Isaías 11
11
Teko joja ha py'a guapy renda
1Jesé rapógui
osẽta hoky#1 S 16.1-20. pyahu,
upégui#Ap 5.5; 22.16. heñóita.
2Ñandejára espíritu
hi'ári opytáta,
arandu ha akã porã espíritu,
ñemoñe'ẽ kuaa
ha mbarete espíritu,
mba'e kuaa
ha Ñandejára mbyaje
espíritu.
3Opa mba'épe
iñe'ẽ rendúta Ñandejárape,
oporombojovake ramo,
vaicha rehénte noma'ẽ mo'ãi,
ha pe oje'enteva nohendu mo'ãi.
4Ombojovakérõ ikangývape,
teko joja oiporúta,
ha imboriahúvape
hekópe omohendáta.
Imbaretesévape,
oinupãta iñe'ẽme
tukumbópe ramo guáicha,
ha pe iñañávape
ipytúpe ojukáta.#2 Ts 2.8.
5Teko jojáta iku'a jokuaha,
ha teko jeroviaha
humby ñuãha.#Ef 6.14.
6Aguara guasu
ovecha ra'y ndive oikóta,
jaguarete ha kavara ra'y
ojoykére oñenóta,
vaka ra'y ha león
okarúta oñondive,
ha mitã'íta herekua.
7Vaka ha óso oikóta oñondive
ha ta'ýra kuéra
oñenóta ojoykére,
guéicha avei león ho'úta kapi'i.
8Mitã kambu
oñemboharáita
mbói chumbe kuára ári,
ha mitãmi
ikuápe opo'ẽta.
9Ndaipóri mo'ãi
ñembyai térã sarambikue#Is 65.25.
che yvyty marangatúpe,
henyhẽtagui pe tetã
Ñandejárape oikuaávagui,
y omyenyhẽháicha yguasu.#Hab 2.14.
Oñemosẽ vaekue hetãgui ou jey
10Upe árape Jesé#Ro 15.12. rapo,
mba'e rechaukaha ramo opu'ãta
tetã nguérape guarã.
Tetã nguéra ohekáta upéva,
ha omimbipáta hekoha.
11Upe árape
Ñandejára oipyso jeýta ipo,
ogueru jey haguã
hetãgua rembyre,
opyta vaekue
Asiria ha Egíptope,
Patrós, Etiopía ha Elam,
Sinar, Hamat ha yguasu pegua
tetã nguérape.
12Omopu'ãta mba'e rechaukaha
tetã nguérape,
Israélgui ojereraha vaekuépe
ogueru jeýta,
Judagua isarambívape ombyatýta,
irundyve yvy apýragui omboúta.
13Opáta Efraingua py'a rasy,
Judá ndive ojopýva oñehundíta,
Efraín ndaipy'a rasy mo'ãvéi
Judá ndive,
Judá nopu'ã mo'ãvéi Efraín rehe.
14Kuarahy reike gotyo,
mokõivéva ojepoíta filistéore
ha kuarahy reike gotyo
oikóvagui
oipe'áta imba'eta.
Ipo Edom ha Moab guáre
oipysóta,
Amongua ipo guýpe opytáta.
15Egipto pegua yguasu
Ñandejára ombohypáta,
Ipo upepegua ysyrýre
oipysóta,
ha ipeju mbaretépe
ojapóta chugui 7 ysyrymi,
ha upe rupi sapatupe reheve
ikatúta ojehasa.#Ap 16.12.
16Tape guasu oĩta
hetãgua peguarã,
Asíriape opyta vaekue.
Egíptogui osẽ ramo guaréicha
Israelgua.#Ex 14.21-22.
Currently Selected:
Isaías 11: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.