YouVersion Logo
Search Icon

Jṉ. 16

16
1 “Átum kanartuka̱i̱rum tusan jú̱naka tájarme. 2Israer shuar iruntai̱nmaya̱ ji̱i̱ki̱ akuptámkattarme. Nu arantcha mantamainiaksha ‘Yusan shiir awajsattsan túrajai’ tiártatui. 3Nu shuar Winiasha tura winia Aparnasha nékachu ásar túrutmawartatui. 4Núnaka yamái tájame. Tura túrunamtai ‘núnisaṉ átiniaiti’ tímiaj nu nekaarum itiurchat enentáimprairap.
Yusa Wakaní̱ túratniun
Atumji̱a̱i̱ tuke pujá asan núnaka yaunchu ujakchamjarme. 5Antsu yamaikia wáketjai winia Akuptúkmia nuja̱i̱ pujustaj tusan. Tuma ai̱ṉ wéajna nu inintratsrume. 6Antsu nuna takui̱ tí kuntuts enentáimprarme. 7Tura Wi wématai atumji̱a̱i̱ṉkia nuna naṉkaamas péṉker átatui. Iis, Wi wéaknaka atumín yaintmaktinia nuna akupkáttajai tura wéachkuiṉkia táchattawai. Nuka ti nekasaiti. 8Yusa Wakaní̱ taa ashí jú̱ nuṉkanmaya̱ aentsun ju̱ menaintiun nekamtikiattawai. Ni yajauch túrutairi̱n aan nekamtikiattawai. Péṉker wekasamniana nunasha nekamtikiattawai. Tura Yus súmamtikiamniana nunasha nekamtikiattawai. 9Winia enentáimturainiachu yajauchi túrin áiniawai. 10Winia Aparuí̱ wáketkui wáitkiashtatrume. Tuma asamtai ashí shuar wi péṉker yajauchiji̱a̱i̱nchu wekaamun nekaawartatui. 11Tura ju̱ nuṉkanam akupniúnka Yus súmamtikia asa shuarnasha súmamtikiamniaiti. Nuna paant nekaawartatui.
12 Nu arantcha núkap tíintjiarme túrasha átumka nekaachaintrume. 13Yusa Wakaní̱ ashí nekas tiniu asa ashí nekasa nuna unuitiamprattarme. Ni enentáimmiaja̱i̱ tíchattawai antsu winia Aparuí̱ antukma nuna ujatmáktatui. Ukunam átatna nunasha ujatmáktatui. 14Ashí Wínian ujatmak Winia shiir awajtústatui. 15Ashí winia Apar takakna nusha Wíniaiti. Nu asamtai ‘ashí Wínian ujatmáktatui’ tajai.
Kúntuts pujuiniayat ukunam warasartatui
16 Ishichik pujusrum Winia wáitkiashtatrume. Nuyá̱ ataksha ishichik pujusrum ataksha waitkiattarme. Wisha winia Aparuí̱ wéajai.” 17Nuyá̱ ni unuiniamuri̱ nuamtak áujmatainiak “¿Jú̱ chichamsha warimpiait? ‘Ishichik pujusrum wáitkiashtatrume tura ataksha ishichik pujusrum waitkiattarme tura Aparuí̱ wéajai’ tátsuk. 18‘Ishichik pujusrum’ tana nusha ¿warimpiait? Ni tana nu ántatsji” tiármiayi.
19Jesussha nin aniastai táman nekáa chichaak “‘Ishichik pujusrum wáitkiashtatrume nuyá̱ ataksha ishichik pujusrum waitkiattarme’ tímiajai. ¿Núchakait átum inintrústin wakerarmena nua? 20Ti nekas tájarme. Átumka kúntuts pujusrum úttiatrume tura Yus shuarcha warasartatui. Tuma ai̱ṉᵏⁱ átum kúntuts pujayatrumek ukunam warastatrume. 21Iis, nuwa̱sha takustin tsawant jeamtai najaimiak wáitiatsuk. Tura uchin takus ti warak wáitsamunka enentáimtsui. 22Atumsha núnisrumek yamaik kúntuts pujarme. Tura atak íitjiarum tusan winiakui ti shiir atumí enentái̱n warastatrume. Nu warastinian jurutrámkichmin áiniawai.
23 Nu tsawantinkia peṉké ininsashtatrume. Ti nekas tájarme Winia enentáimtursarum winia Apar searum nuna ashí amastatui. 24Yamaisha Winia enentáimtursarum winia Apar seachurme. Túrasha seakrumni̱ṉkia ti shiir warasuk tusa amastatui.
Jesus jú̱ nuṉkanmaya̱n nupetkaiti
25 Métektaku chichamja̱i̱ nakumkan nuna tímiajai. Tura ukunmaṉka nuja̱i̱ chichatsuk winia Aparnan paant ujaktatjarme. 26-27Nu tsawantai̱ átumka Winia enentáimtursarum winia Apar seattarme. Winia Aparsha atumín anea asamtai Wi Nin áujsatin atsumashtatrume. Winia anentu asarum tura winia Aparuí̱ya̱ táman enentáimtakrumin Nisha anenmawai. 28Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.
29Nuyá̱ ni unuiniamuri̱ chicharainiak “Yamaikia métektaku chichamja̱i̱nchu chichaame. 30Mash nékaitme. Shuar Ámin ininmatsa̱i̱ṉ péṉker áimkiatin nékame. Nu nekaar Ame nekas Yusai̱ya̱itme tu enentáimtaji” tiármiayi. 31Tura Jesus chichaak “¿Nekasash enentáimtarum? 32Tí warik átumka ashamkarum tsakiṉmakattarme tura Winiak ikiurkittiarme. Antsu winia Apar pujakui Wiki pujatsjai. 33Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Currently Selected:

Jṉ. 16: jiv

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy