KI 1
1
Na buka gi tage
(Ki 1—41)
Na morana na vagevageha
1Ga babarisi na enoni,
ga ngaritenigi ngavê
na tamasinga iata na enoni era.
Ga babarisi na enoni,
ga pe râ surigi
na parongata na enoni tasi.
Ga babarisi na enoni,
ga pe hakunira na enoni,
ga pe hagahigasia God na Araha.
2Ma ngaira ka vagevagesigi hete
na ramata iana na Araha.
Ma ngaira ka takotako renigi
tare ma tarema.
3Ngaira ka mangagi na apinige koro,#Jr 17.8.
ga akê i na akerena na ve.
Ngaira ka hunguhungu igê na matena tange
ma ka pe turituri rârâ.
Ngaira ka korokoro tare
igê na ara ni marâ, ga katogi.
4Ma na enoni, ga era,
ka mareha ngavê,
vige manga ngekana.
Ngaira ka mangagi na momo,
i tokorenigi vê na roga.
5God ki page hagaitangira
na enoni, ga tasi.
Ngaia ki page panera hura
tenira na kariana.
6Na Araha ki marupera na kariana,
ma ki hagaerasira ngavê na enoni era.
Currently Selected:
KI 1: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific