Neemia 1
1
‘Ua o‘o ‘iā Neemia le Tala i le Malaia o sa Iutā. ‘Ua ia Tatalo ai i le Atua
1O ‘upu a Neemia le atali‘i o Hakalia o le lua o sefulu o tausaga, o le masina o Kiselu, na ‘ou i Susana i le maota.#Nee 2.1; Ese 1.2, 5; 2.3, 5; Tani 8.2; Saka 7.1 2‘Ona o‘o mai lea o Hanani, o le tasi o o‘u uso, o ia ma nisi tagata mai Iuta; ‘ona ‘ou fesili atu ai lea ‘iā te i latou pe fa‘apefea sa Iutā na sao o ē nā totoe o le tāfeaga, i le ma Ierusalema. 3‘Ona fa‘apea mai lea o i latou ‘iā te a‘u, “O ē totoe o ē na totoe o le tāfeaga o i ai i le itū mālō, ‘ua tele le puapuagā ma le gaogaoina o i latou; ‘ua sōloia fo‘i le pā o Ierusalema, ma ‘ua mū ona puipui i le afi.”
4‘Ua ‘ou fa‘alogo i ia ‘upu, ‘ona ‘ou nofo ai lea i lalo, ma ‘ou tagi, ma fa‘anoanoa i nisi aso, ma anapogi, ma tatalo i luma o le Atua o le lagi,#Esera 9.3; Nee 2.4 5ma ‘ou fa‘apea atu, “Le ALI‘I e, le Atua o le lagi, ‘ou te ‘ai‘oi atu ‘iā te oe, o le Atua silisili ma le mata‘utia, o lē tausia le feagaiga ma le alofa ‘iā te i latou o ē alofa atu ‘iā te ia, ma tausi i ana poloa‘iga; 6‘ia e fa‘afofoga mai, ma ‘ia silasila mai ou fofoga, ‘ina ‘ia e fa‘afofoga i le tatalo a lau ‘au‘auna, ‘ou te tatalo atu ai nei i ou luma i le ao ma le po mo le fānauga a Isaraelu o au ‘au‘auna, ma ta‘u atu i agasala a le fānauga a Isaraelu, ‘ua matou agasala ai ‘iā te oe; ‘ua agasala fo‘i a‘u ‘atoa ma le ‘āiga o lo‘u tamā. 7‘Ua matou agaleaga lava ‘iā te oe, ma ‘ua matou lē tausi poloa‘iga, ma tulafono, ma fa‘amasinoga, na e poloa‘i mai ai ‘iā Mose lau ‘au‘auna.#Teu 28.15; Iosu 1.1-2; Tani 9.5 8‘Ou te ‘ai‘oi atu ‘iā te oe, ‘ia e manatua le afioga na e poloa‘i mai ai ‘iā Mose lau ‘au‘auna, ‘ua fa‘apea mai, ‘A ‘outou agasala, ‘ou te fa‘ata‘ape‘apeina ‘outou i nu‘u.#Levi 26.33 9‘Ae ‘āfai tou te liliu mai ‘iā te a‘u, ma tausi a‘u poloa‘iga, ma ‘outou faia, e ui lava ‘ina tulia ‘outou i le tulu‘iga o le lagi, ‘ou te fa‘apotopoto mai ai ‘iā te i latou, ma ‘aumaia i latou i le mea ‘ua filifilia e a‘u e tu‘u ai lo‘u igoa.’#Teu 30.1-5 10O lenei, o au ‘au‘auna ia ma lou nu‘u, ‘ua e fa‘aolaina i lou mana tele, ma lou ‘a‘ao malosi.#Teu 9.29 11Le Ali‘i e, ‘ou te ‘ai‘oi atu ‘iā te oe, ‘ia e fa‘afofoga mai i le tatalo a a‘u lau ‘au‘auna, ma tatalo a au ‘au‘auna, o ē fia matata‘u i lou suafa; ma ‘ia e fa‘amanuia lava i lau ‘au‘auna i le aso nei, ma ‘ia e tu‘u mai ‘iā te a‘u, ‘ia alofaina i luma o lenei tagata.”
Auā sa fai a‘u ma tautū uaina i le tupu.#1 Tu 8.29; Nee 2.1; Tani 9.18
Currently Selected:
Neemia 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.