ŊAƁTA 1
1
ƊEKKA TA LAWNA VUL MI SA ISRAYELLA HAY SINAY
Ŋaɓta vi sa Israyella hay fulda vi Sinay
1Ma-Vatɗina di tam Musus hay fulda vi Sinay, hay guɗuk ma fi-tuwna, hay buurta jewta vi til ma ma'na, hay busata ma'ta bugol kalta visi ay goy hay Egipte. 2Nam di'e: Nigi ma li ŋaɓta vi vokŋa vi gurona vi Israyel kafe, kuɗ vuɗna visiya visiya, kuɗ ziyna vi sumaysiya, ŋaɓ semda vi sa jufayn goy kisi kafe. 3Tun caw tam busat dok-ma' ta-ta kulo kalam ɗaw, sum sa Israyel kaf sa asay kay ziy sle ma duura; naŋu hiɗi Aaron nigi ma li ŋaɓta visi kuɗ vokŋa visiya visiya. 4Vuɗn kaf nigi ma tap sa ma ŋolla valam kuɗgi kep kep. Sa ma ŋol kuɗ jafna vi bulumna. 5Kayni mi semda vi sum sa tap hiɗi nigin ɗawni: Hay jafna vi Ruben: Elisur, goora vi Sedewur,
6hay jafna vi Simeyon: Selumiyel, goora vi Suriskaday;
7hay jafna vi Yuda: Nahson, goora vi Aminadab;
8hay jafna vi Isakar: Netaneel goora vi Suwar:
9Hay jafna vi Zabulon: Eliyab, goora vi Helon;
10hay jafna vi gurona vi Yosef, hiɗi gurona vi Efrayim: Elisama, goora vi Amihud; hay jafna vi Manase: Gamliyel, goora vi Pedatsur;
11hay jafna vi Benyamin: Abidan, goora vi Gidewni,
12hay jafna vi Dan: Ahiyezer, goora vi Amiskaday;
13hay jafna vi Aser: Pagiyel, goora vi Okran;
14hay jafna vi Gad: Eliyasaf, goora vi Rewel;
15hay jafna vi Neftali: Ahira, goora vi Enan.
16Kayni si sum sa fi yit hay tokŋa, nisi si sa ŋulona hay jafna vi sumaysiya, si sa ŋulona vi vok-ma-duura vi Israyel kaw. 17Sum nisina sa sesi yiy goyn kayni, Musus hiɗi Aaron yawsiya, 18hay buurta jewta vi til ma ma'n kayni, nisi yi sumun kaf, nisi ɗosi sesi gaa'a kuɗ jafna visiya visiya, kuɗ ziyna vi sumaysi kaf, nisi yisi sesi goy kisi kaf, tun caw tam sa busat dok-ma'na ta-ta kulo kalam ɗaw. 19Musus li ŋaɓta visiya hay fulda vi Sinay, ki Ma-Vatɗina vulum hagat nala.
20Ruben goora vi Israyel ma vuɗi jewna nisi ɗo sem gurona valam gaa'a, kuɗ ziyna visiya visiya, kuɗ jafna vi sumaysiya, sum sa jufayna nisi ŋaɓsi goy kafe, tun caw tam busat dok-ma' ta-ta kulo kalam ɗaw, kayn di ala nisi kaf sa nagay kay ziy sle ma duura. 21Sum sa hay jafna vi Ruben sa nisi li ŋaɓta visi goyna co noŋ pet birim dok-fiɗi yam karkiya hiɗi diram kis-vasl.
22Nisi ɗo sem gurona vi Simeyon gaa'a, kuɗ ziyna visiya visiya, kuɗ jafna vi sumaysiya, nisi ŋaɓsi goyo, sum sa jufayna tun caw tam busat dok-ma' ta-ta kulo kalam ɗaw, sa asay kay ziy sle ma duur kaf nisi ŋaɓsi goyo: 23Sumuna vi jafna vi Simeyon sa nisi ŋaɓsi goyna nisi noŋ pet birim dok-vasl yam zleeŋe hiɗi diram kis-ɦidi.
24Nisi ɗo sem gurona vi Gad gaa'a, kuɗ ziyna visiya visiya, kuɗ jafna vi sumaysiya, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala sa asay kay ziy sle ma duura kafe. 25Sum sa hay jafna vi Gad sa nisi ŋaɓsi goyna nisi co noŋ pet birim dok-fiɗi yam vasl hiɗi diram kis-karkiya kalam dok-vasl.
26Nisi ɗo sem gurona vi Yuda gaa'a, kuɗ ziyna visiya visiya, kuɗ jafna vi sumaysiya, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala sa nagay kay ziy sle ma duura kafe: 27Sumuna vi jafna vi Yuda sa nisi ŋaɓsi goyna nisi noŋ pet birim dok-siɗiya yam fiɗi hiɗi diram kis-karkiya.
28Nisi ɗo sem gurona vi Isakar gaa'a, kuɗ ziyna visiya visiya, kuɗ jafna vi sumaysiya, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala sum sa asay kay ziy sle ma duura. 29Sum sa hay jafna vi Isakar sa nisi li ŋaɓta visi goyna co noŋ pet birim dok-vasl yam fiɗi hiɗi kis-fiɗi.
30Nisi ɗo sem gurona vi Zabulon gaa'a kuɗ ziyna visiya visiya, kuɗ jafna vi sumaysi kafe, nisi ŋaɓ semda visi goyo, tun caw tam busat dok-ma' ta-ta kulo vok ɗaw, kayn di ala sum sa asay kay ziy sle ma duura: 31sum sa hay jafna vi Zabulon sa nisi ŋaɓsi goyn co pet birim dok-vasl yam siɗiya hiɗi diram kis-fiɗi.
32Gurona vi Yosef hiɗi gurona vi Efrayim nam ɗosi sesi gaa'a, kuɗ ziyna visiya visiya, kuɗ farana visi kaf, kuɗ jafna vi sumaysi kaf, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala nisi sa nagay kay ziy sle ma duur kafe. 33Sum sa hay jafna vi Efrayim sa nisi li ŋaɓta visi goyna co noŋ pet birim dok-fiɗi hiɗi diram kis-vasl.
34Nisi ɗo sem gurona vi Manase gaa'a, kuɗ ziyna visiya visiya, kuɗ farana visiya visiya, kuɗ jafna vi sumaysi kaf, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala sum sa nagay kay ziy sle ma duura kafe: 35Sum sa hay jafna vi Manase sa nisi li ŋaɓta visi goyna nisi co noŋ pet birim dok-ɦidi yam ma' hiɗi kis-ma'.
36Nisi li ŋaɓta vi gurona vi Benyamin goyo, kuɗ farana visiya visiya, kuɗ jafna vi sumaysi kaf, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala nisi kaf sa nagay kay ziy sle ma duura: 37Sum sa hay jafna vi Benyamin sa nisi li ŋaɓta visi goyna co noŋ pet birim dok-ɦidi yam vasl hiɗi diram kis-fiɗi.
38Nisi ɗo sem gurona vi Dan gaa'a, kuɗ farana visiya visiya, kuɗ jafna vi sumaysi kaf, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala nisi sa asay kay ziy sle ma duur kaf. 39Sum sa hay jafna vi Dan sa nisi li ŋaɓta visi goyna co noŋ pet birim dok-karkiya yam ma' hiɗi diram kis-siɗiya.
40Nisi ɗo sem gurona vi Aser gaa'a, kuɗ ziyna visiya visiya, farana visiya visiya, kuɗ jafna vi sumaysi kaf, nisi ŋaɓ semda visi goyo, tun caw tam busat dok-ma' ta-ta kulo kalam ɗaw, kayn di ala sum sa asay kay ziy sle ma duur kafe: 41Sum sa hay jafna vi Aser sa nisi li ŋaɓta visi goyna co noŋ pet birim dok-fiɗi yam kep hiɗi diram kis-vasl.
42Nisi ɗo sem gurona vi Neftali gaa'a, kuɗ ziyna visi kaf, kuɗ farana visi kaf, kuɗ jafna vi sumaysi kaf, nisi li ŋaɓta visi goyo, tun caw tam busat dok-ma' ta-ta kulo kalam ɗaw, kayn di ala sum sa nagay kay ziy sle ma duur kafe: 43Sum sa hay jafna vi Neftali sa nisi li ŋaɓta visi goyna co noŋ pet ir birim dok-vasl yam ɦidi hiɗi diram kis-fiɗi.
44Nisi kayni si sum sa Musus hiɗi Aaron li ŋaɓta visi goyna: Tapay hiɗi sa ŋulona vi Israyel sa doogo yam ma'na, sa ay sliy vun ziyna vi sumaysi kep kepna. 45Gurona vi Israyel sa nisi li ŋaɓta visi goyo kuɗ ziyna vi sumaysi kaf, tun caw tam busat dok-ma' ta-ta kulo kalam ɗaw, nisi sa jar Israyella sa nagay kay ziy sle ma duura, 46sa nisi ŋaɓsi goyn kaf nisi co noŋ pet birim kis-karkiya hiɗi diram ɦidi, hiɗi diram kis-vasl kalam dok-vasl.
Gatta kay sum sa Levitna
47Sum sa Levitna, kuɗ jafna vi sumaysiya, nisi may kalsi kulo hay ŋaɓtaɗi.
48Ma-Vatɗin ka di tam Musus ala: 49Naŋ ma li ŋaɓta kay jafna vi Levi noŋɗi, naŋ ma ŋaɓsi sesi kulo jar gurona vi Israyel noŋɗi. 50Tabernaklena vi di-goyta naŋ ma hinim ŋomda valam hay ɓam sa Levitna, jak ma hayamna hiɗi sle ma kuɗumna kaf. Nisi ma ziy tabernaklena hiɗi jak ma hayamna kaf, nisi ma li lop ma hayamna, nisi ma vi guɗukŋa visi kulo kat tabernaklen goboyo. 51Hay li ma nigi min joka, sum sa Levitna ma but tabernaklen gaa'a; hay li ma nigi lakawa hay liya, sum sa Levitna ma vi tabernaklen kulo'o; la sa ma pul#1:51 Sa ma pulla Tan kayni mi sa ma Israyella may nam may hay jafna vi sa Levitnɗi. coowa kulo talam goboyo, nam ma fi mitta. 52Gurona vi Israyel ma lak ɗawni, gigekaw goy hay faatana valamu valamu, gigekaw kuɗ drapona valamu valamu, kuɗ vokŋa valamu valamu kaw. 53May sum sa Levitna ma vi guɗukŋa visi kulo goboy tam tabernaklena vi di-goyta, kay a ɦiyda vanu ma co kay gurona vi Israyelɗi; sum sa Levitna ma ŋom tabernaklena vi di-goyt ɗawn si nisiya. 54Gurona vi Israyel hum kuɗ slen kaf ma Ma-Vatɗin dum mi Mususna.
Currently Selected:
ŊAƁTA 1: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001