San Mateo 1
1
Ti Kapuonan ni Jesu-Cristo
(Luc. 3:23-38)
1Daytoy ti libro ti kapuonan ni Jesu-Cristo a nagtaud iti kaputotan ni David, a nagtaud met iti kaputotan ni Abraham.
2-6aManipud ken ni Abraham agingga ken ni Ari David, adtoy dagiti nailista a kaputotan: Abraham, Isaac, Jacob, Juda ken dagiti kakabsatna; sumaruno da Fares ken Zara nga annak ni Tamar; Esrom, Aram, Aminadab, Naason, Salmon, Boaz nga anak ni Rahab, Obed nga anak ni Ruth, Jesse ken ni Ari David.
6b-11Dagiti#2 Ar. 24:14-15; 2 Cron. 36:10; Jer. 27:20. kaputotan manipud ken ni David agingga idi napagtalaw dagiti Israelita a kas balud ket naipanda idiay Babilonia: David, Solomon (putot ni David iti asawa idi ni Urias), Roboam, Abias, Asa,#6 b-11 Asa: Asaf, kuna dagiti dadduma a manuskrito. Josafat, Joram, Ozias, Joatam, Acaz, Hezekias, Manases, Amon,#6b-11 Amon: Amos, kuna dagiti dadduma a manuskrito. Josias, ken ni Jeconias agraman dagiti kakabsatna.
12-16Dagiti kaputotan kalpasan ti pannakaipan dagiti Israelita idiay Babilonia agingga iti pannakayanak ni Jesus: Jeconias, Salatiel, Zorobabel, Abiud, Eliakim, Azor, Sadoc, Akim, Eliud, Eleazar, Matan, Jacob, Jose nga asawa ni Maria nga ina ni Jesus a maawagan iti Cristo.
17Ngarud, adda 14 a kaputotan manipud ken Abraham agingga ken ni David. Sangapulo ket uppat met ti kaputotan manipud ken ni David agingga a naipan dagiti Israelita idiay Babilonia. Adda met 14 a kaputotan manipud pannakaipanda idiay Babilonia agingga iti pannakayanak ti Cristo.
Mayanak ni Jesu-Cristo
(Luc. 2:1-7)
18Kastoy#Luc. 1:27. ti pakasaritaan ti pannakayanak ni Jesu-Cristo: Naitulag ni Maria nga inana a mayasawa ken ni Jose. Ngem sakbay ti panagkasarda, naammoan a masikogen ni Maria babaen iti pannakabalin ti Espiritu Santo. 19Agsipud ta nasingpet a lalaki ni Jose a nakaitulaganna, ket dina kayat a maibabain ni Maria, pinanggepna nga isina a sililimed. 20Ngem idi pampanunotenna daytoy, nagparang kenkuana ti anghel ti Apo iti maysa a tagtagainep. Kinunana, “Jose nga anak ni David, dika agamak a mangikasar ken ni Maria, ta aramid ti Espiritu Santo ti sikogna. 21Ipasngaynanto#Sir. 46:1; Luc. 1:31. ti maysa a lalaki ket panaganamto iti Jesus, agsipud ta isalakannanto dagiti tattaona kadagiti basbasolda.”
22Naaramid amin daytoy tapno matungpal ti insao ti Apo babaen iti profeta: 23“Agsikogto#Is. 7:14 (LXX). ti birhen a balasang. Ipasngaynanto ti maysa a lalaki, ket mapanagananto iti Immanuel a kayatna a sawen, ‘Adda kadatayo ti Dios.’”
24Idi makariing ni Jose, tinungpalna ti imbaga ti anghel ket inkasarna ni Maria. 25Ngem#Luc. 2:21. saanna a dinennaan ni Maria sakbay a nangipasngay iti anak a lalaki a pinanaganan ni Jose iti Jesus.
Currently Selected:
San Mateo 1: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society