Hoziya 1
1
1 #
2 Vim 14:23—15:7; 15:32—16:20; 18:1—20:21; 2 Miz 26:1—27:8; 28:1—32:33 Eli likelyo lijwi lya Shukulu Kalunga lije lyezile kuli Hoziya, muna Mbeli, a simbu yakushwana kwa Uziya, na Yotame, na Ahaze, na Hezekiya vimyene va mu Yunda, na a simbu yakushwana kwa Yelovowame, muna Yehowashe, mwene wa mu Isalele. #1:1 VIMYENE VA MU YUNDA...MWENE WA MU ISALELE: Uziya (781-740 BC.), Yotame (740-736), Ahaze (736-716), Hezekiya (716-687) na Yelovowame Wamucivali (783-743).
Munakazi wa Hoziya na vana vendi
2Omo akulivanga Shukulu Kalunga wendekele kuli Isalele ali Hoziya, co wendekele kuli Hoziya ngwendi, “Ya ukambate munakazi, munakazi wove akapwa wakujeneka kulongwa, na vana vove vakapwa ngwe ikeye.#1:2 YA UKAMBATE MUNAKAZI, MUNAKAZI WOVE...NGWE IKEYE: Nambe, ambata munakazi wa cikwizi, co kita nendi vana vaje vakapwa vavavi ngwe ikeye. Mu ngila imo vene, vanu vange vananjiseza vanapu vakujeneka kulongwa.”
3Ngecivene, Hoziya wambatele Ngomele, muna Ndivelaime. Co munima yakusemuka kwa munavo wa ntwatwa wa munalume, 4#2 Vim 10:11 Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele.#1:4 NJEZELELE: Ku nganda eyi, Yehu watsiile mwene wa Isalele na voshe va ku naanga ya vumwene, co wapwile mwene wakulivanga mu vumwene vwavuha (kenga 2 Vimyene 9-10). Co njikamanesa vumwene vwa Yehu.#1:4 VUMWENE VWA YEHU: Nambe, vumwene vwa Isalele. 5Co njikanyongesa nzili ya mashwalale va Isalele mu Cana ca Njezelele.”
6Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe. 7Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”
8Omo Ngomele washumwine munendi wa munakazi, co wakele na limo lalo lya mwana weka wa munalume. 9Co Shukulu Kalunga wendekele kuli Hoziya ngwendi, “Muluke lizina ngwove ‘Kesi Vanu Vange,’ omwo vanu va mu Isalele kesi vanu vange, co nange lalo kesi nji Njambi yavo.”
Isalele vakeluka lalo
10 #
Lom 9:26
Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!” 11Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele#1:11 NJEZELELE: Lizina eli mu ciHevelu lilumbunuka ngwalyo, Njambi akuna, co lyendeka a vyakukula nakuvezika. likapwa lyakama manene!
Currently Selected:
Hoziya 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006