ISAIAS 44
44
Jaunak bedeinkazioa agindu herriari
1Hau dio Jaunak:
«Entzun orain, Israel,
Jakoben herri,
nire zerbitzari, nik aukeratu horrek.#nire zerbitzari 41,8+.
2Neu naiz Jauna, zure egilea,
amaren sabelean eratu zintuena,
zure laguntzailea.
Ez izan beldur, Jakoben herri,
ene zerbitzari,
Jexurun#44,2 Jexurun: Herriari ematen zaion titulu honen esanahia ez da segurua (ik. Dt 32,15 oh.). Agian, zuzen hitzarekin lotua dago, Jaunak herriari ematen dion zuzentasuna adieraziz., ene aukeratu hori,#amaren sabeletik 44,24; 46,3; 49,1.5; Jr 1,5. Ez izan beldur 41,14+; Jr 30,10.
3ura isuriko baitut lur egarrituan,
ur-lasterrak sortuko landa lehorrean.
Neure espiritua isuriko diet
zure ondorengoei,
neure bedeinkazioa
zure seme-alabei.#Neure espiritua isuriko 42,1+; Ez 39,29+; Jn 7,38-39.
4Belardia bezala haziko dira,
ibai ondoko sahatsa bezala.#ibai ondoko sahatsa Jr 17,8; Sal 1,3.
5“Jaunarena naiz” esango du batak,
Jakob izena hartuko besteak;
beste batek
“Jaunarena” idatzi besoan
eta Israel izena hartuko
ohoragarritzat».
Idoloei desafioa
6Hau dio Jaunak,
Israelen errege eta askatzaileak,
Jaun ahalguztidunak:
«Neu naiz lehena eta azkena;
ez da ni beste jainkorik.#Israelen errege 43,15+. lehena eta azkena 41,4+. ez beste jainkorik 43,10+.
7Nor ni bezalakorik? Mintza bedi,
iragarri eta azal biezat historia,
aspaldian gizateria
ezarri nuenetik honakoa#44,7 Tx.eko testua aski nahasia da eta itzulpena ez erabat segurua..#iragar biezat historia 41,22+.
8Ez ikaratu, ez beldurtu!
Ez ote nizuen aspalditik
iragarri eta adierazi?
Zeuek zaituztet lekuko:
Ba ote da ni beste jainkorik?
Ez dut ezagutzen beste harkaitzik,
euskarri izan dezakezuenik».#Zeuek lekuko 43,10.12. harkaitza 17,10; 26,4+.
Idolatriaren aurka
9Idolo-moldeatzaileak
hutsa dira denak,
hain estimatuak dituzten irudiak
ezertarako ez.
Horien gurtzaileak
itsu eta burugabe;
horregatik, lotsagarri geldituko dira.#Idolo-moldeatzaileak 40,19+.
10Nork moldeatzen du irudia
eta idoloa urtzen,
probetxurik espero ezean?
11Idolozaleak, ordea,
lotsagarri gertatuko,
gizaki huts baitira egileak.
Bil bitez, aurkeztu denak:
ikaraz eta lotsaz
geldituko dira bat-batean.
12Errementariak burdin puska hartu#44,12 burdin puska hartu: Jatorrizko testua iluna da. eta, txingarretan goriturik, mailuka moldeatzen du, beso indartsuz lantzen. Baina gose baldin bada, indarrak galtzen ditu, eta edaten ez badu, leher egiten.
13Zurginak, berriz, erregelaz neurtu, arkatzez eta konpasez marraztu eta gubiaz lantzen du eta, giza gorpuzkera eta edertasuna emanik, tenpluan kokatzen. 14Aurrez, zedro bat botatzen du, edo arte nahiz haritzen bat aukeratzen; zuhaitzok basoko besteen artean egiten dira mardul. Edo lizarren bat landatzen du, eta hazi egiten da euriarekin. 15Jendeak su-egurretarako erabili ohi ditu: nahiz su egin eta berotzeko, nahiz ogia erretzeko. Baina berak jainko-irudi bat egiteko erabiltzen du. Eta gurtu egiten, ahuspezturik.
16Egurraren erdiarekin sua egiten du, eta gainean okela erre eta asetzeraino jaten. Ondoren, su ondoan berotzen da eta esaten: «Ederki! Bero-bero nago! A zer lamada!» 17Beste erdiarekin, berriz, jainko-irudi bat egiten du eta aurrean ahuspezturik gurtzen. Eta otoitz egiten dio, esanez: «Salba nazazu, zu baitzaitut jainko!»#otoitz egiten dio 45,20; Jkd 13,17-19.
18Ez dute ulertzen, ez bereizten; begiak itsu dituzte eta ezin ikusi, burua ere ilun eta ezin konprenitu. 19Ez dute gogoeta egiten, ez dute zentzurik, ez ulermenik, esateko: «Egurraren erdia sutara bota dut, ogia eta okela txingarretan erre eta jan egin dut. Eta gainerakoarekin, jainko-irudi higuingarria egin? Egur-puska baten aurrean ahuspeztu?»#ez dute ulermenik Erm 1,21-23. 20Errautsez janaritzen da, gezurrezko burutapen zoroek okerbidetik daramate; idoloak ez du salbatuko, baina ez du, hala ere, aitortuko gezur huts dela eskuetan duena.
Askapena gogora ekarri eta goratu
21«Israel, Jakoben herri horrek,
gogoan izan nire zerbitzari zarela.
Nik eratu zaitut,
eta nire zerbitzari zara.
Israel, ez zaitut ahaztuko.#ez zaitut ahaztuko 49,14-16.
22Lainoa bezala suntsitu ditut
zure errebeldiak,
gandua bezala zure bekatuak.
Itzul niregana,
askatu egin baitzaitut».#errebeldiak suntsitu 43,25. Itzul niregana Jr 31,18+; Nk 5,21.
23Egin poz-oihu, zeruok,
Jaunak ekin baitio!
Egin irrintzi, lurreko barrunbeok!
Ekin poz-oihuka, mendi eta baso,
zuhaitz guztiekin batera!
Askatu egin du Jaunak Israel,
Jakoben herria,
bere ospea agertuz horrela.#Egin poz-oihu 49,13; 55,12. Ik. 42,10-12.
Jauna, munduaren kreatzaile, historiaren Jaun
24Hau dio Jaunak, zure askatzaileak,
amaren sabelean eratu zintuenak:
«Neu naiz Jauna,
gauza guztien egilea;
bakar-bakarrik
hedatu nuen zerua,
inoren laguntzarik gabe
finkatu lurra.#amaren sabelean eratu 44,2+. gauza guztien egilea 40,21; 45,12.18; 48,13; 51,13.
25Huts eragiten diet aztien zantzuei,
zentzugabe bihurtzen igarleak;
jakintsuak hankaz gora botatzen
eta haien zientzia
zorakeria bilakarazten.#zientzia zorakeria 1 Ko 1,20.
26Baina neure zerbitzarien hitza
betearazten dut,
neure mezularien egitasmoa
gauzatzen.
Jerusalemi diotsot:
“Berriro izango dituzu bizilagunak”,
eta Judako hiriei:
“Berriz eraikiko zaituztete”.
Neuk jasoko ditut
bertako horma eroriak.
27Itsaso zabalari diotsot:
“Lehor zaitez;
neuk agortuko ditut
zure korronteak”;
28eta Zirori#44,28 Ziro: Bere izenez lehen aldiz aipatzen da pertsiar erregea, Jaunak bere salbamen-asmoa burutzeko aukeraturiko tresna (ik. 41,2.25 oh.ak; 45,1).:
“Zu zara nire artzaina,
nik nahi guztia burutuko duzu”.
Jerusalemi diotsot:
“Berriz eraikiko zaituzte”,
eta tenpluari:
“Oinarri berriak jarriko dizkizute”».#Ziro 45,1+. nire artzaina Ik. 40,11+; Jn 10,1-18. nik nahi guztia burutuko 46,10-11; 48,14-15. Ik. 53,10.
Currently Selected:
ISAIAS 44: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso