رِسَالَةْ أَفَسُسْ 1
1
الْفَصْلْ اللّْوّْلْ
السّْلَامْ
1مْنْ بُولُسْ، رَسُولْ الْمَسِيحْ يَسُوعْ بْمُرَادْ اللَّهْ، لْلنَّاسْ الْمْقَدّْسِينْ اللِّي فْأَفَسُسْ، وْالْمُومْنِينْ بْالْمَسِيحْ يَسُوعْ.#الاعمال 18:19-21؛ 19:1 2النِّعْمَة وْالْهْنَا مْنْ اللَّهْ بَّانَا وْالرَّبّْ يَسُوعْ الْمَسِيحْ لِيكُمْ.
الْبَرَكَاتْ الرُّوحِيَّة فْالْمَسِيحْ
3يْتْبَارْكْ اللَّهْ بُو رَبّْنَا يَسُوعْ الْمَسِيحْ، اللِّي بَارْكْنَا فْالْمَسِيحْ بْݣَاعْ الْبَرَكَاتْ الرُّوحِيَّة مْنْ السّْمَا. 4كِمَا خْتَارْنَا فْالْمَسِيحْ قْبَلْ مَا تّْخْلَقْ الدّْنْيَا بَاشْ نْكُونُو مْقَدّْسِينْ وْبْلَا عِيبْ قُدَّامُه فْالْمْحَبَّة، 5وْحْسَبْنَا مْنْ قْبَلْ وْلَادُه بْيَسُوعْ الْمَسِيحْ، بْالْفَرْحَة كِيفْ بْغَا هُوَ. 6عْلَى هَادْشِّي خَاصّْنَا نْسَبّْحُوهْ عْلَى الْعَزّْ دْ النِّعْمَة دْيَالُه الْكْبِيرَة اللِّي نْعَمْ عْلِينَا بِيهَا بْوَلْدُه الْعْزِيزْ. 7اللِّي بْالدّْمْ دْيَالُه تّْفْدِينَا، وْتّْغَفْرُو دْنُوبْنَا عْلَى حْسَابْ النِّعْمَة دْ اللَّهْ الْكْتِيرَة،#كولوسي 1:14 8اللِّي عْطَاهَا لِينَا بْلَا قْيَاسْ بْكُلّْ حْكْمَة وْفْهَامَة. 9وْخْلَّانَا نْعَرْفُو السِّرّْ دْيَالْ الْمُرَادْ دْيَالُه، اللِّي بْالْفَرْحَة وَجّْدُه مْنْ قْبَلْ فْالْمَسِيحْ، 10بَاشْ يْكَمّْلُه فْاللّْخْرْ دْ الزّْمَانْ، وْيْجْمَعْ ݣَاعْ دَاكْشِّي اللِّي فْالسّْمَا وْاللِّي فْالْأَرْضْ عْلَى يْدّْ الْمَسِيحْ. 11اللِّي بِيهْ خْدِينَا حَقّْنَا اللِّي وَجّْدُه اللَّهْ مْنْ قْبَلْ عْلَى حْسَابْ الْخُطَّة دْيَالُه، وْرَاهْ كَيْدِيرْ كُلّْشِي كِيفْ بْغَا هُوَ، عْلَى حْسَابْ الْمُرَادْ دْيَالُه، 12بَاشْ نْسَبّْحُوهْ عْلَى الْعَزّْ دْيَالُه، حْنَا#1:12 حْنَا: يَعْنِي لِيهُودْ اللِّي سْبَقْ وْدْرْنَا رْجَانَا فْالْمَسِيحْ. 13وْرَاهْ فِيهْ حْتَّى نْتُمَ دْرْتُو رْجَاكُمْ مْلِّي سْمَعْتُو كْلَامْ الْحَقّْ، اللِّي هُوَ الْإِنْجِيلْ دْ النّْجَا دْيَالْكُمْ، وْمْلِّي آمْنْتُو بِيهْ تّْرْشَمْتُو بْالرُّوحْ الْقُدُسْ اللِّي وَاعْدْ بِيهْ. 14وْهَادْ الرُّوحْ هُوَ الْعَرْبُونْ دْ الْوَرْتْ دْيَالْنَا، حْتَّى يْفْدِي اللَّهْ الشَّعْبْ دْيَالُه بَاشْ نْسَبّْحُوهْ عْلَى الْعَزّْ دْيَالُه.
الصّْلَاة دْيَالْ بُولُسْ
15عْلَى هَادْشِّي، مْلِّي سْمَعْتْ عْلَى إِيمَانْكُمْ بْالرَّبّْ يَسُوعْ، وْالْمْحَبَّة دْيَالْكُمْ لْݣَاعْ الْمُومْنِينْ الْمْقَدّْسِينْ، 16وْأَنَا بَاقِي كَنْشْكَرْ اللَّهْ عْلَى وْدّْكُمْ وْكَنْتّْفَكّْرْكُمْ فْالصّْلَاة دْيَالِي، 17بَاشْ إِلَاهْ رَبّْنَا يَسُوعْ الْمَسِيحْ مُولْ الْعَزّْ، يْعْطِيكُمْ رُوحْ الْحْكْمَة اللِّي غَيْبَيّْنُه لِيكُمْ بَاشْ تْعَرْفُوهْ مْزْيَانْ، 18وْيْنَوّْرْ لِيكُمْ عْقَلْكُمْ بَاشْ تْعَرْفُو أَشْنُو هُوَ الرّْجَا اللِّي عَيّْطْ لِيكُمْ لِيهْ، وْتْعَرْفُو شْحَالْ كْتِيرْ الْغِنَى دْيَالْ الْعَزّْ دْ الْوَرْتْ دْيَالُه مْعَ الْمُومْنِينْ الْمْقَدّْسِينْ، 19وْشْحَالْ كْبِيرَة الْقُوَّة دْيَالُه لِينَا حْنَا الْمُومْنِينْ، وْهِيَ نَفْسْ الْقُوَّة الْكْبِيرَة، 20اللِّي بِيهَا بْعَتْ الْمَسِيحْ مْنْ الْمُوتْ وْݣَلّْسُه عْلَى لِيمْنْ دْيَالُه فْالسّْمَا، 21فُوقْ ݣَاعْ الرُّؤَسَا وْالسُّلُطَاتْ وْالْقُوَّاتْ وْالْمْسْؤُولِينْ، وْفُوقْ كُلّْ إِسْمْ مْعْرُوفْ، مَاشِي غِيرْ فْهَادْ الزّْمَانْ وَلَكِنْ حْتَّى فْالزّْمَانْ اللِّي جَايْ. 22وْرَاهْ اللَّهْ دَارْ كُلّْشِي تَحْتْ رْجْلِينْ الْمَسِيحْ، وْخْلَّاهْ يْكُونْ رَئِيسْ عْلَى كُلّْشِي فْالْكْنِيسَة#كولوسي 1:18 23اللِّي هِيَ الدَّاتْ دْيَالُه، وْرَاهَا كَامْلَة بْالْمَسِيحْ اللِّي كَيْكَمّْلْ كُلّْشِي.
Currently Selected:
رِسَالَةْ أَفَسُسْ 1: MSTD
Highlight
Share
Copy
Want to have your highlights saved across all your devices? Sign up or sign in
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved