I Johannesib 1
1
Illagêngneᴋarnimik Gudemut Kristusemullo arvertarnikut ᴋaumajomi.
1Issuanit-ilauktok, ijiptingnut takolauᴋtavut, ᴋimigolauᴋtavut, aggaptingmullo aktulauᴋtavut, tussalauᴋtavut, oᴋausiᴋ inôgutaujoᴋ (oᴋautigivavut ilipsingnut).
2Inôsilo saᴋᴋijârsimavoᴋ, uvagullo takolauᴋpogut kigligiutsilaptalo oᴋâlavigivapsi inôtsimik naggatiᴋarniangitomik, Atâtamêlauᴋtomik, uvaptingnullo saᴋᴋitomik.
3Tâmna takolauᴋtavut tussalauᴋtavullo oᴋautigivavut ilipsingnut, ilipsitauᴋ illagêgutiᴋarᴋovlusi uvaptingnut; uvagullo Atâtamut Erninganullo Jêsuse Kristusemut illagêngniᴋarpogut.
4Tamattomingalo aglagvigivapsi, ᴋuviasungnisi nâmaksirᴋovlugo.
5Tamadjalo oᴋausiᴋ tâpsomangat tussilauᴋtavut, ilipsingnullo kigligiutigijavut: Gûde ᴋaumaniongmat, tâpsomanilo tâᴋtoᴋangilaᴋ.
6Oᴋarupta, tâpsomunga illagêgutiᴋartogut, tâᴋsiorlutalo, saglovogut, miksiᴋârnirmiglo pingilagut.
7ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.
8Oᴋarupta: ajortoᴋanginapta, uvaptingnik nangminiᴋ uivêrivogut, miksiᴋârnirlu iluptingnêngilaᴋ.
9Ajornivulli kigligiksautigiguptigik, tâmna nitornartôvluni idluartôvoᴋ, issumagijungnaivigigamitigut ajorniptingnit, sujungaitilutalo idluitunit tamainit.
10Oᴋarupta: idluittulilaungitogut, saglutonirarpavut, oᴋausingalu iluptingnêngilaᴋ.
Currently Selected:
I Johannesib 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.