Hebreos 1
1
Jaꞌ Dios Jix Skꞌanbꞌalne Scꞌaal Yet Jix Kꞌanabꞌ Ey Jon
1Jaꞌ yet peyxa tuꞌ, cu Mam Dios jix kꞌanabꞌ el yin ebꞌ naj profeta, jaꞌton ebꞌ ẍejabꞌ Dios tet ebꞌ kichmam. Ecꞌal el cꞌal yin ecꞌal tujan jix kꞌanabꞌ el cu Mam Dios yin ebꞌ profeta. 2Jal pax tinaniꞌ xin, yin slawubꞌal tiempo chi kꞌanabꞌ el cu Mam Dios yin Scꞌaal ey jon. Jaꞌ yet jix swaꞌnen Dios masanil tzettaj yetal yet peyxa tuꞌ, jaꞌton Naj Scꞌaal jix skꞌanbꞌalne yet jix swaꞌneni. Catuꞌ jix sicꞌle pax can el Naj yu Dios yu yakꞌle pax cꞌal can masanil tzettaj yetal yul skꞌabꞌ Naj Cꞌaale tuꞌ. 3Chi xꞌoxel swatxꞌil Dios Naj Cꞌaale yutol jacꞌal oc Naj yetoj Dios. Jacꞌal oc Naj chi teynen masanil tzettaj yetal yetoj skꞌane, yutol jaꞌ wan kꞌane tuꞌ, caw miman yipal. Jaꞌ yet jix lawi sjoꞌocha can el cu penail tuꞌ yu Naj, catuꞌ jix ey chotan Naj bꞌey sdespacho bꞌey swatxꞌ kꞌabꞌ cu Mam Dios bꞌey satcan tuꞌ.
Yel Miman Yeloc Apnoj Naj Scꞌaal Dios Yintaj Ebꞌ Ángel
4Caw miman jix yun yeloc apnoj Scꞌaal Dios yintaj ebꞌ ángel, yutol jaꞌ jun yopiso jix akꞌle tet yu cu Mam Dios, caw miman yeloc apnoj yintaj ebꞌ ángel. 5Yutol cꞌam juneloj chi yal cu Mam Dios tet junoj ángel jaxca tiꞌ:
Jin Cꞌaal jaach an.
Jaꞌ yet jun cꞌu tiꞌ, jix wakꞌ ja kꞌinal an.
Man ẍi oj cu Mam Dios tet junoj ángel.#Salmos 2:7.
Cꞌam pax chi yal yin junoj ángel:
Oj jin oc sMamoj an,
catuꞌ oj oc jin Cꞌaaloj an.
Man ẍi oj cu Mam Dios tet junoj ángel.#2a Samuel 7:14.
6Jaꞌ yet jix aletej Naj Cꞌaale yu cu Mam Dios yul yibꞌankꞌinal tiꞌ, catuꞌ jix yalon tet ebꞌ ángel:#Deuteronomio 32:43.
Sowalil chex ey kaan tet jin Cꞌaal an, ẍi Dios tet ebꞌ ángel.
7Catuꞌ jix yalon Dios yin ebꞌ ángel jaxca tiꞌ:
Chi oc ebꞌ ángel jaxca kaꞌeꞌ,
catuꞌ chi oc pax ebꞌ chejabꞌwomal jaxca ẍaw xaj kꞌakꞌ, ẍi Dios.#Salmos 104:4.
8Chi yal pax yul An Juun tet Naj Cꞌaale jaxca tiꞌ:
Jaach tiꞌ, Dios jaach. Ey cꞌaltaꞌ can masanil tzettaj yetal yul ja kꞌabꞌ yin tobꞌalkꞌinal.
Caw jichan ja wakꞌon yin ja wopiso.
9Jaꞌ sjichanil cha woche, catuꞌ caw cꞌam cha woche spenail.
Yuxan Dios, ja Diosal jix akꞌon jun miman tzalacꞌulal ey jaach.
Yel miman ja tzalacꞌulal jix secle oc ja wibꞌan yintaj ebꞌ ja wetbꞌi, ẍi yul An Juun tet Naj Cꞌaale.#Salmos 45:6-7.
10Catuꞌ chi yalon pax yul An Juun:
Jaach Kaawil, jix ja waꞌne jun yul yibꞌankꞌinal tiꞌ yet yichbꞌanil, catuꞌ jix ja waꞌne satcan yetoj ja kꞌabꞌ.
11Jaꞌ wan tuꞌ oj qꞌueyeloj, jal pax jaach tiꞌ xin, oj jaach eecꞌ yin tobꞌalkꞌinal.
Masanil ebꞌ oj xilbꞌoj el jaxca chi yun xilbꞌi el an pichile.
12Jaꞌ wan tuꞌ, oj ja wucheyoj jaxca junoj pichile xil xa.
Oj qꞌuexchatoj jaxca junoj pichile.
Jal pax jaach tiꞌ xin, ey jaach cꞌaltaꞌ ecꞌ yin tobꞌalkꞌinal.
Catuꞌ ey ja kꞌinal yin tobꞌalkꞌinal, ẍi yul An Juun tet Naj Cꞌaale tuꞌ.#Salmos 102:25-27.
13Manaj tet junoj ángel, tol jaꞌ tet Naj Cꞌaale jix al-le jaxca tiꞌ yu cu Mam Dios:
Eyan chotan bꞌey jin watxꞌ kꞌabꞌ, masantaꞌcꞌal oj can ebꞌ ja cajat sbꞌatxlubꞌoj ja wajan wu an, ẍi Dios tet Naj Cꞌaale.#Salmos 110:1.
14Jal pax masanil ebꞌ ángel, espíritu ebꞌ. Chi yakꞌ servil cu Mam Dios ebꞌ. Chejbꞌil ebꞌ yin colwal yin ebꞌ oj ẍaꞌ scolbꞌanil.
Currently Selected:
Hebreos 1: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.