YouVersion Logo
Search Icon

1 YOHANA 1

1
Yam-lawta
1Va ma ay hay cawa'ta tunita pa, va ma numa humi kalamu, va ma numa wum hiɗi irma'a kaw, va ma numa wum goy ŋaa'a, ɓuma tuni talamu kaw, kayni mi yoboyna vi irita, 2irita vul tuwa' goy haraŋi, numa wa'a, numa di goy ka'a, numa ka kus tigiya kay irita vatɗita, ta ay kat Bumna, ta vul tuwa' goy haraŋi. 3va ma numa wi'e humi kaw, numa dum goy tigi nigiya, kay nigi fi tap kepe hiɗi numa'a. May tapta-kepta vuma'a ka hiɗi bumna, hiɗi goora valamu Yesu Kristu kaw.#1:3 Ɗuw hay Yoh 1:1-14. 4Slen kayni numa ɗomu kay firita vuma'a fi li goy hay liya'a.
Lawna mi haraŋa, sulukŋa hiɗi vulda-gida
5Kayni mi labara ma numa humumi vunamna, ma numa'a di goy tigiya kaw, ala: Lawna mi haraŋa, jufunda may hayam noŋɗi. 6La nay di ala nay tapay kepe hiɗi namu, may poy hay jufunda ni, nay ka sini, li kuɗ gasitɗi kaw. 7May la nay poy hay haraŋa, ki nam kay tuwamu ka hay haraŋa nala, nay kaf jar-tuway ka tapay kulo kepe, busuwna vi Yesu goora valamu porayawa kay sulukŋa kafe kaw.
8La nay di ala sulukŋa vaya mayɗi, nay ɗut tuwaya, gasita may hayayɗi kaw. 9La nay ham sulukŋa vay goyo, nam gasiya, ɗigere kaw, nam as vulay gida kay sulukŋa vaya, nam as poray goyo kay bay-ɗigerta kaf. 10La nay di ala nay may li sulukɗi, nay muɗum nam goy sa ma sinda, yoboyna valamu may hayayɗi kaw.

Currently Selected:

1 YOHANA 1: Massana

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy