Aisea 1
1
1 #
2Tui 15.1-7; 2Vei 26.1-23;
2Tui 15.32-38; 2Vei 27.1-9;
2Tui 16.1-20; 2Vei 28.1-27;
2Tui 18.1–20.21; 2Vei 29.1–32.33 Na i vola oqo sa koto kina na i tukutuku baleti Juta kei Jerusalemi e a vakaraitaka na Kalou vei Aisea na luve i Emosi ena gauna e ratou a tui kina e Juta o Usaia, o Jocame, o Easi kei Esekaia.
Era sa Ca Vakalevu na Juta
2Ni rogoca na vuravura kei lomalagi
Ni sa vosa o Jiova.
Au a susugi ira na gone au a kauti ira cake mai,
Ia era sa qai saqati au.
3Na bulumakau sa kila na kena i taukei,
Ka kila na asa na bai ni nona turaga.
Ia o ira na Isireli sa sega ni kila,
Era sa sega sara ni raica rawa na noqu tamata.
4O sa matanitu i valavala ca,
Ka matatamata sa bikai ena i valavala ca.
O ni sa luve ni dau caka ca.
Era sa biuti Jiova;
Era sa beca na Le dua Yalo Savasava ni Isireli,
Ka vakanadakuya sara vakadua.
5A cava na vuna mo ni laumoku tale kina?
A cava o ni vakadrecike tiko ga kina?
Sa robota kece tu na ulumu na mate,
Ka sa datuvu na yalomu.
6Mai na qeteqete ni yavamu me yaco sara ki ulumu,
Sa sega ni dua na tikimu me vinaka;
Sa robo ena mavoa, drakulu kei na vidikoso,
Ka sa sega ni bau sava se vadretitaki,
Sa sega talega ni bau vakamalumutaki ena waiwai.
7Sa lala na nomuni vanua,
Ka kama yavu na nomuni veikoro.
Era sa taura na nomuni vanua na kemuni meca,
Ka yaco oqo ena matamuni,
Ka sa lala, me vaka sa vakarusai vei ira na vulagi.
8Sa qai vo taudua ga o Jerusalemi,
Me vaka na vale vakacevaceva ena loga ni veivaini,
Me vaka na vakatunuloa ena loga ni kiukaba,
Me vaka na koro sa vesuki.
9 #
Vteki 19.24; Roma 9.29 Kevaka e a sega ni vakavoca o Jiova
Se vica vei keda e bau bula.
Ke da a vakataki Sotoma
Ka sega ni vinaka cake vei Komora.
10Ni rogoca na vosa i Jiova,
Oi kemudou na i liuliu mai Sotoma;
Dou vakarorogo ki na i vakaro ni Kalou, oi kemudou na kai Komora!
11 #
Emo 5.21,22 Sa kaya o Jiova, “A cava na kena yaga vei au na nomuni i soro e vuqa;”
Sa rauti au vinaka na veisoro kama,
Na sipi kei na uro ni nomuni manumanu maroroi;
Ka'u sa sega ni taleitaka na dra ni bulumakau,
Kei na sipi, se na me tagane.
12O cei sa tukuna vei kemuni na veika oqo,
Mo ni lako mai mo ni mai qaravi au?
O cei sa tukuna vei kemuni mo ni buturaka na noqu lomanibai?
13Au sa sega tale ni vinakata na nomuni i soro tawa yaga,
Ka'u sa vakasisilataka na nomuni ka boi vinaka.
Au sa sega ni vosota rawa na nomuni solevu ni vulavou.
Siga ni Vakacecegu kei na nomuni veisoqoni vakalotu.
Era sa vakacacani kece ena nomuni i valavala ca.
14Au sa cata na nomuni solevu ni vulavou kei na nomuni veisolevu tabu
Era sai colacola ga vei au ka'u sa oca na colata.
15Ni o ni laveta cake na ligamuni ena masu,
Au na qai gole tani mai vei kemuni.
Veitalia sara na levu ni nomuni masu
Au sega ni via rogoca,
Baleta ni sa duka tu na ligamuni ena i valavala ca.
16Ni vakasavasavataki kemuni ka vui kemuni,
Ni kakua ni cakava tiko na veika ca,
Na kena ka'u sa raica ni o ni sa cakava tiko
Ka muduka sara na nomuni i tovo ca.
17Ni vulica mo ni caka vinaka,
Ka vakasaqara me caka na veika dodonu.
Ni vukei ira era tabaki sobu,
Solia vei ira na luve ni yali na nodra dodonu,
Ka taqomaki ira na yada.
18A sa kaya o Jiova,
“Ni lako mai me da mai veivosakitaka vata.
E dina ga ni sa ka kulakula na nomuni i valavala ca
Ia sa na vaka ga na vulavula ni wai cevata.
Kevaka sa damu vakula,
Sa na vaka ga na vutika ni sipi vulavula.
19Kevaka ga o ni talairawarawa vei au,
O ni na kania na vuata vinaka ni vanua.
20Ia kevaka o ni bese ka talaidredre,
O ni na mate ena i seleiwau. Oi au, o Jiova, sa kaya oqo.
Na Koro i Valavala Ca
21Sa yaco vakacava me dautagane na koro yalodina?
Ena dua na gauna era a tiko kina na yalo dodonu
Ia oqo era sa tiko ga kina na daulaba.
22Na nomuni siliva sa yaco me tikitiki ni kaukamea tawa yaga
Kei na nomuni waini sa yaco me waicala sara.
23O ira na nomuni turaga era sa dau talaidredre,
Ka ra nodra i tokani na daubutako.
Era sa dau taleitaka me soli vei ira na i loloma,
Ka taura na ka era saumi kina me ra cakava na ka ca.
Era sa sega ni taqomaki ira na luve ni yali,
Ka sega ni via rogoca na ka e baleti ira na yada.
24O koya oqo sa kaya kina o Jiova ni lewevuqa,
Na Kalou qaqa ni Isireli.
“Au na sauma na noqu cudru vei ira na kequ meca
Ka cudruvi ira era sa cati au.
25Ia au na dodoka yani na ligaqu vei kemuni,
Me'u vuya laivi na nomuni dukadukali
Ka savata tani kece na nomuni valavala ca.
26Au na qai solia tale vei kemuni eso na i liuliu,
Kei na so na daunivakasala me vaka e liu.
Sa na qai vakatokai tale o Jerusalemi,
Me koro savasava ka yalodina.”
27Ena vakabulai o Saioni ena dodonu,
Kei ira era veivutuni kina ena i tovo savasava.
28Era na vakarusai na dautalaidredre kei ira era saqati koya,
Kei ira talega era sa vakanadakui Jiova.
29O ni na qai maduataka na vuni oki o ni sa dau qarava,
Kei na veiwere tabu o ni sa digitaka.
30O ni na qai vaka na vuni oki sa malai,
Kei na i teitei sa sega ni vakasuasuataki.
31Ia me vaka na kena kama na kau mamaca ena dua na lidi ni buka,
Ena rusa vakakina na tamata kaukauwa ena nona i valavala ca,
Ka na sega ni dua me na tarova na veivakarusai.
Currently Selected:
Aisea 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.