1 Timateo 1
1
1Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.
2 #
Vil 16:1
Kuli Timateo, munange wa vushunga mukukulaela.
Njambi Tate na Kilistu Yesu Mwene yetu vakwane kutetela na mema ku mbunge na kwoloka.
Kunangula a vilongesa vya makuli
3Njishaka yove ukale mu Efeso, ngwe muje njakusindiiye aje njaile vungenzi ku Masendoniya. Vanu vamo kuje valinakulongesa vilongesa vya makuli, co unapande kuvashika ngeci valikele. 4Valeke ngwove vanapande kwecela visimutwiya vya visimo vya ku san̄ulu na vya mikana ya mazina a malaja a vakukulwila, vije visholola lika vimata, omwo kuvyesi nakukundama ku vutumbe vwa Njambi, vuje tunavuzivuka akukulaela. 5Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga. 6Vamo vanu vanaseza vyuma evi, co vanazimbalesa vingila vyavo mu vimata vya vulema. 7Vashaka kupwa valongisi va lishiko lya Njambi, oloni kuvazivuka majwi avo avendeka vakevo vavenya nambe vin̄anda valinakwendeka nakukulaela manene oloni kuvazivuka muvinalumbunukila.
8Twazivuka ngwetu Lishiko lya Njambi lyapwa lyalivwa nga valipangesa muvanapande kulipangesela. 9Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu 10na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga. 11Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.
Kukandelela omwo mema ku mbunge a Njambi
12Njikandelela kuli Kilistu Yesu Mwene yetu, uje nanjitakamesa mu vipangi vyange. Njimukandelela omwo akunjiyongwela ngeci njinapandemo nakunjimika kumupangela, 13#Vil 8:3; 9:4-5 nambe akulivanga njendekele vyuma vyavivi ali ikeye nakumupakesa nakumushaula. Oloni Njambi wanjizivilileko mema ku mbunge omwo te kanda njikulaele, co kunjazivukile cuma muka cije njakele nakulinga. 14Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu. 15Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene. 16Oloni Njambi wanjizivilileko mema ku mbunge ngeci Kilistu Yesu anjimwese kushula kwa lukakateya lwendi ali yange, muka-kulinga vuvi kutuvakana voshe vaka-vuvi, ngeci njipwe cimweso kuli voshe vaje vakamukulaela munima vakawane mwonyo wa myaka yoshe. 17Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.
18Timateo munange, njikukundika ku lishiko eli, likelyo linapu ngwe majwi a vuka-kwimanena vendekele laja ali yove. Pangesa majwi awa ngwe vitwa vya nzita ngeci ulwe mwamuvwa, 19co nyunga kukulaela kwove nakutungukwa kwa citakutaku cove. Vanu vamo kuvesi nakutolilila ku vitaku-taku vyavo, co vananyongesa laja kukulaela kwavo. 20Akati kavo kuli Haimenease na Elekizanda, vaje njinanyanyamesa akuvakundika ku nzili ya Satana, eci cikavalongesa ngeci valikele kushaula Njambi.
Currently Selected:
1 Timateo 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006