San Marcos 1
1
Ti Panangaskasaba ni Juan a Mammuniag#1 Mammuniag; wenno Bautista. Nailawlawag daytoy iti Mateo 3.
(Mat. 3:1-12; Luc. 3:1-18; Jn. 1:19-28)
1Daytoy ti pangrugian ti Naimbag a Damag maipapan ken ni Jesu-Cristo nga Anak ti Dios,#1 nga Anak ti Dios; awan daytoy a balikas iti sumagmamano a kadaanan a patarus. 2kas#Mlk. 3:1. nailanad iti libro ni profeta Isaias:
“‘Sakbay a mapanka,’ kinuna ti Dios,
‘adtoy ti ibaonko a mangisagana iti dalanmo.’
3Idiay#Is. 40:3 (LXX). let-ang, adda mangipukpukkaw:
‘Isaganayo ti dalan ti Apo,
pasayaatenyo ti pagnaanna!’”
4Nagparang ni Juan idiay let-ang a namumbuniag ken nangaskasaba.#4 Nagparang ni Juan…a namumbuniag ken nangaskasaba; Nagparang ni Juan a Mammuniag idiay let-ang a nangaskasaba, kuna ti sumagmamano a manuskrito. Impakaammona kadagiti tattao nga agbabawida kadagiti basbasolda ken mabuniaganda tapno pakawanen ti Dios dagiti basbasolda. 5Adu ti napan nagdengngeg kenkuana. Naggapuda iti entero a probinsia ti Judea ken iti siudad ti Jerusalem. Nagbabawida a silalatak kadagiti basbasolda ket binuniagan ida ni Juan idiay karayan Jordan.
6Naaramid#2 Ar. 1:8. iti dutdot ti kamelio ti kawes ni Juan. Lalat ti barikesna. Dudon ken diro ti pinagbibiagna.
7“Sumarsaruno kaniak ti addaan iti dakdakkel a pannakabalin ngem siak,” impakaammona kadagiti tattao. “Diak pay maikari nga agrukob a mangwarwar iti sandaliasna. 8Buniagankayo iti danum ngem buniagannakayo iti Espiritu Santo.”
Ti Pannakabuniag#8 Pannakabuniag; wenno Pannakabautisar. Nailawlawag daytoy iti Mateo 3. ni Jesus
(Mat. 3:13–4:11; Luc. 3:21-22; 4:1-13)
9Iti saan a nabayag, simmangpet ni Jesus a naggapu idiay Nazaret, maysa nga ili iti probinsia ti Galilea. Binuniagan ni Juan idiay karayan Jordan. 10Apaman a nakasang-at ni Jesus iti danum, nakitana a naglukat ti langit ken ti Espiritu Santo a kas kalapati a bumabbaba kenkuana. 11Adda#Gen. 22:2; Sal. 2:7; Is. 42:1; Mat. 3:17; 12:18; Mar. 9:7; Luc. 3:22. maysa a timek a naggapu iti langit. “Sika ti Anakko a dungdungngoek,” kinunana. “Maay-ayoak unay kenka.”
Ti Pannakasulisog ni Jesus
12Ti Espiritu inturongna a dagus ni Jesus idiay let-ang. 13Nagyan sadiay ni Jesus iti 40 nga aldaw ket iti dayta a tiempo, sinulsulisog ni Satanas. Adda dagiti atap nga ayup sadiay, ngem napan dagiti angheles ket nagserbida ken ni Jesus.
Ayaban ni Jesus ti Uppat a Mangngalap
(Mat. 4:12-22; Luc. 4:14-15; 5:1-11)
14Kalpasan ti pannakaibalud ni Juan, napan ni Jesus idiay Galilea. Inkaskasabana ti Naimbag a Damag a naggapu iti Dios. 15“Dimtengen#Mat. 3:2. ti aldaw,” kinunana. “Asidegen ti Pagarian ti Dios. Agbabawikayo kadagiti basbasolyo ket mamatikayo iti Naimbag a Damag.”
16Idi magmagna ni Jesus iti igid ti Dan-aw ti Galilea, nakitana ti dua a mangngalap, da Simon ken Andres nga agkabsat, a mangiwaywayat iti iketda. 17“Surotendak ket pagbalinenkayto a mangngalap iti tao,” kinuna ni Jesus kadakuada.
18Pinanawanda a dagus dagiti iketda ket simmurotda kenkuana.
19Intuloy ni Jesus ti nagna. Idi makaadayo bassit, nakitana da Santiago ken Juan nga annak ni Zebedeo. Silulugan dagiti agkabsat iti bangkada ket isagsaganada dagiti iketda. 20Inayaban a dagus ni Jesus ida. Pinanawanda ni amada iti bangka, agraman dagiti lallaki a natangdanan a tumulong kadakuada, ket simmurotda ken ni Jesus.
Ti Lalaki a Linuganan ti Dakes nga Espiritu
(Luc. 4:31-37)
21Dimteng ni Jesus ken dagiti adalanna iti ili a Capernaum. Iti Aldaw a Panaginana, napan nangisuro ni Jesus iti sinagoga. 22Nasdaaw#Mat. 7:28-29. dagiti nagdengngeg gapu iti wagas ti panangisurona. Insurona ida a kas maysa nga addan turay, saan a kas kadagiti mamaestro iti Linteg.
23Pagammoan, simrek iti sinagoga ti maysa a lalaki a linuganan ti dakes nga espiritu. 24“Ania ti gagaram kadakami, Jesus a taga-Nazaret?” inyikkisna. “Immayka kadi a mangdadael kadakami? Am-ammoka: sika ti nasantoan nga imbaon ti Dios!”
25“Agulimekka!” intubngar ni Jesus iti dakes nga espiritu. “Rummuarka iti dayta a tao!”
26Ti dakes nga espiritu pinagkuyegyegna ti lalaki, imkis iti napigsa ket rimmuar kenkuana.
27Nasdaaw dagiti tattao ket nagsisinnaludsodda, “Ania daytoy? Maysa kadi a baro a pannursuro? Addaan daytoy a tao iti turay a mangbilin kadagiti dakes nga espiritu ket agtungpalda kenkuana!”
28Dagus a nagdinamag ni Jesus iti amin a suli ti probinsia ti Galilea.
Paimbagen ni Jesus ti Adu a Tao
(Mat. 8:14-17; Luc. 4:38-41)
29Pimmanawda a dagus iti sinagoga ket nagturongda iti balay da Simon ken Andres. Kaduada da Santiago ken Juan. 30Aggurigor idi ti babai a katugangan ni Simon ket agid-idda. Apaman a simmangpet ni Jesus, imbagada kenkuana ti kasasaad ti masakit. 31Napan ni Jesus iti ayan ti masakit, iniggamanna ti imana ket tinulonganna a bumangon. Naawan a dagus ti gurigorna, ket sinerbianna ida.
32-33Idi nakalneken ti init iti dayta nga aldaw, nagdudupudop dagiti tattao iti dayta a lugar iti sango ti balay nga ayan ni Jesus. Impanda kenkuana dagiti masaksakit ken dagiti linuganan ti demonio. 34Pinaimbag ni Jesus dagiti adu nga agsagsagaba iti nadumaduma a kita ti sakit. Pinaksiatna ti adu a demonio. Ngem dina pinalubosan nga agsao dagiti demonio ta ammoda ti kinasiasinona.
Mangasaba ni Jesus idiay Galilea
(Luc. 4:42-44)
35Nasipnget pay laeng iti sumuno a bigat idi bumangon ni Jesus ket pimmanaw iti balay. Nagturong iti disso nga awan matagtagitao iti ruar ti ili, ket nagkararag sadiay. 36Ngem napan binirok ni Simon ken dagiti kakaduana.
37Idi masarakanda kinunada kenkuana, “Sapsapulendaka dagiti amin a tattao.”
38“Intayo kadagiti kabangibang nga il-ili,” insungbat ni Jesus. “Masapul a mangasabaak met kadagita a lugar, ta daytoy ti gapuna a pimmanawak idiay Capernaum.”#38 …Capernaum; wenno ta daytoy ti immayak.
39Ngarud,#Mat. 4:23; 9:35. sinursorna amin a paset ti Galilea. Nangaskasaba kadagiti sinagogada ken namakpaksiat kadagiti demonio.
Paimbagen ni Jesus ti Maysa a Lalaki
(Mat. 8:1-4; Luc. 5:12-16)
40Adda lalaki nga agsagsagaba iti kukutel.#40 kukutel: idi panawen ti Biblia, maus-usar ti balikas a “kukutel” iti adu ken nadumaduma a kita ti sakit ti kudil. Napan ken ni Jesus, nagparintumeng#40 nagparintumeng; awan ti nagparintumeng iti dadduma a manuskrito. ket nagpakpakaasi kenkuana. “No kayatmo, mapaimbagnak,” kinunana.
41Naasian ni Jesus, ket sinagidna ti masakit. Kinunana, “Kayatko. Umimbagkan!” 42Dagus a naikkat ti sakit ti lalaki ket immimbagen.
43Pinapanaw a dagus ni Jesus ti lalaki kalpasan ti nainget a panangbilinna: 44“Denggem!#Lev. 14:1-32. Awan pangibagbagaam iti daytoy. Inka agparang iti padi tapno kitaennaka. Kalpasanna, kas imbilin ni Moises, mangipaayka iti daton a pammaneknekmo kadagiti tattao nga immimbagkan.”
45Ngem idi nakapanawen ti lalaki, impadpadamagna iti amin a lugar ti napasamak kenkuana. Isut' gapuna a saanen a makastrek a silalatak ni Jesus iti uray ania nga ili. Nagyan ketdi kadagiti disso nga awan matagtagitao ngem uray no kasta, dinanon dagiti tattao a naggapu kadagiti nadumaduma a lugar.
Currently Selected:
San Marcos 1: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society