara ᴋennerlugit nautsertorasuarlugillo sillatunermut tamaita ᴋillaub atâne piniartaujut. Gûdib inuit ᴋittorngangit pinasuarnermik taimaitomik pillorijuinartomik tunnitsivigilaukpait, tamattomane siorniudlarᴋovlugit.
14Piniartaujut sekᴋerngûb atâne tamaita ᴋemergolaukpakka; ahâglo tamaita sulinginiolaukput ogguarnituinaulutiglo.
15Niunganek naggojungnangilak, ᴋanoêtullo kittitaujungnangilet.
16Oᴋalaukpunga ômatimne: Ahâk Ilisimaneᴋarnersauvunga anginersamiglo ilûnainit, sivunamnêlauktunit Jerûsaleme; ômattigalo unuktunnik ilinnialaukpok tukkisilauklunelo.
17Ômatigalo tunnilaukpara tamattomunga, Ilinniarᴋovlunga ilisimanermik, sillainermiglo, sillatunermiglo. Tukkisilaukpungale tamannatauk siorniorniongmat.
18Nanele ilisimanekartome unuktunik, issumajârnekarivok unuktunik; unuktuniglo ilinniaromajok unuktunik âniajariaᴋarpok.
Currently Selected:
Okaluktok 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.