ROMANI NA KIHA 1
1
Na ani hagenago na vivita
1Na romani na kiha iana o Solomone.
Na gete
2Gu nunuguê.
Gu nunuguê nga!
Na hetakuiha iamu ki mamaki teharia na vaini.
3Na vanuhamu ki sigini koro ngavê.
Na ringena na atamu ki hagarugu obaku.
Na kere gete hato ka takuigo.
4Gu meêrâ. Karu râ!
Igo, maneraha, gu toreê banu igê na kiboru iamu.
Igerua karu page vagevage haku.
I monari, na hetakuiha iamu ki mamaki teharia na vaini.
Tahema na kere gete hato ka takuigo.
5Kere gete ni Jerusaleme,
henaka gê ape masuri
ma inê kê bâkoro ngavê.
Gê ape masuri
mangagi na ruma na gahu ni Ketare
ma kê bâkoro
mangagi na gahu totoperega,
ga kuharenigi i ruma raha iana o Solomone.
6Siana kamu kitakitê
renia gê ape masuri,
suria na arito ki sinariê.
O goaku ka mangariaga tangê
ma ka hagatagarahiê
igê na mu ni vaini iata.
Tahema inê kê pe nahunia na matena,
hanana vi ve tako renirerua igê
na mu ni vaini iaku
ma inê mareku.
7Baharamu, gu visia me,
vi i he kanigo page bêngenira râ
na togoha ka ngêngê igê?
I he kanigo hagamamarora igê
igê na ritovagana?
I era ma kê garigo rârâ
i berarogata na tamamu,
ga bâsurira nogata na togoha iata.
Na mane
8Baharamu, manga go pe girara,
hoi, go harisurira na togoha iaku
ma ko kasira na goti iamu kâ ngêngê
hagarangigi na ruma na gahu
iata na avanuni togoha.
9Baharamu, igo ko bâkoro ngavê!
Go bâkoro ngavê manga na hosi hehene
i okea na kati iana na maneraha.
10Na mumu ni karinga iamu
ga kuku so i parimu
ka bâkoro teha ngavê,
ma na mahe i riomu nogani.
11Inê be tagarahigi tangago
na mumu ni karinga renigi na golo
henigi na siliva kukurutaga gê sivirigi.
Na gete
12Matena na maneraha iaku
ki tâtâ igê na bea iana,
na vanuhana na takana na ago iaku
ki unuha ngavê.
13Barokona iaku
ki tâ i berarogani na susuku
manga na barana na tavona na gatoga.
I sigini koro ngavê.
14Barokona iaku
ki mangagi na mahe
i sigini koro ma ga akê
i mu ni mahe i Engeti.
Na mane
15Barokomu, go bâkoro ngavê.
Na tohomu.
Na maamu karu mangarerua na kuvê
garu hetakuiheri.
Na gete
16Baharamu,
Go bâkoro ngavê.
Go oga i mangataku.
Na go maravarava
ka na bea iakerua.
17Na apinige raha
ga rapu oto
ka na gerina na ruma iakerua,
ma na saru ka na apê ni ruma.
Currently Selected:
ROMANI NA KIHA 1: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific