IPERIU 1
1
Na Vosa ni Kalou ena Vuku ni Luvena
1Ena gauna eliu, sa dau vosa vakavuqa na Kalou ena sala duidui eso mai na gusudra na parofita; 2ia ena gauna emuri oqo, a sa vosa vei keda o koya mai vua na Luvena. Ena vuku ni Luvena oqo sa bulia kina na Kalou na vuravura kecega, ka sa lesia na Kalou me na taukena na Luvena na veika kecega ena i otioti ni gauna. 3Sa i koya na i yaloyalo ni i serau lagilagi ni Kalou ka sa veiucui vinaka ena ka kecega kei na Kalou, ka sa tauri vuravura tu kei na veika kece sa tu ena maliwa lala ena nona vosa mana. Ni sa vuya laivi oti o koya na noda i valavala ca, a sa tiko sobu mai lomalagi e cake ena liga i matau i Koya sa Cecere Sara.
Sa Cecere Cake na Luvena Mai vei Ira na Agilosi
4Ni sa vakayacori na Luvena me cecere cake mai vei ira na agilosi, me vaka ni sa cecere cake na yaca sa solia vua na Kalou mai na yacadra kecega. 5#Same 2.7; 2Samu 7.14; 1Vei 17.13Ni sa sega ni bau kaya na Kalou vua e dua na agilosi me vakaoqo:
“Sa i iko na Luvequ;
Au sa yaco me'u Tamamu edaidai.”
A sega talega ni bau kaya na Kalou ena vukuna e dua vei ira na agilosi me vakaoqo:
“Au na yaco me'u Tamana oi au.
Ka na yaco me Luvequ o koya.”
6 #
Vrua 32.43 (LXX) Ia ni sa vakarau tala mai ki vuravura na Kalou na nona Ulumatua, a sa kaya:
“Me ra vakarokoroko vua o ira na agilosi kecega ni Kalou.”
7 #
Same 104.4 (LXX) Ia ena vukudra na agilosi, a sa kaya na Kalou,
“Sa vakayacori ira na nona agilosi na Kalou me ra cagi,
Kei ira na nona dauveiqaravi me ra yameyame ni buka.”
8 #
Same 45.6,7 Ia ena vuku ni Luvena, a sa kaya vakaoqo na Kalou:
“Na nomu matanitu, na Kalou, ena bula tikoga ka sega ni mudu!
O sa dau lewai ira na nomu tamata ena dodonu kei na dina.
9O sa vinakata na i valavala dodonu ka cata na i valavala ca.
Oqori na vuna sa digitaki iko kina na Kalou, o koya na nomu Kalou
Ka sa solia vei iko na reki sa uasivita
Na kena sa solia o koya vei ira na nomu i tokani.”
10 #
Same 102.25-27 (LXX) E a kaya talega o koya,
“O iko, na Turaga, o ni sa tauyavutaki vuravura ena i vakatekivu,
Ka sa cakacaka ni ligamu o lomalagi.
11Era na rusa ka yali yani na veika oqo, ia o na tudei ga o iko;
Ka ra na madra kece mai me vaka na i sulu;
12O na lobiki ira me vaka na kote balavu,
Ka ra na veisautaki me vaka na i sulu.
Ia o sai koyakoya tikoga o iko,
Ka na sega ni mudu na nomu veiyabaki.”
13 #
Same 110.1
A sa sega talega ni se bau kaya mada na Kalou ki vua e dua vei ira na nona agilosi me vakaoqo:
“Mo dabe sobu ena ligaqu i matau
Me yacova ni'u sa vakayacori ira rawa na nomu meca
Me ra i tutu-ni-yava ena ruku ni yavamu.”
14A cava sara mada o ira na agilosi? Sa i ira ga na yalo dauveiqaravi vua na Kalou ka ra sa talai mai vua me ra vukei ira era sa vakarau ciqoma na i veivakabulai ni Kalou.
Currently Selected:
IPERIU 1: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.