Tito 1
1
O ‘Upu Fa‘afeiloa‘i
1O Paulo, o le ‘au‘auna#1.1 ‘au‘auna: po o tautua. a le Atua, ma le ‘aposetolo a Iesu Keriso, ‘ona o le fa‘atuatua o ē ‘ua filifilia e le Atua, ma le iloa lelei o le ‘upu moni e i‘u ai i le amio Atua. 2I le fa‘amoemoe i le ola fa‘avavau, na folafolaina mai talu mai tausaga o le vavau e le Atua e lē mafai ‘ona tala pepelo. 3A ‘ua fa‘aalia mai lana lava afioga i ona pō e tatau ai i le tala‘iga ‘ua tu‘uina mai ‘iā te a‘u, e tusa ma le poloa‘iga a le Atua lo tatou Fa‘aola.#Efe 1.9-10; 1 Timo 1.1, 11
4‘Iā Tito lo‘u lava atali‘i i la le fa‘atuatua ‘ua tu‘u tele.
‘Ia ‘iā te oe le alofa tunoa, ma le manuia mai le Atua le Tamā, ‘atoa ma Keriso Iesu lo tatou Fa‘aola.#2 Kori 8.23; Kala 2.3; 2 Timo 4.10
O Galuega a Tito i Kereta
5O le mea lenei na ‘ou tu‘u ai oe i Kereta, ‘ina ‘ia e fa‘atonuina mea ‘ua totoe, ma ‘ia e tofia toeaina i lea ‘a‘ai ma lea ‘a‘ai, fa‘apei ‘ona ‘ou fai atu ai ‘iā te oe. 6O se tasi e lē mata‘uleagaina, o le tane a le fafine e to‘atasi, e i ai ana fānau e fa‘atuatua, e le‘i ta‘ua i latou ‘ua ulavavale pe soli i tulafono. 7Auā e tatau lava i le epikopō ‘ona lē mata‘uleagaina o ia, auā o ia le ‘au‘auna e tausi i mea a le Atua; e lē fīnau vale, e lē itagofie, e lē inu tele i uaina, e lē fasi tagata, e lē manumanu i ‘oloa.#1 Kori 4.1; 1 Pete 5.2; 2 Timo 2.24 8A o lē alofa i tagata ‘ese, o lē alofa i ē amio lelei, o lē fa‘autauta, o lē amiotonu, o lē amio Atua, ma le amio mamā. 9O lē tāofi mau i le ‘upu moni, fa‘apei ‘ona a‘oa‘oina o ia, ‘ina ‘ia mafaia e ia ‘ona apoapoa‘i atu i le a‘oa‘oga e ola ai, ma a‘oa‘i atu i ē fīnau mai.#Tito 2.1; 1 Timo 1.10; 2 Timo 4.3
10Auā e to‘atele o ē solitulafono ‘ua tautalatala i ‘upu lē aogā ma fa‘asesē atu, ‘ae sili musa le ‘au peritome.#1.10 ‘ae sili musa…‘au peritome: po o ‘ae sili ‘ona leaga le ‘au Iutaia. 11E tatau ‘ina punitia o latou gutu ‘ua latou fa‘aliliu ‘ese i nisi ‘āiga ‘atoa, o lo‘o a‘oa‘o i mea lē tatau, ‘ina ‘ua matape‘ape‘a i le ‘oloa.#Tito 3.6; Ioane 10.12; 1 Pete 5.2 12Sa fa‘apea mai le tasi o i latou, o sa latou lava perofeta, “O tagata Kereta, e sagasaga tala pepelo lava i latou, o manu fe‘ai leaga, o ē usuusua‘i ‘inā ‘ai.” 13O le molimau moni lava lea. O le mea lea ‘ia ma‘ama‘ai ‘ona e a‘oa‘i atu ai ‘iā te i latou, ‘ina ‘ia latou fa‘amaoni i le fa‘atuatua,#2 Timo 4.7 14‘aua ne‘i tāofi i tala o le vavau fa‘a-Iutaia, ma poloa‘iga a tagata o ē liliu ‘ese i le ‘upu moni. 15‘Ua mamā mea uma i ē ‘ua loto mamā, a o ē loto ‘ele‘elea ma le lē fa‘atuatua, e lē mamā ‘iā te i latou se mea e tasi, a ‘ua ‘ele‘elea o latou mafaufau ‘atoa ma o latou loto fuatia ifo.#Mata 15.11; Roma 14.20 16‘Ua latou ta‘u ane ‘ua latou iloa le Atua, ‘ae fa‘afiti ‘iā te ia ‘iā latou galuega, o ‘inosia i latou ma fa‘alogogatā, latou te lē fa‘amaoni fo‘i i se galuega lelei e tasi.#2 Timo 3.5
Currently Selected:
Tito 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.