Jona 1
1
Talaidredre o Jona
1 #
2Tui 14.25
Ena dua na siga, a sa vosa o Jiova vei Jona na luve i Amitai. 2A sa kaya vua, “Mo lako ki na koro levu o Ninive ka la'ki vunauca; au sa rui kauwaitaka vakalevu na levu ni nodra i valavala ca na lewena.” 3Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeini. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeini, me na tiko yawa sara mai vei Jiova. 4Ia sa qai vakatubura o Jiova e dua na cagi kaukauwa sara ena wasawasa; na kaukauwa ni cagi oqo e voleka sara ni vorolaka na waqa. 5A sa duatani na nodra rere na kaimua ka ra dui tagi na tamata ki na nona kalou me ra kere veivuke. Era a mani talaca na i usana ki wai me rawa ni vakamamadataki kina na waqa. Ia, o Jona, a sa gole sobu ga i dreke me la'ki davo kina, ka sa mani moce lutu sara.
6A sa kunei koya maikea na kavetani ni waqa ka tukuna vua, “Na cava o moce tiko kina? Duri cake ka kerea na veivuke vua na nomu Kalou. De dua ena lomani keda o koya ka na maroroya na noda bula.
7Era a veivosaki na kai waqa ka kaya, “Me sa na vakawiri madigi mada me da kunea se o cei sa vakavuna na noda leqa.” Era a mani vakawiri madigi ka mani donui Jona. 8Era a qai tarogi koya, “Tukuna mada vei keimami, o iko o vakavuna na ka oqo? Na cava o a cakava? Na cava o mai cakava e ke? O lako mai vei na vanua? O cei na nomu vanua? 9A qai kaya o Jona, “Oi au e dua na Iperiu. Au sa dauqaravi Jiova na Kalou ni lomalagi, o koya sa bulia na vanua mamaca kei na wasawasa.” 10A sa vakuria o Jona ni sa tukuna vei ira na nona a dro tani tiko mai vei Jiova.
Era sa qai rere vakalevu sara na kaimua ka kaya vua, “Sa dua na ka rerevaki o sa cakava!” 11A qai toro cake ga na kaukauwa ni cagi ka ra mani tarogi Jona na kaimua, “Na cava me keimami cakava me ruru kina na cagi?”
12A sa kaya o Jona, “Ni biuti au ki wai, ena qai ruru na cagi ena vukumuni. Au kila ni sai au ga e vakavuna mo ni sota kaya tiko kina na cagi kaukauwa oqo.”
13Ia era a qai saga na kaimua me ra vocetaka ena nodra i gu taucoko na waqa ki matasawa. A sa qai toso cake ga na kaukauwa ni cagi ka ra sega ni yaco rawa ki na dua na vanua. 14Era sa qai masu vei Jiova ka kaya. “I Jiova, keitou sa masuti kemuni, ni kakua ni cudruvi kemami ena vuku ni nona bula na tamata oqo. Oi kemuni ga o ni sa vakayacora na veika oqo, me vaka na ka o ni sa vinakata.” 15Era a qai tauri Jona ka biuti koya ki wasawasa, ka mai maravu vakasauri sara yani. 16Na ka oqo a vakavuna me ra rerevaka na Turaga na kaimua, era a qai vakacabora vua e dua na i soro ka yalataka me ra qaravi koya.
17 #
Maciu 12.40
A qai tala mai e dua na ika levu o Jiova me mai tilomi Jona, ka tiko ena kete ni ika o ya o koya me siga tolu ka bogi tolu.
Currently Selected:
Jona 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.