2 Jn 1
1
1Ayine' tijwnaq kyxol okslal, nxi' nq'olb'e'na wanab' sk'o'na tu'n Dyos, ex nche'x nq'olb'e'ne' tala. Nxi'x che nk'u'jla'ne', ex mya o'qinkxe' nchin k'u'jlankyeye', ex ikx kykyaqilju' matxi' tz'el kynik' teju' ax. 2Nche nk'u'jla'ne' tu'nju' ax ati toj qanmi, ex ktenb'el quk'i'l kukxju'. 3Awt Qman Dyos ex Jesukrist ju' Tk'wal, che tzaj q'onte xtalb'il kyib'aje', ex nak'b'il, tzajxwit q'aq'an kyk'u'j kyi'je' tu'n kytene' toju' ax ex tk'u'jlalil.
Tu'n tten qk'u'jlalil axxi'x
4Nxi'x chin tzalaje' tu'nju' mache wile' junjun tala nche anq'in toju' ax, kse'nx tchaq' Qman Dyos qe. 5Atzu'n ja'lo nxi' nkub'sa'ne' teya wanab', mya inwt xintz'ib'a'n jun ak'a'j chaq'b'ile' teya, axte' oje qk'am t-xe tnejel, tu'n qk'u'jlante qib' qxolilex. 6Ate tk'u'jlalilju' qa nche qanq'i'n tchaq'b'il Dyos, ex a chaq'b'ilju' kse'nx oje kyb'iye' ttzajlenx tnejel, tu'n kyanq'ine' toj tk'u'jlalil.
Aye' sb'ul
7Nim sb'ul nche b'et ja'lo, nkyma'n qa min ul te Jesukrist ikyxi'x se'n xjal. Aju' inq'mante ikyju', sb'ulte' ex ajq'oj ti'j Krist. 8Kyka'yinx kyib'e' tu'n lalun kub' naju' qaq'unb'en, tu'n kyk'monteye' tkyaqil twitzlalil.
9Alkyexku' min nkyajten toju' xnaq'tzb'il taq' Krist, mixti' Dyos tuk'i'l; alkyetzunte inten toju' xnaq'tzb'il tu'n Qajaw, ati Qman Dyos tuk'i'lju' Tk'wal kyuk'i'l. 10Qama pon jun ka'yilkyeye' ex myaju' xnaq'tzb'il tu'n Qajaw qi'n tu'n, lalun kyk'ame' toj kyjaye' expe' lalun txi' kyq'olb'e'ne'; 11qu'n alkye matxi q'olb'ente, ajunte toju' myab'a'n nkyb'incha'n.
Yol te b'ajsb'il
12Nimwe' nyol kyeye, naq aju' lay txi ntz'ib'a'ne'. Wajb'ile' tu'n nxi'ku'ye' yolil kyuk'i'le', tu'ntzun qtzalajxi'x.
13Nxi' q'olb'e'na kyu'n talju' ttzika mo titz'ina, ju' ex sk'o'n tu'n Dyos.
Currently Selected:
2 Jn 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999