Zakaliya 1
1
Shukulu Kalunga asana vanu vendi veluke kuli ikeye
1 #
Eze 4:24—5:1; 6:14 Ku ngonde yamucitanu na vitatu#1:1 NGONDE YAMUCITANU NA VITATU: Ngonde ya Mbale, mu ciHevelu inapu ngonde yamucitanu na vitatu, kutunda akati ka Lipepo nakweta akati ka Kazimbi, ngonde yamucivali omo Ndalyuse wapwile mwene yapwile ngonde ya mu mu mwaka wa 520 BC. mu mwaka wamucivali omo Ndalyuse wapwile mwene wa mu Pelesha, Shukulu Kalunga wendekele majwi awa kuli muna Mbelekiya, Zakaliya muka-kwimanena, mutekulu wa Indo. 2Co Shukulu Kalunga Muka-nzili yoshe walekele Zakaliya kwendeka kuli vanu ngwendi, “Yange Kalunga, njaluvalele manene na vakukulwila veni, 3oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni. 4Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka. 5Co vakukulwila veni na vaje vaka-kwimanena kuvesi nakuyoya ololo. 6Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”
Muka-kwimanena amona cimona ca tuvalu
7Mu mwaka wamucivali omo Ndalyuse wapwile mwene, a litangwa lyamumakumi avali na awana ku ngonde yamulikumi na imo (ngonde ya Shemba),#1:7 NGONDE YA SHEMBA: Mu ciHevelu inapu ngonde yamulikukmi naimo kutunda akati ka Kavalana nakweta akati ka Kutatu. Shukulu Kalunga wendekele kuli yange mu cimona ku vutsiki. 8#Kuj 6:2-8 Njamwene kangelo ka Shukulu Kalunga walondele a kavalu wakuvenga. Co wemanene mu cana akati ka miti ya mikuve, munima yendi mwakele lalo tuvalu vakwavo vakuvenga, na ava vakuvenguluka, na ava vakutoka. 9Co njamwihwile ngwange, “Mwane, ava tuvalu vanalumbunuka cuma mukajo?”
Co wanjikumbulwile ngwendi, “Njikuleka muvanalumbunukila. 10Shukulu Kalunga ikeye wavatumine kwilula ano asi.”
11Co vambulwile vukaleo kuli kangelo ngwavo, “Yetu tunendangana a kaye koshe, co twawana ngeci kaye koshe kali mu kwoloka kuluu.”
12Asinoni uje kangelo wendekele ngwendi, “Shukulu Kalunga Muka-nzili yoshe, yove unaluvala na Yelusalema na vinganda vya Yunda a myaka makumi atanu na avali. Simbu ikoni ukavazivila mema ku mbunge?”
13Co Shukulu Kalunga wakumbulwile uje kangelo na majwi akuzembeleka, 14co kangelo wanjilekele ngeci njambulule vije vyendekele Shukulu Kalunga Muka-nzili yoshe ngwange Shukulu Kalunga nendeka ngwendi, “Njili na cizemo cakama manene a Yelusalema, nganda yange yakujela 15co njinaluvala manene na miyati ya vanu vaje valinakuyoya mu kwoloka. Kamandondo lika njaluvalele na vanu vange, oloni miyati ya vanu vaje vayandesele manene vanu vange. 16Ngecivene, njineluka lalo ku Yelusalema mukuzivila mema ku mbunge nganda eyi. Co vakatungulula Njuvo yange, nakutungulula lalo nganda.”
17Co kangelo wanjilekele lalo kwambulula ngwange, “Shukulu Kalunga Muka-nzili yoshe nendeka ngwendi vinganda vyendi vikashula na vivezikiso lalo, co akakwasa Siyone nakupwisa Yelusalema nganda yendi vavenya.”
Cimona ca vimbinga
18Mu cimona cikwavo njamwene vimbinga viwana vya vingombe vakulimisa. 19Co njehwile uje kangelo wakele nakwendeka kuli yange ngwange, “Evi vimbinga vinalumbunuka cuma mukajo?”
Co wanjikumbulwile ngwendi, “Vikevyo vinemanena nzili ya vanu va mu kaye vaje vashandwele vanu va mu Yunda, na vanu va mu Isalele, na ava va mu Yelusalema.”
20Co Shukulu Kalunga wanjimwesele vanu vaka-vipangi vawana vaje vakele nakupanga na miveto. 21Co njamwihwile ngwange, “Ava vanu vanaija nakulinga vika?”
Co wanjikumbulwile ngwendi, “Vanaija nakujujwisa nakutsena miyati ya vanu vaje yanyongesele lifuti lya Yunda nakushandola vanu vamwo.”
Currently Selected:
Zakaliya 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006