YouVersion Logo
Search Icon

Abdías 1

1
Edom nación sentenciasqa kasqanmanta
1 # Is 34.5-17; 63.1-6; Jer 49.7-22; Ez 25.12-14; 35.1-15; Am 1.11-12; Mal 1.2-5. Tayta Diosmi Edom nacionwan imatam ruwananmanta profeta Abdiasman visionpi kaynata nirqa:
Diosmanta hamuq willakuytam uyariruniku,
huk willakuqmi nacionkunaman kaynata willakunanpaq kachasqa:
¡Kay nacionpa contranpi
llapallanchik guerrapi hatarisun! nispa.
2Tayta Diosmi Edom nacionta kaynata nin:
Llapallan nacionkunamanta taksallatañam ruwasqayki,
hinaspaymi hatun penqayman churasqayki.
3Hatun tukuq kaynikim pantarachisunki,
qaqakunapa raqrankunapi yachasqaykiraykum
sonqoykipipas kaynataraq ninki:
“¿Pitaq kaymanta wichichiwanman?” nispayki.
4Ichaqa anka hinaña altoman hoqarikuruptikipas,
chaskakunapa chawpinpiña qesachakuruptikipas,
chaymantam wichichimusqayki,
Tayta Diosmi chaynata nin.
Edom nación purmachisqa kananmanta
5Suwakunaña tutan hamususpaykipas,
¿manachum paykunaqa munasqan kaqllata apanmanku?
Uvas pallaqkunaña yaykumususpaykipas
¿manachum asllatapas maskapakunapaq puchuykunmanku?
Qamtam ichaqa enemigoykikuna pasaypaqta tuñirachisunki.
6Pasaypaqtam #1.6 Esaú nispaqa “Edom nacionmantam” rimachkan.Esaupa kapuqninkunata suwarunku,
pakasqan kapuqninkunatapas maskachakurunkum.
7Hapipakusqayki kaqkunallam engañarusunki,
paykunallam allpaykimantapas qarqorusunki,
reqsinakusqaykikunallam contraykipi hatarirunku,
mikuqmasikikunallam wichinaykipaq toqllatapas churarunku.
Mana yachayniyuqmi Edom rikurirun.
8Tayta Diosmi kaynata nin: Chay punchawpim
Edompi yachayniyuq runakunata chinkachisaq,
Esaupa yachanan orqomantam
yachayniyuq runakunata chinkachisaq.
9Temán llaqtapi allinnin qari-qari soldadokunapas
manchakuymantam katkatatanqaku,
Esaupa orqonkunapi yachaqkunapas
pasaypaq tukusqam kanqaku.
Edom runakunapa huchanmanta
10Wawqeki Jacobpa mirayninkunata ñakarichisqaykimantam penqaypi kanki,
hinaspam pasaypaqta chinkanki.
11Jerusalenman enemigonkuna yaykuspa
tropankunata presochaspa apaptinpas
qamqa qawayllam qawakurqanki;
punkunta huklaw nacionkuna yaykuspan
Jerusalenta partenakunankupaq sorteaptinkupas
paykunamanraqmi sayapakurqanki.
12Amamiki wawqekipa ñakarisqan punchawpi
asipayawaqchu karqa,
amataqmi Judapa mirayninkuna tuñisqan punchawpi
kusikuwaqchu karqa,
nitaqmi paykunapa sasachakuynin punchawpi
burlakuwaqchu karqa.
13Amamiki llaqtaypa ñakarisqan punchawqa
punkunta yaykuwaqchu karqa,
amataqmi ñakariypi tarikusqan punchawqa
kusikuwaqchu karqa;
amataqmi tuñichisqa kasqan punchawqa
kapuqninkunatapas suwakuwaqchu karqa.
14Amamiki pallqaq ñankunapi ayqekuqkunata wañuchinaykipaq
suyawaqchu karqa,
sasachakuy punchawpi wañuymanta lluptiqkunatapas
amamiki enemigonkupa makinman qoykuwaqchu karqa.
Nacionkuna juzgasqa kananmanta
15Nacionkunata Tayta Diospa juzganan punchawmi hichpaykamuchkanña.
Edom, imaynam ruwasqaykiman hinam
qampas ruwasqa kanki,
imaynam ruwasqaykiman hinam
pagasqa kanki.
16Imaynam sapaqchakusqay orqopi llaqtay ñakarirqa,
chaynam llapa nacionkunapas mana samaykuspa ñakarinqaku,
ñakariyninkuta millpuypaq-millpuspam
pasaypaqta chinkarunqaku.
17Sión moqopim ichaqa asllapas salvakunqaraq
Sionqa ñoqapaq sapaqchasqam kanqa.
Jacobpa mirayninkunapas
yapamantam kapuqninkunata kutichikunqaku.
18Jacobpa mirayninkunam nina hina kanqaku,
Joseypa mirayninkunam lenwachkaq nina hina kanqaku,
hinaspam Esaupa mirayninkunata qopata hina ruparunqaku,
Esaupa mirayninkunaqa lliwmi wañunqaku,
Tayta Diosmi chaynata nin.
19Neguev lawpi yachaqkunam
Esaupa orqonkunapi munaychakunqaku,
Sefela lawpi yachaqkunañataqmi
Filistea nacionpi munaychakunqaku,
munaychakunqakutaqmi Efrainpa hinaspa Samariapa chakrankunapipas.
Benjaminpa mirayninkunapas Galaadpim munaychakunqaku.
20Israelpa mirayninkunamanta preso apasqa kaqkunapas,
Canaanpa allpankunamanta Sarepta llaqtakamam munaychakunqaku,
Jerusalenmanta Sefaradman preso apasqa kaqkunapas,
Neguev law llaqtakunapim munaychakunqaku.
21Llapallankum kusisqallaña Sión moqoman qespinqaku
hinaspam Esaupa orqonkunapi munaychakunqaku,
Tayta Diosñataqmi paykunapi munaychakunqa.

Currently Selected:

Abdías 1: RCHQ2

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy