Proverbios 1
1
Temimbo'e
1David ra'y Salomón, Israel ruvicha guasu, imbo'epyrã#1 R 4.32; Pr 10.1; 25.1. oheja vaekue,
2jahupyty haguã arandu
ha jeheko mbo'e,
ha jaikuaa haguã
ñe'ẽ ipypukúva,#Stg 1.5; 3.13-17.
3ha jajeheko mbo'e hekópe,
jaiko haguã teko jojápe,
teko hekopegua
ha teko marangatúpe,
4umi mba'eve oikuaa'ỹva
iñarandu haguã,
ha mitã rusu, imba'e kuaa
ha oñamindu'u kuaa haguã.
5Iñarandúva ohendúrõ
oikuaavéta,
ha iñakã porãva
ikatupyryvéta.
6Ikatúta jaikuaa
iñarandúva ñe'ẽ,
mba'épa he'ise umi ñe'ẽnga
ha umi ñe'ẽ hasýva.
7Arandu ñepyrũha#Job 28.28; Sal 111.10; Pr 9.10; 15.33; Eclo 1.14.
Ñandejára ñemomba'e,
ivýrova katu,
ojapo'i arandu
ha jeheko mbo'e.
Mitã rusúpe guarã ñe'ẽ
8Ehendúke che ra'y
nde ru ñe'ẽ,
ha aníke rejahéi
nde sy ne mbo'évare.
9Upéicharõ ko'ãva
yvoty apesãta ne akãre,
ha mbo'y jegua nde ajúri.#Pr 6.20-21; Eclo 6.29.
10Che ra'y,
ani reheja ne mbotavy
umi iñangaipáva,
ani rehendu chupe kuéra.#Sal 1.1.
11He'i ramo ndéve:
“Eju ore ndive,
ñamoñuhã imarangatúvape,
12jahape ra'arõ ha jajuka.
13Péicharõ
heta mba'e jahupytýta,
ha imba'e kuerakuégui
ñamyenyhẽ ta ñande róga.
14Ha nde rehupytýne
ore rohupytyháicha avei.”
Péicha he'i ramo ndéve,
15ani reho hendive kuéra
hape kuéragui ejei.
16Mba'e vai apópe
ha'e kuéra ipya'e,
ha mbyky oporojuka haguã.#Is 59.7; Ro 3.15.
17Rei oñemoĩ ñuhã
guyra kuéra ohechárõ.
18Iñangaipáva katu
omondérõ ñuhã,
ha'e kuéra jeýnte
ho'a ipype.
19Péicha opa
umi imba'e potáva,
imba'e pota voi ojuka chupe.
20Arandu osapukái pe okáre
opa rupi ohenduka iñe'ẽ.
21Opa aty guasu oĩháme
ha'e oñe'ẽ,
táva guasu rokẽme
kóicha oñehenduka:#Pr 8.1-3; Sab 6.12-16.
22“Araka'e peve piko
peẽ pene mitã rekóva
peikóta mitã tavýicha?
Peẽ pejejapóva
pevy'áta pende jejapóre?
Ha peẽ itavýva
pejahéita arandúre?
23Pehendúna ko'ã ha'éva.
Añe'ẽ niko peẽme
che py'aite guive.
24Pohenói vaekue
ha na peche renduséi.
Ambohasa peẽme che po
ha ndapeikuaaséi mba'eve.
25Poheko mbo'e ramo
napehenduséi vaekue,
añemoñe'ẽ ramo peẽme
mba'eve ndapeikuaaséi.
26Upévare, ho'a vaírõ peẽme
apukáta pende rehe,
ha pekyhyje jave
añembohorýne pende rehe.
27Ágãnte yvytu ratãicha
kyhyje ho'áne pende ári,
opa rupi ho'a vaipáne peẽme,
ha pende jopýne jepy'apy
ha angata.
28Upe vove, che renóine
ha añemokirirĩne pende hegui,
che rekáne
ha nda che juhúi chéne.
29Nda pe hayhúi haguére arandu,
ha napemomba'éi Ñandejárape,
30pemboyke haguére che ñe'ẽ,
ha opa ha'évare pejahéi,
31upévare, pende reko vaikue
ho'áne pende ári,
pene mbojeguaru peve.
32Ijejavykue voi
ohundi itavývape,
ha ivýrovape heko reikue.
33Umi che rendúva katu
oikovéta py'a guapýpe,
okyhyje'ỹre mba'evégui.”
Currently Selected:
Proverbios 1: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.