OSEA 1
1
1 #
2Tui 15.1-7; 2Vei 26.1-23;
2Tui 15.32-38; 2Vei 27.1-8;
2Tui 16.1-20; 2Vei 28.1-27;
2Tui 18.1—20.21; 2Vei 29.1—32.33;
2Tui 14.23-29
A vosa i Jiova me vaka a yaco vei Osea na luve i Pieri ena gauna e ratou Tui Juta kina o Usaia, o Jocame, o Easi, Esekaia kei na gauna i Jeropoama na luve i Joasa na Tui Isireli.
Na Vuvale i Osea
2Ena i matai ni gauna sa vosa kina ko Jiova vei Osea, ka kaya vua ko Jiova, “Mo lako ka kauta me watimu e dua na yalewa dautagane, ka ra na luve ni veibutakoci na luvemu, ka ni sa dautagane vakalevu na vanua, ni ra sa vuki tani mai vei Jiova.”
3A sa lako ka kauti Komera na luve i Tipileimi me watina: a sa kunekune ka vakasucuma e dua na gonetagane.
4 #
2Tui 10.11
A sa kaya vua ko Jiova, “Mo vakayacani koya o Jesireli, baleta ni na sega ga ni dede ka'u sa na cudruva kina na tui Isireli ena vuku ni veivakamatei sa vakayacora na nona qase o Jeu mai Jesireli.#1.4 jesirieli: Ena koro oqo, a sa vakamatea kina na tui Isireli kei ira na nona kawa vakatui o Jeu, ka sa yaco kina o koya me i sevu ni dua tale na kawa vakatui vou (raica na 2Tui 9—10). Au na qai vakawabokotaka vakadua na kawa vakatui i Jeu.#1.4 kawa vakatui i Jeu; se matanitu o Isireli. 5Au na qai vakarusa ena siga o ya na kaukauwa ni nodra i mataivalu na Isireli ena Buca o Jesireli.”
6A sa kunekune tale o Komera ka vakasucuma e dua na luvena yalewa. A sa kaya vua na Kalou, “Mo vakayacani koya me o ‘Sega ni Lomani’, baleta ni'u na sega tale ni lomana na mataqali i Isireli, se me'u vosoti ira. 7Ia ka'u na lomana ga na mataqali i Juta. Au na vakabulai ira, oi au ko Jiova, ia ka'u na sega ni vakabulai ira ena dakai, se na i selewau, se na i valu, se na ose, se na mataivalu vodo ose.”
8Ni sa kalia oti na luvena yalewa o Komera, a sa kunekune tale ka vakasucuma e dua na gonetagane. 9A sa kaya vei Osea ko Jiova, “Mo vakayacani koya me o ‘Sega ni Noqu Tamata’, baleta ni ra sa sega ni noqu tamata o ira na Isireli, ka'u sa sega ni nodra Kalou.”
Sa Vakalesui ka Vakacokotaki Tale o Isireli
10 #
Roma 9.26
Na kedra i wiliwili na Isireli ena vaka na mataninuku mai waitui, ena sega ni vakarautaki se wiliki rawa. Sa qai kaya vakaoqo vei ira na Kalou, “O ni sa sega ni noqu tamata,” ia sa roro tiko mai na gauna ena tukuna kina o koya vei ira, “O ni sa luve ni Kalou bula!” 11Era na qai vakaduavatataki tale o ira na Juta kei ira na Isireli. Era na digitaka vakai ira e dua me liutaki ira; era na qai tubu cake ka tiko vinaka tale ena nodra vanua. Io, na siga i Jesireli#1.11 jesirieli: Na i balebale ni yaca oqo ena vosavakaiperiu “Sa kakaburaki (se teiteivaki) na Kalou” ka dusia oqo na vakasama ni tubu cake kei na tiko sautu. ena dua dina na siga lagilagi!
Currently Selected:
OSEA 1: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.