Jer 28
28
Mya ax tmaju' sanjelal Ananiy
1Tojtzun tjwe'yi'n xjaw texju' tkyaji'n ab'q'i nkawin Sedekyiy toj Juda, xitma'n sanjelal Ananiy tk'wal Asur, aj Kab'aon, te Jeremiy toj tja Dyos kywitzku' pale ex kywitz tkyaqilju' tnam, ikjalu: 2—Matma Qman Dyos nimtipumal ikjalu: k'el nlaqu'n weye' iqtz tu'n nimaqkawil aj B'ab'ilon, 3ex knb'incha'ye' toj kab'e' ab'q'itl tu'n kyanjtza q'i'ntlju' ti'xti' toju' ja te k'u'lb'il eb'ajx tiq'i'n Nab'ukodonosor toj B'ab'ilon. 4Ex knb'incha'ye' tu'n kyanjtz q'i'ntl Jekoniy tk'wal Joakyin, nimaqkawil toj Juda, kyuk'i'l kykyaqilju' txqantl xjal eb'je'xq'i'n toj Juda ex eb'ajxq'i'n B'ab'ilon. K'el nxitu'nwe' iqtz nkub' tq'o'n nimaqkawil aj B'ab'ilon. Ayine' Dyos Manb'aj nchin yolin, chi Dyos, chij.
5Xitzun ttzaq'we'n Jeremiy, t-sanjelal Dyos, te sanjelal Ananiy, kywitzju' pale ex kywitz tkyaqilju' tnam ate'toq toj tja Dyos, ikjalu:
6—¡B'a'n, qama tb'incha Qman Dyos ikju'! ¡Naqwit tb'incha Qman Dyos tu'n kyjapunju' yol xtmaya, tu'n tanjtzkyi'ju' ajb'eb'l toj tja Dyos ex tu'n tanjtzkyi'j kykyaqilju' b'ajxni q'i'nqe'!. 7Qaja' b'inkutzu'na kxel nma'ne' teya ex kye kykyaqil ja'lo: 8Kymanakye' t-sanjelal Dyos eb'aj ten ojtxi' na'mxtoq witz'jiye' tuk'i'la, tqanil q'oj, b'is ex tx'u'j yab'il kyi'j nimaqtnam ex nimaqkawb'il nim kyipumal. 9Qatzun matma jun Sanjelal qa b'a'n ktenb'ela'ju' tnam, o'kx qama japunju' ntma'n k'elela' tnik'tzil qa chq'o'nxi'x tu'n Qman Dyos, chi Jeremiy.
10Eltzun tiq'i'n Ananiy kyiqb'il wakx ti'j tqul Jeremiy ex b'aj ttoqi'n toj piẍi'n, 11axtzun kmoju' xitma'n kye kykyaqilju' ate'toq ikjalu:
—A xtma Qman Dyos kjalu: Ikytzu'n k'elela' wiq'i'ne' iqtz, nkub' tq'o'n nimaqkawil Nab'ukodonosor aj B'ab'ilon, toj kab'e' ab'q'itl ti'j kyqul kykyaqil nimaqtnam, ex k'elel nxitu'ne', chi Dyos, chij.
Ajntzun Jeremiy. 12Tb'ajlenxi'tzun jte' q'ij telen tiq'i'n Ananiy iqb'il ti'j tqul Jeremiy ex kub' ttoqi'n, tzaj yolin Qman Dyos te Jeremiy ex tma: 13Q'ma'ka te Ananiy qa ayine' nchin q'mante ijalu: B'aj ttoqi'na jun kyiqb'il wakx tze toj piẍi'n, atzunwe' matxi' kub' nnab'e'ne' jun tiqb'ila k'uxb'il. 14Qu'n ayine' Dyos Manb'aj nchin q'mante: Matxi' kub' nq'o'ne' jun kyiqb'il wakx k'uxb'il ti'j kyqul kykyaqilju' nimaqtnam lu, tu'n kyajb'en te k'a'yi'nmajin te nimaqkawil Nab'ukodonosor aj B'ab'ilon. Exqepe' tojk'ul txkup matxi' che kub' nq'o'ne' tjaq' tkawb'il, chi Qman Dyos.
15Xitzun tma'n Jeremiy te Ananiy kjalu:
¡B'intzpe'ya Ananiy! Myana' chq'o'nta tu'n Qman Dyos, ex naq toka q'uqb'alte kyk'u'ju' xjal tu'n chajyolil. 16Qu'mtzun ntma'n Qman Dyos kjalu: Kxel nchq'o'nta, qaja' tu'n tkub' naja twitzu' tx'otx'. Kkyimela toju' ab'q'i lu, qu'n mache okmiltz'uju' xjal wi'je' tu'na kyu'n tyola, chi Dyos.
17Kyimtzu'n sanjelal Ananiy toj twuqi'n xjaw texju' ab'q'i lu.
Currently Selected:
Jer 28: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999