JOPE 1
1
Sa Vakatovolei Jope o Setani
1A tiko voli mai na vanua o Usu#1.1 Usu: A kena vakaperitania kei na vakaiperiu (Uz). Na vanua ka sega ni matata vinaka na tikina e koto kina. e dua na tamata ka yacana o Jope. E tamata yalodina vua na Kalou ena nona vakabauta kei na nona veiqaravi. Sa dau qarauna vinaka o koya me kakua ni torova na ca. 2E ratou lewe vitu na luvena tagane ka lewe tolu na yalewa. 3Sa taukena o Jope e 7,000 na sipi, e 3,000 na kameli, e 1,000 na bulumakau, kei na 500 na asa. Era lewe vuqa sara na nona tamata ka vutuniyau duadua o koya mai na Tokalau.
4Sa dau tiko na siga me ratou caka magiti yadua kina na luvena tagane ka ratou dau sureti mai kina na kena vo, ka sureti talega mai ki na kana vata o iratou na ganedratou e lewe tolu. 5Ni oti na kana vata yadua, sa qai dau yadra ena mataka lailai ni siga ka tarava o Jope me vakacabora eso na i soro kama me ratou vakasavasavataki taucoko kina na luvena. Na ka oqo sa dau cakava voli o koya ena veigauna kece baleta ni nanuma de ratou a mani caka cala na gone ka vosavakacacataka lo na Kalou ena dui lomadratou.
6 #
Vteki 6.2
Ia ni yaco mai na siga me ra rairai yani kina na agilosi#1.6 Ena kena vaka-Iperiu ira na luve ni Kalou ki na mata i Jiova, a bau tiko talega e kea o Setani#1.6 Setani: E dua na yalo se ka tani ka dusia na yacana na nona veimecaki kei na kawa tamata. na agilosi dauveivakatovolei. 7A qai tarogi Setani na Kalou, ka kaya, O a tu mai vei?
A sauma o Setani, ka kaya, Au a veilakoyaki tu ga, ka'u vakalakova kece sara na veiyasa i vuravura.
8A qai kaya ko Jiova, O sa bau kilai Jope tiko li na noqu tamata, se sega? E sega sara ni dua na tamata yalodina e tiko e vuravura me tautauvata kei koya. E qaravi au tiko o koya, ka dau qarauna vakavinaka sara me kakua ni cakava e dua na ka ca.
9E a sauma na vosa i Jiova o Setani, ka kaya, Ena qaravi kemuni beka o Jope kevaka e sega na ka e rawata tiko mai kina?#Vtaki 12.10 10Ni o kemuni o ni viribaiti koya tiko, na nona vuvale kei na nona i yau kecega. O ni vakalougatataka na ka kecega e vakayacora, ka yaco kina me vutuniyau. 11Ia kevaka o ni kauta laivi na veika kecega sa taukena, ena sega sara ga ni via kilai kemuni tale!
12A qai kaya vei Setani ko Jiova, Sa vinaka, mo vakayacora ki na nona i yau na ka ga o via cakava kina. Ia mo kakua ga ni vakamavoataka na yago i Jope. Oti o ya, a qai lako yani o Setani.
Vakarusai na i Yau kei na Luve i Jope
13Ena dua na siga, ni ratou a vakayacora tiko na nodratou kana vata na luve i Jope ena vale nei koya ka qase duadua vei iratou na tagane, 14a qai cici mai vei Jope e dua na i talai, ka mai kaya vua, “Keimami a siviyara tiko ena loga ni i teitei, ka ra kana voli na asa ena dua na i kanakana voleka ga. 15Era a qai sikabotei keimami na kai Sipa#1.15 Sipa (kai): E dua na yavusa tamata dauveitokiyaki mai na ceva ka rawa ni ra tamata rerevaki. ka ra butakoca kece na asa. Era vakamatei ira kece sara talega na nomuni tamata. Oi au duadua ga au dro rawa mai me'u mai tukutuku vei kemuni.”
16Ia ni bera ni oti na nona tukutuku, a lako tale yani e dua na tamata i Jope, ka tukuna vua, “A lidiki ira na sipi kei ira na i vakatawa na yaseyase ka mani vakamatei ira kece sara. Oi au duadua ga au dro rawa mai me'u mai tukutuku vei kemuni.”
17Ia ni bera ga ni oti na nona tukutuku, a basika tale yani e dua na tamata i Jope, ka la'ki kaya vua, “Era a basika vakasauri mai e tolu na i lala kai Kalidia#1.17 Kalidia (kai): Na yavusa tamata dauveitokiyaki mai na vualiku ka rawa ni ra tamata rerevaki. ka vakamatei ira na i vakatawa ni kameli ka ra butakoca kece na kameli. Oi au duadua ga au dro rawa mai me'u mai tukutuku vei kemuni.”
18Ia ni bera ga ni oti na nona tukutuku na tamata oqo, a lako tale yani e dua na dauveiqaravi ka la'ki kaya vei Jope, “E ratou a kana vata tiko na luvemuni ena vale nei koya ka qase duadua vei iratou na tagane, 19ena gauna e a laba vakasauri mai kina e vanua dravuisiga e dua na cagi. A mani bale na vale ka vakamatei iratou taucoko kece sara. Oi au duadua ga au a dro rawa mai me'u mai tukutuku vei kemuni.”
20A qai tucake o Jope ka dresulaka na nona i sulu ka tasivoritaka na uluna ka bitalaki koya vakatoboicu ki na qele me i vakaraitaki ni nona rarawa. 21A qai mai kaya yani, “Au a sucu luvawale mai na kete i tinaqu, ka'u na lesu luvawale tale ni'u mate. E a solia ko Jiova, ka sa kauta tani o koya. Me vakarokorokotaki tikoga na yacana!”
22E dina ga ni a yaco na ka ca kecega oqo, ia e a sega ni bau i valavala ca o Jope me kaya ni ca na Kalou.
Currently Selected:
JOPE 1: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.