YouVersion Logo
Search Icon

I Atannit 10

10
Arabiamiut atanningata arnab nellipsaininganik Salomomik.
1Arabiamiullo ataningata arnab Salomonib tusaumajanga, Nâlekab atinga pitjutigillugo tusaramiuk, ᴋaivok oktoromavlugo nellaupsarutiksanut.
2Jerusalemullo tikkipok unuktunik najorteᴋarlune, Kamelinik, mingoarutiksanik pivianartunik, Goldeniglo unuktunik, ujarkaniglo pivianartunik, nangmartunik. Salomomullo tikkipok, oᴋarvigivalo tamainik omamigijaminik.
3Salomoblo oᴋautiva tamainik apperᴋutigijanginik; sumiglonêt nellonartoᴋalaungilak atannermut, oᴋauserilungitanganik tapsomunga.
4Arabiamiullo ataningat arnak takkogame Salomob illisimaninganik tamât, iglomiglo igloliorlauktanganik.
5Nerᴋiksaniglo tapsoma nerrimarvianut illingajunik, kivgangitalo iglunginik, naipertutsiarninginiglo, annoranginiglo, imiksalliortoᴋotinginiglo, tunnergutinginiglo ôtaksanik tunnijanginik Nâlekab iglungane; tagva uimamajotun-îlerpok,
6Oᴋarlunelo atannermut: Miksekârtôvok tusalauktara Nunaᴋotimne, illinganît ilisimanîllo pivlugik.
7Okperijomalaungilaralo tikkiᴋârtinnanga, takkolugolo ijimnut. Ahâglo, ᴋoppanganiglonêt oᴋautsaulaungilanga, ilisimanelionersauvotit ajunginelionersaulutillo tusaumajamnit tusarlauktamnit.
8Pilloridlarput inuᴋotitit, nangitsainartut sângne, tusarlutiglo ilisimanernik.
9Nertortaule Nâlegak Gûdît, ingitilaungmatit Israelib iksivautanganut, Nâlekab Israelitit nagligingmagit soraijuitomik, tamânna pivlugo igvit atanningortilaukpâtit, namanermik idluarnermiglo sakᴋertitsiᴋovlutit.
10Tapsomalo atannek tunnitsivigiva Goldemik Tallentinik 120 ginik, mingoarutiksaniglo tippitsiariktunik unuktovaksoarnik ujarganiglo pivianartunik. Mingoarutiksat taimâk unuktigijut Arabiamiut ataningata tunnilauktangititut atannermut Salomomut tikkiutjaujungnailaukput.
11Hiramiblo umiaksoakotinga Goldetortok Ofiremit, ᴋaitsivoktauk Ofiremit napârtunik Sandelemik atelingnik unuktunik, ujarganiglo pivianartunik.
12Atanniublo sanakojivok ᴋejungmit Sandelemik atelingmit kattagêkutingnik tigumiarvingnik Nâlekab iglungane atanniublo iglungane; Harfeniglo, noᴋakseralingniglo imgerpaktunut. ᴋejuillo Sandeleojut taimaitut tikkiutjaujungnailaukput, takkojaujungnailutiglo taimangat, uvlok tamânna tikkidlugo.
13Atanniublo Salomob Arabiamut atanningat arnak tunnitsivigiva tamainik tussugijanganik tuksiararijanganiglo, tunnijane tapsomunga pijarellune tappilugit. Allârporlo aulârlunelo nunakotiminut kivgaᴋotine illagilugit.
14Goldele tikkiutjaulauktok Salomomut jâreme atautseme Oᴋumainingat Talenteôlaukput 666 git.
15Tamânnalo niuvertinit niuveriarniartunillo, inugasaksuillo (angerlauktut Salomomut) atanninginit, aulatsijunillo nunnane pijok, taijaukasiutinago.
16Atannerlo Salomo sanaᴋojilaukpok, sappulutaksanik 200 dinik Goldemit nâmanerpâmit; Sekelititut 600 ditut Oᴋumaitigijut Golde attorpa sappulutaksamut atautsemut.
17Sappulutaksaniglo angijunik, Tartschenik atelingnik, 200 dinik; Paunditullo pingasutut oᴋumaitigijok Golde attorpa Tartschemut atautsemut. Atanniublo pitipait igloksoarmut, napârtut Libanonemit igloksoanganik atelingmut.
18Atannerlo iksivautaksoarmik sanavok Elefantib tôganginit, sillapârpâlo Goldemik pivianarnerpangôjomik.
19Iksivautaksoarlo tamna, tungmerakalaukpok pingasujortunik, iksivautablo tunnuata ᴋollâ ᴋatigoliungalaukpok. Iksivavingatalo saniragik iglugêngnik egangaviᴋalaukpuk tallingnut, Loewingoaglo nangerlaukpuk egangavikita tungangne.
20Loewingoallo 12 it nangerlaukput tumerangne pingasojortune ittivigêngne. Taimaitomik sanamajoᴋalautsengilak atanniovît nelliane.
21Atanniublo Salomob illulerkotingit immiksaᴋautit Goldiolaukput, illulerkutillo ilûnnaita Libanonib napârtungita iglunganêlauktut Goldetuinaulaukput; Silbere Salomonib nelliuningane sunaunasugijautsengimat.
22Atannek umiaksoaᴋalaungmat immarbingme, Hiramib umiaksoakotinga aiparellugo Tarsisemut umiaktortok; atausêardlune jârine pingasune umiaksoak utterᴋattarpok, tikkiutjilunelo Goldemik, Silberemiglo Elefantillo tôganginik, pisuktuniglo itjuartunik, tingmianiglo Fauenik atelingnik.
23Taimâk atannek Salomo akluinersaulaukpok, ilisimanersaulauklunelo atannernit ilûnnainit nunamêtunit.
24Nunaggillo ilûnnatik tussudlarput Salomo takkojomavlugo, sillatuninga, Gûdib tunnilauktanga tapsoma omatinganut tusaromavlugo.
25Ilûnnatiglo âtsivigivât pilliutinik, perᴋutinik Silbereôjunik Goldeôjuniglo, annorangniglo, sakkuniglo tauvlukutiksaniglo, horseniglo, horseojartuniglo, jârine tamaine.
26Salomolo katersoivok ᴋamutingnik aksalloalingnik, sorsuktuksaniglo horsit ᴋângine ablangajunik, peᴋalaukporlo ᴋamutingnik aksalloalingnik 1,400 dinik, sorsuktuksaniglo ablangajunik horsit ᴋângine 12,000 dinik, ineᴋarᴋovaillo iglugasaksoarne aksalloalingnut illingajune, Jerusalemelo atanniub najugâne.
27Ataniublo Silberit taimâk unuktigijotipait Jerusaleme ujargatitut, Cederillo napârtutitut Sikomorinik ateᴋartutitut, naksarne perortutitut.
28Salomolo âtsiviomavok horsenik Egiptenemit, niuviaksaniglo sunatuinarnik, atanniublo niuverteᴋotingita niuviaksat tamakkoa pissiarivait,
29ᴋaitsivullo Egiptenemit, aksalloalingmik atautsimik Sekelinut 600 dinut Silberemik; horsemiglo atautsemik Sekelinut 150 ginut. Taimaglo âtaulaurivuttauk Hethiterit ataninginut, Siriamiullo ataninginut, taipkoa aggangittigut.

Currently Selected:

I Atannit 10: LIHB08

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy