Ioane 10
10
O le Fa‘ata‘oto i le Leoleo Mamoe
1“E moni, e moni, ‘ou te fai atu ‘iā te ‘outou, o lē lē ui atu i le faitoto‘a i totonu o le lotoā mamoe, ‘ae alu a‘e o ia i se tasi mea, o le gaoi lea ma le fao mea. 2A o lē ui atu i le faitoto‘a, o le leoleo mamoe lava lea. 3E tatala mai ‘iā te ia le faitoto‘a e le leoleo faitoto‘a; e fa‘alogo fo‘i mamoe i lona leo; e vala‘au e ia i ana lava mamoe i o latou igoa; na te ta‘ita‘i atu fo‘i ‘iā te i latou. 4Pe ā tu‘uina atu e ia ana lava mamoe, e muamua atu o ia i ai; ‘ona mulimuli atu ai lea o mamoe ‘iā te ia, auā ‘ua latou iloa lona leo. 5‘Ae lē mulimuli atu i latou i se tagata ‘ese, ‘ae sōsōla ‘ese ‘iā te ia; auā latou te lē iloa leo o le tagata ‘ese.”
6‘Ua fetalai atu Iesu ‘iā te i latou lenā fa‘ata‘oto, ‘ae le‘i malamalama i latou i mea ‘ua ia fetalai atu ai ‘iā te i latou.
O Iesu o le Leoleo Mamoe Lelei
7‘Ona toe fetalai atu lea o Iesu ‘iā te i latou, “E moni, e moni, ‘ou te fai atu ‘iā te ‘outou, o a‘u nei o le faitoto‘a o mamoe.#Sala 118.20; Ioane 14.6; Mata 7.13, 14 8O i latou uma o ē na muamua ‘iā te a‘u, o gaoi i latou ma fao mea; ‘ae le‘i fa‘alogo mamoe ‘iā te i latou.#Iere 23.1, 2 9O a‘u nei o le faitoto‘a; ‘āfai e ui mai se tasi ‘iā te a‘u, e fa‘aolaina o ia, e alu atu ma ulu fafo, e maua fo‘i o ia le mea e ‘ai.#Sala 118.20; Ioane 14.6; 1 Kori 3.15 10O le gaoi, e leai se tasi mea e sau ai na ‘ona ia gaoi, ma fasi, ma fa‘aumatia; ‘ua ‘ou sau ‘ina ‘ia latou maua le ola, ‘ia maua atili ai lava.
11“O a‘u o le leoleo mamoe lelei; e tu‘u atu e le leoleo mamoe lelei o lona ola e sui a‘i mamoe. 12A o le ‘au‘auna, e lē o le leoleo fo‘i o ia, e le ana le lafu mamoe; ‘ua va‘ai atu o ia i le luko ‘ua sau, ‘ona lafoa‘i lea e ia o mamoe, ‘ae sola; ‘ona pu‘ea lea o mamoe e le luko ma fa‘asalalauina.#Isai 40.11; Eseki 34.11-23; 37.24; Ioane 15.13; Mata 10.16; Galu 20.29; Tito 1.11; 1 Pete 5.2, 3 13E sola le ‘au‘auna, auā o le ‘au‘auna lava o ia, e le manatu fo‘i o ia i mamoe. 14O a‘u nei o le leoleo mamoe lelei; ‘ua ‘ou iloa a‘u mamoe, ‘ua iloa fo‘i a‘u e a‘u mamoe;#2 Timo 2.19 15pei ‘ona silafia a‘u e le Tamā ma ‘ou iloa le Tamā. ‘Ou te tu‘uina atu fo‘i lo‘u ola e sui a‘i mamoe.#Mata 11.27; Luka 10.22 16‘Ua ‘iā te a‘u fo‘i isi mamoe e lē o i lenei lotoā; e tatau ‘ona ‘ou ta‘ita‘iina mai o i latou fo‘i, e fa‘alogo fo‘i i latou i lo‘u leo; ‘ona tasi ai lea o le lafu mamoe, ma le leoleo mamoe e to‘atasi.#Eseki 37.24; 34.23; Ioane 11.52; 1 Pete 2.25; Efe 4.5
17“O le mea lea, e alofa mai ai le Tamā ‘iā te a‘u, auā ‘ou te tu‘uina atu lo‘u ola, ‘ina ‘ia ‘ou toe ‘aumai ai. 18E leai se tasi na te ‘ave‘eseina mai ‘iā te a‘u, ‘ae peita‘i o a‘u, ‘ou te tu‘uina atu e a‘u lava. O ‘iā te a‘u le pule e tu‘uina atu, o ‘iā te a‘u fo‘i le pule e toe ‘aumai ai; ‘ua ‘ou maua lenā poloa‘iga mai lo‘u Tamā.”
19‘Ona toe vaeluaina lea o Iutaia i ia ‘upu.#Ioane 7.43; 9.16 20‘Ua fa‘apea ane nisi o i latou e to‘atele, “‘Ua ‘iā te ia le temoni, o le vale fo‘i o ia; pe se a le mea tou te fa‘alogologo ai ‘iā te ia?”#Ioane 7.20; 8.48; Mare 3.21
21A ‘ua fa‘apea ane nisi, “E lē ni ‘upu ia a se tagata ‘ua uluitinoina; e mafai ‘ea e se temoni ‘ona ia fa‘apupulaina mata o tauaso?”
‘Ua Te‘ena Iesu
22‘Ua fai i Ierusalema le tausamiga o le Fa‘aulufalega, o ona po fo‘i o le tausaga malūlū. 23‘Ua femaliua‘i Iesu i le malumalu o le fa‘apaologa o Solomona.#Galu 3.11; 5.12 24‘Ona vagavagai lea o Iutaia ‘iā te ia, ‘ua latou fa‘apea mai ‘iā te ia, “A fa‘alētonu o matou manatu ‘iā te oe se‘ia afea? ‘Āfai o oe o le Keriso, ‘ia matuā ta‘utino mai ‘iā te i matou.”
25‘Ua tali atu Iesu ‘iā te i latou, “‘Ua uma ‘ona ‘ou ta‘u atu ‘iā te ‘outou, a ‘ua ‘outou lē fa‘atuatua mai lava. O galuega ‘ou te faia i le suafa o lo‘u Tamā, e molimau mai ia ‘iā te a‘u.#Ioane 4.26; 5.36; 9.37 26A ‘ua ‘outou lē fa‘atuatua mai lava ‘outou; auā e lē ni a‘u mamoe ‘outou, pei ‘ona a‘u fai atu ‘iā te ‘outou. 27O a‘u mamoe e fa‘alogo mai i latou i lo‘u leo, ‘ua ‘ou iloa fo‘i i latou, ‘ua latou mulimuli mai fo‘i ‘iā te a‘u.#Ioane 8.47; 10.3, 4 28‘Ou te avatu fo‘i le ola e fa‘avavau ‘iā te i latou; latou te lē oti lava e o‘o i le fa‘avavau, e lē mafai lava e se tasi ‘ona fao ‘iā te i latou a‘i lo‘u lima.#Ioane 5.28; 6.39; 17.12; 18.9 29O lo‘u Tamā o lē na foa‘iina mai i latou ‘iā te a‘u, e sili o ia i nisi uma lava; e lē mafai e se tasi ona faoa i latou i le lima o lo‘u Tamā. 30O a‘u nei ma le Tamā, e tasi lava i mā‘ua.”
31‘Ona toe fetāgofi lea o Iutaia i ma‘a, e fetogi ‘iā te ia. 32‘Ona fa‘apea atu lea o Iesu ‘iā te i latou, “E tele galuega lelei ‘ua ‘ou fa‘aalia ‘iā te ‘outou mai lo‘u Tamā; o fea ‘ea o ia galuega tou te fetogi mai ai ‘iā te a‘u.”
33‘Ua tali mai Iutaia ‘iā te ia, ‘ua fa‘apea mai, “E lē o galuega lelei matou te fetogi ai oe, a o le ‘upu leaga; auā o oe o le tagata, a ‘ua e fai oe ma Atua.”#Levi 24.16
34‘Ua tali atu Iesu ‘iā te i latou, “E le‘i tusia ‘ea i la ‘outou tulafono, ‘Na ‘ou fai atu o atua ‘outou?’#Sala 82.6 35‘Āfai na ta‘ua e ia ‘o atua’ i latou ē ‘ua i ai le afioga a le Atua, e lē mafai fo‘i ‘ona fa‘alēaogāina le Tusi;#Mata 5.17, 18 36tou te fa‘apea ‘ea i lē ‘ua fa‘apa‘iaina ma ‘auina mai e le Tamā i le lalolagi, ‘Ua e ‘upu leaga, auā ‘ua ‘ou fai atu, ‘O a‘u nei o le Atali‘i o le Atua?’#Ioane 5.17-20 37‘Āfai ‘ou te lē faia galuega a lo‘u Tamā, auā tou te talitonu mai ‘iā te a‘u. 38‘Ae ‘āfai ‘ou te faia, e ui lava ‘ina ‘outou lē talitonu mai ‘iā te a‘u, ‘ia ‘outou talitonu i galuega; ‘ina ‘ia iloa e ‘outou, ma ‘ia talitonu, o i totonu ‘iā te a‘u le Tamā, o a‘u fo‘i o i totonu ‘iā te ia.”
39‘Ona toe fia pu‘e lea o i latou ‘iā te ia; a ‘ua maliu ‘ese o ia i o latou lima.#Ioane 8.59; Luka 4.30
40‘Ua toe maliu ane o ia i tala atu o Ioritana, i le mea na ulua‘i papatiso ai e Ioane; ‘ua nofo fo‘i o ia i lea mea.#Ioane 1.28 41‘Ona ō mai lea ‘iā te ia o tagata e to‘atele, ‘ua fa‘apea mai fo‘i i latou, “E leai lava se fa‘ailoga na faia e Ioane; a o mea uma na fai mai ai e Ioane ‘iā te ia nei, e moni ia.” 42E to‘atele fo‘i ē na fa‘atuatua ‘iā te ia i lea mea.
Currently Selected:
Ioane 10: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.