Johanes 3
3
Jesus un Nikodemus
1Doa wia een Maun, een Farisäa, eena dee em judschen huagen Rot wia, dee heet Nikodemus. #Joh 7,50; 19,39 2Dee kjeem de Nacht no Jesus #3,2 Griechisch no am un säd: Liera, #3,2 ooda Rabi wie weeten, daut du een Liera best, dee von Gott jekomen es, wiels de Tieekjens, waut du deist, kaun kjeena doonen, wan Gott nich met am es. 3Jesus säd to am: Ekj saj die de Woarheit: Wäa nich noch eemol jebuaren #3,3 ooda nich von bowen jebuaren es, kaun Gott sien Rikj nich seenen. #1Pet 1,23 4Nikodemus säd to am: Woo kaun een Mensch noch eemol jebuaren woaren, wan hee aul oolt es? Kaun hee noch eemol em Muttalief nenn gonen un wada jebuaren woaren? 5Jesus säd: Ekj saj die de Woarheit: Wäa nich derch Wota un Jeist jebuaren woat, kaun nich en daut Gottesrikj nenn komen. #Hes 36,25-27; Mat 3,11; Tit 3,5 6Waut vom Fleesch jebuaren woat, es Fleesch, un waut vom Jeist #3,6 Eent un daut selwje Wuat woat en Griechisch jebrukt fa Jeist un Wint. jebuaren woat, es Jeist. #Joh 1,13; Reema 8,5-9 7Lot die daut nich wundren, daut ekj die saj: Jie motten nie #3,7 ooda motten von bowen jebuaren woaren. 8De Wint blost doa wua hee well, un du kaust am hieren. Oba du kaust nich sajen, wua dee häa kjemt, un weetst uk nich, wua hee blift. Soo es daut met eenem jiedren, dee vom Jeist jebuaren es. 9Nikodemus fruach am: Woo kaun soowaut passieren? 10Jesus säd to am: Du best een Liera en Israel un weetst daut nich? 11Ekj saj junt de Woarheit: Wie weeten von waut wie räden, un zeijen doavon waut wie jeseenen haben; oba waut wie junt sajen, well kjeena jleewen. 12Wan jie daut nich jleewen, wan ekj junt von Sachen opp de Ieed vetal, woo woa jie dan jleewen, wan ekj junt von himlische Sachen vetal?
Kjeen Läwen onen Gloowen aun Jesus
13Noch es kjeena nom Himmel jefoaren buta dee, dee vom Himmel rauf kjeem, un daut es de Menschensän. #3,13 Eenje oole Schreften sajen noch dee em Himmel es.
14Un soo aus Moses en de Wiltnis eene Schlang huach opphonk, soo mott de Menschensän uk huach oppjehowen woaren, #4Mo 21,8-9 15daut aul dee, dee aun am jleewen, daut eewje Läwen haben.
16Gott siene Leew fa dise Welt es soo groot, daut hee sienen eensjen Sän jeef, daut aul dee, dee aun am jleewen, nich veloaren gonen, oba daut eewje Läwen haben. #Reema 5,8; 8,32; 1Joh 4,9 17Wiels Gott schekjt sienen Sän nich en dise Welt, om dee to rechten, oba daut de Welt derch am kunn jerat woaren. #Luk 19,10 18Wäa aun am jleeft, woat nich jerecht woaren. Wäa oba nich jleeft, es aul jerecht, wiels hee nich aun dän Nomen von Gott sienen eensjen Sän jleeft. #Joh 5,24 19Un daut Rechta Uadeel es dit: Daut Licht kjeem en de Welt nenn, oba de Menschen hauden daut diestre leewa aus daut Licht, wiels äare Woakjen wieren vom diestren. #Joh 1,5.9-11 20Wiels wäa sikj en beese Woakjen eeft, kaun daut Licht nich vedroagen un kjemt uk nich nom Licht, daut siene Woakjen nich sellen verendach komen. #Efs 5,13 21Oba wäa de Woarheit deit, kjemt nom Licht, daut et kloa to seenen es, daut siene Woakjen en Gott jedonen sent.
Jesus un Johanes, de Deepa
22Aus dit äwa wia, kjeemen Jesus un siene Jinja en daut judäische Launt nenn. Doa brocht hee met an Tiet too un deept uk. #Joh 4,1-2 23Johanes deept uk noch bie Änon, dicht bie Salim, wiels doa väl Wota wia, un de Menschen kjeemen un leeten sikj deepen. 24Johanes wia don noch nich en daut Jefenkjnis jestopt. #Mrk 1,14 25Johanes siene Jinja streeden sikj emol met de Juden äwa äare Reinjungs Väaschreften. 26Un see kjeemen no Johanes un säden to am: Liera, dee, dee aun jantsied vom Jordan bie die wia, von däm du zeijen deetst, kjikj emol, dee deept doa, un aule gonen no am. #Joh 1,26-34 27Johanes säd to an: Een Mensch kaun sikj nuscht nämen, wan am daut nich vom Himmel jejäft woat. #Heb 5,4 28Jie selfst bezeijen mie, daut ekj säd, daut ekj nich de Christus sie, oba daut ekj ver am jeschekjt sie. #Joh 1,20.23.27 29Wäa de Brut haft, es de Briegaum. Oba däm Briegaum sien Frint steit un horcht, waut de Briegaum sajcht, un freit sikj, däm Briegaum siene Stemm to hieren. Doawäajen es dise Freid nu voll un gaunz miene. #Mat 9,15 30Hee mott toonämen, un ekj mott aufnämen.
Gott sien Sän brinjt daut Läwen
31Dee, dee von bowen kjemt, es äwa aules. Wäa von de Ieed kjemt, es von de Ieed un rät von de Ieed. Dee vom Himmel kjemt, es äwa aules. #Joh 8,23 32Un hee rät von daut, waut hee jehieet un jeseenen haft, oba kjeena nemt sien Zeichnis aun. 33Wäa daut aunnemt, bewiest doamet, daut Gott woarhauftich es. 34Dee, dän Gott jeschekjt haft, rät Gott siene Wieed, wiels Gott deit sienen Jeist nich toomäten. #Joh 1,16 35De Voda es sienen Sän goot un haft am aules enne Henj jejäft. #Mat 11,27; Joh 5,20 36Wäa aun dän Sän jleeft, haft daut eewje Läwen. Un wäa däm Sän nich jehorcht, woat daut Läwen nich seenen, oba blift unja Gott sienen Oaja.
Currently Selected:
Johanes 3: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.