I Korintemiunut 1
1
Paulusib ajoᴋertusinginik issumaᴋaᴋatigêngnek Kristûseme pivlugo. Kristûsib kikiaktortauninganik oᴋâlanerub pitsartuninganik.
1Pauluse Gûdib pijomajanganut ᴋaiᴋojaumajok, Apostelioᴋovlugo Jêsuse Kristûsemut, ᴋatangullo Sostenese,
2(Aglakpoguk) Gûdib ilagêktoᴋotinginut Korintemêtunut, ivjornaititaumajunut Kristûse Jêsuseme, ᴋaiᴋojaumajunut ivjornaitunit, tamainullo ilûnâne tuksiartunut Nâlegapta Kristûsib atingane, tâpkoa Nâlegangata uvagullo Nâlegapta (atingane).
3Gûdib Atâtapta, Nâlekablo Jêsusib Kristûsib saimarsautingata ulapirsautingatalo illagilisetôk!
4Gûdimnut ᴋujalijutigênarpapse, Gûdib saimarsautâ pivlugo, tunijaujok ilipsingnut Kristûse Jêsusikut;
5Tâpsomunga akluititaugapse tamainik, ajoᴋertûtsinik tamainik, illisimanerniglo tamainik.
6Sorlo Kristûsib ajoᴋertûsingit tungaveᴋadlarmatta ilupsingne.
7Taimaglo ajoksangilase tunergutit nalînik, nerriukposelo Nâlegapta Jêsusib Kristûsib sakᴋeromârninganik;
8Tâpsoma soᴋosijuitiniarivâse naggatiksamut pidlaraksausuerᴋovluse Nâlegapta Jêsusib Kristûsib uvlungane.
9Gûde okpernarmat, tâpsomunga ᴋaiᴋojaumavose Erningata Nâlegapta Jêsusib Kristûsib ilagêngninganut.
10Kaiblarpapsele ᴋatangutikka, Nâlegapta Jêsusib Kristûsib atingane, ilûnase adsigêktunik oᴋauseᴋarᴋovluse akkerartortigêrᴋonaselo; ilagêtsiaritsele adsigêktunik issumaᴋarluse erᴋarsauteᴋarluselo.
11Kloesikunut ᴋaujititaugama, ᴋatangutikka, ilinganipsingnik, akkerartortigêᴋapsegôk.
12Tamannale oᴋautigivara, ilapse ilangat oᴋarmat: Pauluse illagivara; aipanga: Apolluse illagivara; pingajuat: Kêfase illagivara; sitamangat: Kristûse illagivara.
13ᴋanôk? Kristûse tagva aviksimanerᴋâ? Pauluse saningajolingmut kikiaktortauvâ pivlusê? Baptitauvisêlônêt Paulusibt atinganût?
14Gûde ᴋujagivara baptisilaunginama nelipsingnik, Kristusemik Gajusemiglo kissêngnik.
15Oᴋartoᴋarᴋonago, atimnut baptisilaurama.
16Stefanusible iglomioᴋatingit baptilaurivakka; assinginik baptisilaungmangârma nalovunga.
17Kristûsib baptisijartorᴋolaungimânga, oᴋautsinigle tussarnertunik oᴋâlaᴋovânga; oᴋautsit silatojut atortaililugit, Kristûsib kikiaktortaumaninga ivlerijaujungnairᴋonago.
18Oᴋâlanek (Kristûsib) kikiaktortauninganik silainiovok assioniartunut; uvaptingnulle piulijauniartunut pitsartuniovok Gûdemit.
19Aglaksimangmat: illisimajut illisimaningit piojungnaititsomavakka, silatojullo silatuningit pêromavakka. #Jes. 29:14.
20Nauk silatujût? Nauk aglangnik illisimajût? Nauk silamik mattominga kiglisiniartût? Silaksûb mattoma ingita silatuningat Gûdib silaitilaungilâuk?
21Silaksûb inungita silatunermingnut Gûde illitaringimatsuk silatuningane; Gûdib idluarivâ, oᴋautsitigut silaitôjârtutigut piulijomavlugit okpertut tamakkonunga.
22Jûdit nalonaikutanik pijomangmatta, Grîᴋillo illisimanermik aperᴋuteᴋarmatta.
23Uvagulle Kristûse kikiaktorsimajok saningajolingmut oᴋautigivavut Jûdit sinaungajutigijangat, Grîᴋillo silainarasugijangat.
24ᴋaiᴋojaumajunulle, Jûdinullo Grîᴋinullo, Kristûse oᴋautigivavut, Gûdib pitsartuninga Gûdiblo silatuninga.
25Gûdib silaitôjârninga silatunersaungmat inungnit; Gûdiblo sangêtôjârninga pitsartunersaungmat inungnit.
26ᴋatangutikka, ᴋaiᴋojaumanise nautsertorsiuk, uvingingmit illisimajut unulungilat, pitsartujuttauk unulunginivut, nâlegaujuttauk unulunginivut ᴋaiᴋojaumajut.
27Silaksûble inunginut silainasugijaujut Gûdib anerivait, silatojut kangusuktitsomagamigit; silaksûblo inunginut sangênasugijaujut Gûdib anerivait, pitsartujut kangusuktitsomavlugit.
28Nachonartullo silaksûb inunginut, nachogijaujullo piungitullo Gûdib anerivait, piojungnaititsomavlugit piojorijut:
29Uvinik (inuk) atauserlônêt nertôtiksaᴋarᴋonago tâpsoma sângane.
30Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.
31Taimailerᴋovlugo, sorlo aglaksimangmat: Nertoromajub Nâlegak nertorutigiliuk. #Jer. 9:23.
Currently Selected:
I Korintemiunut 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.