I Tessalônikamiunut 1
1
Gudib saimarsautânik Tessalônikamiune. ᴋujalinermik.
1Pauluse Silfânuselo Timôteuselo (aglakpogut) illagêktunut Tessalônikamêtunut, Gûdeme Atâtame Nâlekamelo Jêsuse Kristûseme. Gûdib Atâtapta, Nâlekablo Jêsusib Kristûsib saimarsautingata ullapirsautingatalo illagilisetôᴋ!
2Soᴋᴋosijuitomik Gûdemut ᴋujalijutigitsainarpapse tamapse, erᴋaumavluse tuksiarniptingne tamât;
3Issumagitsainarlugit piniarnise okpernermut, senaniselo naglingnermut, ᴋenuersârniselo nerriungnermut, Nâlegaptingne Jêsuse Kristûseme, Gûdib Atâtaptalo sângane.
4ᴋatangutigêt naglingnartose, Gûdib nagligijangit, ᴋaujimavogut anerijaumanipsingnik;
5Oᴋautsit tusarnertut oᴋautigijapta tikingmase, oᴋausituinarnu-ungitoᴋ, pitsartunermulle Anernermullo ajunginermut, nakimarninangitôvlutiglo angijomik; ilipse ᴋaujimavase, ᴋanoᴋ ilingalaungmangâpta akunapsingne, ilipse pivluse.
6Ilipselo uvaptingnik malikteolertose Nâlekamiglo, angijomiglo kappiasuktitautiluse oᴋautsit illaliulauᴋpase ᴋuviasukluse Anernerme ajunginerme.
7Taimâk igjaraksaliarimavose okpertunut tamainut Mazedôniamêtunullo Aᴋâjamêtunullo.
8Ilipsingnit Nâlekab oᴋausingit angijomik tussaumajaulermatta, Mazedôniamelo Aᴋâjamelo kissianeungitoᴋ, nunalingnulletauᴋ tamainut okpernise Gûdemut oᴋautigijauvoᴋ; taimaimat tamattominga oᴋautjijariaᴋangilagut.
9Nangmineᴋ taipkoa oᴋautigingmase, ᴋanoᴋ angitigijomik nâlekaptigut; ᴋanorlo Gûdemut sâgiarapse, tunudlugit Gûdeungitut, kivgartoromavlugo Gûde ômajoᴋ mikseᴋârtorlo;
10Erningalo nerriugivlugo ᴋilangmit, toᴋungajunit tupaktilauᴋtanga, Jêsuse, piulijigijavut ningautsemit pijomârtomit.
Currently Selected:
I Tessalônikamiunut 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.