YouVersion Logo
Search Icon

Jo Ibru 1

1
Lubaŋa oloko kwedwa i Wode
1Yam con Lubaŋa oloko ki kwarowa i dul lok mapol dok i yo mapatpat, kun loko ki i dog lunebi; 2ento i kare man ma lacen-ni en doŋ oloko kwedwa i Wode. Jami ducu ma tye, Lubaŋa ceŋ otiyogi pi twer pa Wode, ma en oyubo ni myero obed won jami ducu. 3En dero me deyo pa Lubaŋa, cal pa Lubaŋa kikome tye i kome, dok en bene ma tiŋo jami ducu ma tye, ki teko me lokke. Ma doŋ en otyeko tic me lwoko bal, en obedo piny i kabedo me deyo tuŋ acuc i ŋet Won Deyo Madwoŋ ma tye malo i polo, 4kun doŋ en odoko ladit mada makato lumalaika ducu, ma rom aroma ki kit ma nyiŋ ma gimiye ber matek makato megi woko.
Wod pa Lubaŋa dit kato lumalaika ducu
5 # Jab 2.7; 2 Cam 7.14; 1 Tek 17.13 Lubaŋa yam koŋ owaco ki lamalaika mo ni,
“In i Woda,
tin doŋ anywali”?
Nyo dok ni,
“An abibedo Wonne,
en bibedo Woda”?
6 # Nwo 32.43 Dok bene i kare ma okelo latin kayo
i lobo en owaco ni,
“Lumalaika pa Lubaŋa ducu myero
guwore.”
7 # Jab 104.4 I kom lumalaika, Lubaŋa oloko ni,
“En loko lumalaikane doko yamo,
luticce en loko doko leb mac.” 8#Jab 45.6, 7 Ento i kom Wode en oloko ni,
“Komkerri, in Lubaŋa, biri nakanaka,
odoo kerri en odoo me ŋolo kop
atir.
9In imaro kit ma atir, cwinyi dag
tim marac;
pi meno Lubaŋa, ma en Lubaŋani,
owiri ki moo,
moo me yomcwiny madwoŋ,
makato luwoti ducu.”
10 # Jab 102.25-27 En dok oloko ni,
“In Rwot wiati iketo guti me lobo,
polo bene en tic me ciŋi.
11Gin birwenyo woko oyot, ento in
iri nakanaka;
gin ducu gibiti macalo boŋo,
12ibidologi woko macalo ibano koti,
gibilokogi macalo ginaruka.
Ento in ibedo ma kiti tye acel,
mwakani pe bigik.”
13 # Jab 110.1 Lubaŋa yam owaco ki lamalaika mo ni,
“Bed i ŋeta tuŋ acuc i kabedo me deyo,
nio ka abimiyo lukworri gidoko kom
laten tyeni?”
14Lumalaika kono dok gubedo aŋagi? Gin ducu gubedo cwiny mogo ma tiyo tic pa Lubaŋa; en orogi ka konyo jo ma binoŋo larre.

Currently Selected:

Jo Ibru 1: Aco85

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy