2 Tesalonika 1
1
1 #
Vil 17:1
Mukanda wakutunda kuli Paulu na Silase na Timateo. Kuli vanu va ku cikungulukilo ca mu Tesalonika, vaje vanakundama kuli Njambi Tatetu na Mwene Yesu Kilistu.
2Njambi Tatetu na Mwene Yesu Kilistu vamyane kutetela na kwoloka.
Kusompa akwija kwa Kilistu
3Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene. 4Omu mukemwo tulinakulyalesela ali yeni mu vikungulukilo vya Njambi. Tulinakulyalesela a lukakateya lweni nakukulaela kweni mu mapakeso oshe awa na n̄avava ije mulinakumona.
5Eci cinapu vukaleo ngeci kusompa kwa Njambi kukekwo kwa vushunga, co mukemuka va seo mu Vumwene vwendi, vuje vumulinakuyandela. 6Njambi akalinga vije vyavivwa, co akanena tuyando ali vaje valinakumiyandesa, 7co ikeye akamihwimisa yeni mulinakuyanda, co na kuli yetu lalo. Akalinga eci omo Mwene Yesu akasholoka kutunda mwilu na tungelo twendi va nzili, 8amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu. 9#Isa 2:10 Co vakayanda na n̄avava ya myaka yoshe, nakuvangununa ku mesho a Mwene na ku vumpau vwendi vwakama, 10omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.
11Eci cikeco cuma tulinakumilombelela simbu yoshe. Tulinakulomba Njambi yetu ngeci amipwise vaje vanapande mwonyo uje wamisanenene ngeci muyoyemo. Ashulise na nzili yendi lilaku-laku lyeni lyoshe lyalivwa nakumanesa vipangi vyeni vyakukulaela. 12Mu ngila eyi vene lizina lya Mwene yetu Yesu valishangazale ali yeni, neni lalo ali ikeye, a kutetela kwa Njambi yetu na Mwene#1:12 NJAMBI YETU NA MWENE YESU KILISTU: Nambe, Njambi yetu na Mwene yetu. Yesu Kilistu.
Currently Selected:
2 Tesalonika 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006