YouVersion Logo
Search Icon

Galata 1

1
Een butajeweenlicha Aunfank toom Breef
1Ekj Paulus, een Apostel nich von Menschen doatoo jewält, uk derch kjeen Mensch, oba derch Jesus Christus un Gott, dän Voda, dee am vom Doot oppjewakjt haft, #Gal 1,12 2un aule Breeda, dee hia bie mie sent, schriewen dit no de Jemeenten en Galatien:
3Mucht Jnod un Fräd von Gott, dän Voda, un dän Harn Jesus Christus, met junt sennen. 4Hee storf fa onse Sinden, jrod soo aus Gott de Voda daut jeplont haud, ons doaderch ut dise beese Welt rut to raden. #Gal 2,20; 1Tim 2,6; Tit 2,14; 1Joh 5,19 5Am traft aule Iea derch aule Eewichkjeit! Amen.
Daut jeft bloos eene Goode Norecht
6Mie wundat daut, daut jie dän soo schwind veloten haben, dee junt derch Jesus Christus siene Jnod beroopen haft, un een aundret Evangelium aunjenomen haben. 7Doa es en Werkjlichkjeit kjeen aundret Evangelium. Jie woaren vedreit un aunjeschmäat von dee, dee Christus sien Evangelium vedreien. #Apost 15,1.24 8Un wan wie ooda soogoa een Enjel vom Himmel junt een aundret Evangelium prädjen sullen, aus daut, waut wie junt jeprädicht haben, däm lot veflucht sennen. 9Soo aus wie verhäa jesajcht haben, saj ekj noch eemol: Wan junt irjentwäa een Evangelium prädicht daut nich met daut stemt, waut wie junt jeprädicht haben, dee saul veflucht sennen. #1Tim 6,3
10Hieet sikj daut soo aus wan ekj proow Menschen to jefaulen, ooda Gott to jefaulen? Wan ekj de Menschen noch toom Jefaulen läwd, dan kunn ekj nich Christus sien Deena sennen. #1Tess 2,4-6
De Goode Norecht, dee Paulus prädicht, kjemt direkjt von Christus
11Dit sell jie weeten, Breeda, daut daut Evangelium, daut ekj junt prädijd, nich von Menschen kjeem. 12Daut hab ekj von kjeenem Menschen jekjräajen un daut haft mie uk kjeena jelieet. Jesus Christus haft mie daut selfst jeopenboat. #(12-16) Apost 9,1-15 13Jie haben doch von mien väajet Läwen em Judentum jehieet, woo schrakjlich ekj Gott siene Jemeent vefoljd un proowd to nuscht to moaken. 14Ekj jinkj em Judentum wieda aus väle aundre en miene Tiet, soo strenjd ekj mie aun miene Vodasch äa Jesaz to hoolen. #Apost 23,6; 26,5
15Oba aus däm, dee mie derch siene Jnod to waut besondret beroopen haud ea ekj jebuaren wort, #Jer 1,5; Reema 1,1 16daut jefaulen deed, mie sienen Sän to openboaren, daut ekj von am mank de Velkja prädjen sull, jinkj ekj nich ieescht met Menschen räden. 17Ekj jinkj uk nich no Jerusalem no dee, dee aul ea Apostel wieren aus ekj. Ekj jinkj no Arabien un kjeem wada trigj no Damaskus.
18Dan om dree Joa reisd ekj no Jerusalem, Petrus to besieekjen, un wia feftieen Doag met am toop. #Joh 1,42; Apost 9,26-27 19Oba ekj hab von de aundre Apostel kjeenem jeseenen buta Jakobus, dän Harn sienen Brooda. #Mat 13,55 20Un waut ekj junt hia ver Gott schriew, sent nich Läajes! 21Doaropp reisd ekj dan no Sierien un Zilizien. #Apost 9,30 22Un Christus siene Jemeenten en Judäa kjanden mie don noch nich. 23Dee hauden daut bloos sajen hieet, daut dee, dee an ieescht vefolcht haud, prädijd nu dän Gloowen, dän hee ieescht haud prooft to vestieren. 24Un see lowden Gott, daut et met mie soo jeworden wia.

Currently Selected:

Galata 1: PB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy