Amós 1
1
Israelpa muyuriqninpi Nacionkunata Dios juzgananmanta
1 # 2 R 15.1-7; 2 Cr 26.1-23. # 2 R 14.23-29. Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta.
Amosmi nirqa:
2 #
Jl 3.16. Sión moqomantam Tayta Dios qaparimun,
Jerusalenmantam simin uyarikun,
Pastorkunapa michinan pastokunapas qawinankama,
Carmelo orqopa puntanpas chakinankama.
3 #
Is 17.1-3; Jer 49.23-27; Zac 9.1. Tayta Diosmi kaynata nin:
Damasco llaqtatam llumpa-llumpay
huchanmanta castigasaqpuni,
Galaadpi yachaqkunata
fierromanta trillanakunawan trillachkaq hina ñakarichisqankumanta.
4Hazaelpa wasintam kañaykusaq,
ninam rupanqa rey Ben-hadadpa palaciontapas.
5Damascopa punkunkunatam tuñirachisaq,
# 1.5 Hebreo simipi Bicat-aven ninanqa “mana allinkuna ruwana qechwa” ninanmi. Bicat-avenpi yachaqkunatawan,
# 1.5 Hebreo simipi Bet-eden ninanqa, “aycha kusichina wasi” ninanmi. Bet-edenpi kamachikuqkunatam chinkarachisaq.
Siria llaqtatam Kir llaqtaman presota apachisaq.
Tayta Diosmi chaynata nin.
6Tayta Diosmi kaynata nin:
Gaza llaqtapi yachaqkunatam
llumpa-llumpay huchankumanta castigasaqpuni.
Llaqtantin runakunata presocharuspa
Edom llaqtapi esclavopaq rantikusqankumanta.
7Gaza llaqtapa muyuriqninpi perqakunata
kañaykuptiymi palacionkunatapas rupanqa.
8 #
Is 14.29-31; Jer 47.1-7; Ez 25.15-17; Jl 3.4-8; Sof 2.4-7; Zac 9.5-7. Asdod llaqtapi yachaqkunatam chinkarachisaq,
Ascalón llaqtapi kamachikuqkunatam tukurusaq;
Lliw atiyniywanmi Ecrón llaqtata castigarusaq,
Filistea nacionpi puchuq runakunatam puchukarachisaq.
Tayta Diosmi chaynata nin.
9 #
Is 23.1-18; Ez 26.1—28.19; Jl 3.4-8; Zac 9.1-4; Mt 11.21-22; Lc 10.13-14. Tayta Diosmi kaynata nin:
Tiro llaqtapi yachaqkunatam
llumpa-llumpay huchankumanta castigasaqpuni.
Wawqentin hina kuyanakunankupaq contrato ruwasqankuta
qonqaykuspa llaqtantin runakunata
presochaspa Edonman apasqankumanta.
10Tiro llaqtapa muyuriqninpi perqankunata
kañaykuptiymi palacionkunatapas rupanqa.
11 #
Is 34.5-17; 63.1-6; Jer 49.7-22; Ez 25.12-14; 35.1-15; Abd 1-14; Mal 1.2-5. Tayta Diosmi kaynata nin:
Edom llaqtapi yachaqkunatam
Llumpa-llumpay huchankumanta castigasaqpuni.
Paykunam espada makintin mana llakipayarispa
ayllunku Israelta qatikacharqaku.
Piñakuyninkutapas mismirichispam
cheqnikuyninkutapas tukuy tiempo hatallirqaku.
12Temán llaqtata kañaykuptiymi Bosra llaqtapa
palaciokunatapas rupanqa.
13 #
Jer 49.1-6; Ez 21.28-32; 25.1-7; Sof 2.8-11. Tayta Diosmi kaynata nin:
Amón llaqtapi yachaqkunatam
llumpa-llumpay huchankumanta castigasaqpuni.
Paykunam allpankuta mirachiypi rispanku
Galaad lawpi wiksayuq warmikunapa
wiksallantapas kuchuspa tallirqaku.
14Rabá llaqtapa perqankunata kañaykuptiymi
palacionkunatapas rupanqa;
chaytaqa ruwasaq sasachakuy punchawpi,
guerrapi hatun qaparkachay kachkaptinmi.
15Reyninpas, kamachiqninkunapas,
huklaw nacionman preso apasqam kanqaku.
Tayta Diosmi chaynata nin.
Currently Selected:
Amós 1: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012