Dagiti Aramid 1
1
Ti Naikari nga Espiritu Santo
1Ay-ayatek#Luc. 1:1-4. a Teofilo,
Iti immuna a librok, insuratko amin nga inar-aramid ken insursuro ni Jesus, manipud panangirugina iti trabahona 2agingga iti aldaw a yuulina sadi langit. Sakbay ti yuulina babaen iti pannakabalin ti Espiritu Santo, binilinna dagiti pinilina nga apostoles. 3Iti las-ud ti 40 nga aldaw kalpasan ti ipapatayna, namin-adu a nagparang kadakuada iti nadumaduma a wagas a mangpaneknek a pudno a sibibiag. Nakitada ni Jesus ket sinaritana kadakuada ti maipapan iti Pagarian ti Dios.
4Idi#Luc. 24:49. naguurnongda,#4 idi naguurnongda; wenno bayat ti panagyanna kadakuada, wenno bayat ti pannakipanganna kadakuada. imbilin ni Jesus kadakuada: “Dikayo pumampanaw ditoy Jerusalem, ta urayenyo ti inkari ti Ama kas imbagak kadakayo. 5Namuniag#Mat. 3:11; Mar. 1:8; Luc. 3:16; Jn. 1:33. ni Juan iti danum, ngem kalpasan ti sumagmamano pay nga aldaw, mabuniagankayto#5 mabuniagankayto; wenno mabautisarankayto. Nailawlawag daytoy iti Mateo 3. iti Espiritu Santo.”
Ti Pannakayuli ni Jesus sadi Langit
6Idi naguurnong dagiti apostoles, sinaludsodda ken ni Jesus, “Apo, isublim kadi itan ti Pagarian iti Israel?”
7Simmungbat ni Jesus: “Intuding ni Amak, babaen iti turayna, dagiti tiempo ken pasamak ket saan a masapul a maammoanyo ida. 8Ngem#Mat. 28:19; Mar. 16:15; Luc. 24:47-48. inton umay kadakayo ti Espiritu Santo, maikkankayto iti pannakabalin. Dakayto ti mangpaneknek iti maipapan kaniak idiay Jerusalem, iti entero a Judea ken Samaria, agingga iti amin a suli ti daga.”
9Kalpasan#Mar. 16:19; Luc. 24:50-51. ti panangisaona iti daytoy, nakitada a nayuli sadi langit, ket adda ulep a nanglinged kenkuana iti imatangda.
10Tumangtangadda pay laeng a kumitkita kenkuana idi pagammoan, nagparang iti abayda ti dua a lallaki a nagkawes iti puraw. 11“Lallaki a taga-Galilea,” kinunada, “apay nga agtaktakderkayo a tumangtangad iti langit? Daytoy Jesus a nayuli sadiay a naggapu iti ayanyo, agsublinto iti wagas a kas iti pannakakitayo kenkuana a napan sadiay.”
Mapili ti Sumukat ken ni Judas
12Nagsubli dagiti apostoles idiay Jerusalem manipud idiay Bantay Olivo. Agarup a maysa a kilometro#12 Ti maysa a kilometro ti nalaka a pannakaipatarus ti mabasa iti Griego a kaadayo ti maipalubos a pagnaen ti tao iti Aldaw a Panaginana. ti nagbaetan dagitoy dua a disso. 13Idi#Mat. 10:2-4; Mar. 3:16-19; Luc. 6:14-16. makagtengda sadiay, napanda iti dagusda a balay ket nagtarusda iti akingngato a kuarto. Isuda da Pedro, Juan, Santiago ken Andres, Felipe ken Tomas, Bartolome ken Mateo, Santiago nga anak ni Alfeo, Simon a Patriota ken ni Judas nga anak ni Santiago. 14Masansan a sangsangkamaysada amin nga agkarkararag agraman dagiti sumagmamano a babbai ken ni Maria nga ina ni Jesus ken dagiti lallaki a kakabsatna.
15Kalpasan ti sumagmamano nga aldaw, naguurnong ti agsangagasut ket duapulo a mamati. Nagtakder ni Pedro iti sangoananda ket kinunana: 16“Kakabsatko, masapul a matungpal ti paset ti Nasantoan a Surat, kas impadto ti Espiritu Santo babaen ken ni David iti maipapan ken ni Judas a nangidaulo kadagiti nangtiliw ken ni Jesus. 17Kaduami idi, ta napili met a makipagakem iti daytoy a panagserbi.”
( 18Sangadisso#Mat. 27:3-8. a daga ti nakaigatangan ti kuarta nga inawat ni Judas a kas supapak iti dakes nga inaramidna. Sadiay ti nakatayanna idi matnag nga immuna a nagdisso ti ulona. Bimtak ti tianna ket naiwarawara dagiti bagisna. 19Nadamag daytoy dagiti amin nga agnanaed idiay Jerusalem ket pinanagananda dayta a daga iti “Akeldama” a kayatna a sawen, “Daga ti Dara.”)
20“Nailanad#Sal. 69:25; Sal. 109:8. iti libro dagiti Salmo:
‘Mabaybay-an ti balayna,
Ket awan ti agyan iti unegna.’
Naisurat pay:
‘Adda sabali a mangala iti akemna.’
21-22“Pumilitayo#Mat. 3:16; Mar. 1:9; Luc. 3:21; Mar. 16:19; Luc. 24:51. ngarud iti maysa a kaduami a kas saksi iti panagungar ni Apo Jesus. Masapul a maysa kadatayo a kanayon a kimmuykuyog kenkuana, manipud panangikasaba ni Juan iti mensahena iti pannakabuniag#21-22 panangikasaba ni Juan iti mensahena iti pannakabuniag; wenno panangbuniag ni Juan kenkuana. agingga iti pannakayuli ni Jesus sadi langit.”
23Ngarud, nangisingasingda iti dua a lallaki: ni Matias ken ni Jose a managan “Barsabas” (managan pay “Justo”). 24Kalpasanna, inkararagda, “Apo, ammom ti pampanunoten ti tunggal maysa. Ipakitam koma kadakami no siasino kadagiti dua ti pinilim 25nga agserbi a kas apostol a mangsukat ken ni Judas a napan iti lugar a kaikarianna.”
26Nagbibinnunotda ket napili ni Matias. Nainayon kadagiti sangapulo ket maysa nga apostoles.
Currently Selected:
Dagiti Aramid 1: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society