VaHevelu 1
1
Lijwi lya Njambi ali Munendi
1Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka, 2oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe. 3Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.
Nzili ya Muna Njambi
4Mwana vamupwisile wakama kuhyana tungelo, ngwe ku lizina lije lyamwanene Njambi lyakuhyana mazina avo. 5#Mya 2:7; 2 Sam 7:14; 1 Miz 17:13 Omwo Njambi kendekele kuli umo wa tungelo twendi ngwendi,
“Yove unapu u Munange,
litangwa lya lelo njinakukiti.”
Naimo simbu yai Njambi nendeka kuli kangelo umo ngwendi,
“Yange njikapwa nji Ishe,
co ikeye akapwa Munange.”
6 #
Kwi 32:43
Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi,
“Tungelo voshe va Njambi vanapande kumulemesa.”
7 #
Mya 104:4
Oloni kuli tungelo Njambi wendekele ngwendi,
“Njambi napwisa tungelo twendi lihunzi,
co ikeye napwisa vangamba vendi milangi ya tuhya.”
8 #
Mya 45:6-7
Oloni nameme ngoco ali Mwana, Njambi wendekele ngwendi,
“Litanda lyove, Yove Njambi,#1:8 LITANDA LYOVE, YOVE NJAMBI, LIKAKALA: Nambe, litanda lyove Njambi.
likakala ku myaka yoshe!
Washwana vanu vove#1:8 VANU VOVE: Kunungulula kumo ngwavo, vanu vendi. na vushunga.
9Wazema vushunga, co wazinda vuvi.
Ngecivene, Njambi, Njambi yove nakuvwavesa na mazi
akujolela kuhyana vakweni.”
10 #
Mya 102:25-27
Co ikeye wendekele lalo ngwendi,
“Yove, Shukulu Kalunga avushangumukilo watangele kaye,
co melu anapu vipangi vya mavoko ove.
11Vikevyo vyoshe vikaita,
oloni yove ukakala,
vikevyo vyoshe vikakuluvala ngwe vuzalo vwalaja.
12Ukavyeteka ngwe cikoveyo,
vikakuluvala ngwe vuzalo.
Oloni yove kuwesi kukuluvala, co mwonyo wove kuwesi kuhwa.”
13 #
Mya 110:1
Njambi nalumo lwai wendekele kuli tungelo twendi ngwendi,
“Tumbama kuno ku livoko lyange lya cilyo,
noo njikafungulula vove.”
14Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.
Currently Selected:
VaHevelu 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006