Danyele 1
1
Mupailo wakwe Asaliya anyimbo shabasankwa botatwe
1Basankwa aba botatwe bakalinga kuya bweenda pakati kamulilo kabeembila Lesa nyimbo akumulumbaisha Mwaami Lesa. 2Lakwe Asaliya wakalinga kwiimfwi pakati kamulilo akutalika kupaila maswi anyumfwika akwaamba ayi,
3“Lumbaishikwa webo oMwaami Lesa.
Lesa wabashalibesu,
ndiwe weelete kulumbaishikwa.
Liina lyako lilyeelete kulemekwa lyoonse alyoonse.
4Webo uliluleme
pashoonse nshewakatucitila.
Milimo yanu njancinencine,
nshila yako ili luleme,
uloombolosha mubululami.
5Lupesho loonse ulo
ndo wakawishisha
pali ndiswe aJelusalemu,
ndabala Isalalite yaba shalibesu,
lwakalinga kululeme.
Ncakwiila watoombolosha
mubululami acancinencine pashibiibi shesu.
6Ncakwiila twakabisha
akusotoka milawo yako pakukufutatila.
Pamicito yesu yoonse
twakabisha abuumbi,
tatukwe kunyumfwila milawo yako.
7Tatukwe kulama milawo yako,
tatukwe kwibamba.
Tatukwe kucita isho
nshewakatupingwita
ayi tukale kabotu.
8“Pamapesho oonse ngowakabika pali ndiswe,
pashoonse isho nshewakacita,
koombolosha kwako kwakalinga kululeme.
9Wakatwaaba kubalwanibesu,
bantu babiibi batakonkeli milawo yako,
akumwaami mubiibi kwiinda
mucishi ca paanshi.
10Ono tatukoonshi kwaamba
cintu paceebo ca nsoni.
Musebaanyo watuwita swebo
sotukusebensela akukulambila.
11“Twaseenga utatushiiyi
kwaciindi cilamfu,
utaluubi cipangano cako aswebo
alyi liina lyako lilemekwe.
12Utaleki kutucitila nkumbu,
bweenka mbuli mbowakashomesha Abulaamu,
ngoosuni alimwi aIsaki
musebenshi wako, ngowakasala.
13Palya ndyemwakashomesha ayi
mulakufusha banababo
anga minyenyeeshi shakwiculu,
nabi musese wamwela lweenge.
14Ono sombi oMwaami Lesa,
swebo twakeeya abuumbi
kwiinda mishobo imwi yoonse ya bantu.
Pacishi coonse ca paanshi tulasampulwa
paceebo cashiibi shesu.
15Bulya tatucite mwaami
mulaluki nabi mutanjilili.
Tatupiwo nshipo shakutenta
nabi milambu nabi shakupa
nabi tununkila kabotu,
alimwi tatucite musena
wakukupetako milambu
kwaamba ayi utunyumfwile nkumbu.
16Sombi twesa kuli ndimwe
amyooyo yakuliceesha,
ututambule sunu
mbuli bweenka watutambula
nakatucite milambu yakutenta yambelele,
ŋombe alimwi abanaambelele beniite 1,000.
17Milambu yesu ibe mbomunya
ubo pameenso ako.
Swebo tutookukonkela amoyo woonse,
mukwiinga bantu bashoma ndiwe
teshi bakabe ansoni.
18“Ono amyooyo yesu yoonse
tulisuni kukukonkela,
tulisuni kunookuloonda
akutalika kunooyandoola.
19Utatulenshi nsoni,
utulaame ca moyo womwi,
akubonesha nkumbu shako shinene.
20Webo oMwaami Lesa, utufuune
mbuli munshila yako ikankamika,
kwaamba ayi liina lyako lilemekwe.
Boonse bacita shibiibi kubantu
bako ubalenshe nsoni.
21Ubabooshe pasule akubanyaya
nkusu shabo shoonse,
shitaala shabo shimaninine.
22Beshibe kwaamba ayi
webo weenka ndiwe Mwaami Lesa,
kwaamba ayi ulalela
cishi coonse ca paanshi.”
23Basebenshi bamwaami balya bakawaala basankwa botatwe mulilo, bakalinga kusonsela mafuta, bukato, butonje ansaala shankuni. 24Kubilima kwamulilo kwakalaampa mamita akalinga makumi obilo. 25Kubilima uko kwakatalika kuuluka akutenta bene Babiloni abo bakalinga pafwaafwi acibilibili. 26Sombi munjelo wa Mwaami Lesa wakaselukila mumulilo umo mwakalinga Asaliya ababye, washindika mulilo kweela. 27Pesule lya ceeci munjelo wakatontosha mukati umo anga mwenjila muuwo utontola. ncakwila mulilo uyo tookwe kubatenta nabi kubacisa.
Basankwa botatwe mbobakeemba nyimbo shakulumbaisha Mwaami Lesa
28Mpomunyaawo basankwa botatwe balya, boonse pantu pomwi, bakatalika kwiimba lwiimbo lwakulumba akulemenesha Lesa mucibilibili camulilo umo.
29Bakeemba ayi,
Lumbaishikwa webo oMwaami Lesa,
Lesa wabashalibesu.
Ndiwe weelete kulumbaishikwa
akulemekwa lyoonse alyoonse.
30Lilumbaishikwe liina lyako
lyabulemu lisalalite.
Lilyeelete kulumbaishikwa
akulilemenesha lyoonse alyoonse.
31Lumbaishikwa muŋanda yako Isalalite
ibonesha bulemu bwako.
Ndiwe weleete kulumbaishikwa
akulemeneshekwa lyoonse alyoonse.
32Lumbaishikwa webo oshiite
peculu lya bakelebu
kolangilisha paanshi.
Ndiwe weelete kulumbaishikwa
akulemeshekwa lyoonse alyoonse.
33Lumbaishikwa pacuuna cako caBwaami.
Bakwiimbile nyimbo
akukulemenesha
lyoonse alyoonse.
34Lumbaishikwa mumakumbi akwiculu.
Bakwiimbile nyimbo
akukulemesha lyoonse alyoonse.
35“Webo Omilimo yoonse yaMwaami Lesa,
Lumbaisha Mwaami Lesa.
Wiimbile nyimbo shakulumbaisha
akulemenesha lyoonse alyoonse.
36Mwebo noshintu shoonse shakwiculu
amulumbaishe Mwaami Lesa.
Mwiimbe nyimbo shakulumbaisha
akumulemenesha lyoonse alyoonse.
37Mwebo nobanjelo baMwaami Lesa
amulumbaishe Mwaami Lesa.
Mwiimbe nyimbo shakulumbaisha
akulumbaisha lyoonse alyoonse.
38Mwebo nomaanshi akwiculu
mulumbaishe Mwaami Lesa.
Mumwiimbile nyimbo shakulumbaisha
akuulemenesha lyoonse alyoonse.
39Mwebo nonkusu shoonse shikala
kwiculu mulumbaishe Mwaami Lesa.
Mumwiimbile nyimbo yakumulumbaisha
akumulemenesha lyoonse alyoonse.
40Mwebo nolisuba amweenshi,
mulumbaishe Mwaami Lesa.
Mumwiimbile nyimbo shakumulumbaisha.
41Mwebo no nyenyeenshi
shakwiculu,
mulumbaishe Mwaami Lesa.
Mumwiimbile nyimbo shakumulumbisha
akumulemenesha lyoonse alyoonse.
42Mwebo nomfula amume,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
43Mwebo nompewo shoonse,
mulumbaishe Mwaami Lesa.
mumwiimbile nyimbo shakumulumbaisha
akumulemenesha lyoonse alyoonse.
44Mwebo nomulilo akulungula
mulumbaishe Mwaami Lesa
mumwiimbile nyimbo shakumulumbaisha lyoonse alyoonse.
45Mwebo nomutontola kwashosanwe akupya kwacilimo
mulumbaishe Mwaami Lesa.
Mumwiimbile nyimbo
shakumulumbaisha lyoonse alyoonse.
46Mwebo nomume acaandwa
mulumbaishe Mwaami Lesa
Mumwiimbile nyimbo shakumulumbisha
akumulemenesha lyoonse alyoonse.
47Mwebo nobushiku amalumwi
mulumbaishe Mwaami Lesa.
mumwiimbile nyimbo shakumulumbaisha
akumulemenesha lyoonse alyoonse.
48Mwebo nokubala amushinshe,
mulumbaishe Mwaami Lesa
mwiimbile nyimbo shakumulumbaisha
akumulemenesha lyoonse alyoonse.
49Mwebo nocaandwa ampeewo, alimwi akutontola,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
50Mwebo nocaandwa amaanshi makasa,
mulumbaishe Lesa.
Mumwiimbile nyimbo shakumulumbaisha
akumulemenesha lyoonse alyoonse.
51Mwebo nolulabo amakumbi
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
52“Webo ocishi ca paanshi
lumba Mwaami Lesa.
Mwiimbile nyimbo shakumulumbaisha
akumulemenesha lyoonse alyoonse.
53Mwebo notulundu ashitunta
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
54Mwebo noshimena shoonse
sha pacishi ca paanshi
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
55Mwebo nokantupu
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
56Mwebo nolweenge amilonga
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
57Mwebo nonswi shineneshinene
ashilengwa shimwi shoonse shamumaanshi,
amulumbaishe Mwaami Lesa.
Mumwiimbile nyimbo shakulumbaisha
akumulemenesha lyoonse alyoonse.
58Mwebo notuyuni toonse twamwiculu,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
59Mwebo niŋombe anyama shamuluundu,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
60“Mwebo nobantu bapacishi capaanshi,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
61Mwebo nobene Isilaeli
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
62Mwebo nobapailishi baMwaami Lesa,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
63Mwebo nobatumwi baMwaami Lesa,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
64Mwebo nomishimu yabantu basalalite,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
65Mwebo nobantu noonse nomusalalite moyo akuliceesha,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
66Mwebo, Ananiya, Asaliya alimwi aMishaeli,
mulumbaishe Mwaami Lesa.
Mumwiimbile nyimbo shakumulumbaisha
akumulemenesha lyoonse alyoonse.
Ncakwiila wakatupulusha kuswa mucishi cabafu,
akutufuna kuswa kumeeno ankalamu,
ee, wakatupulusha kuswa mucilindi camulilo,
wakatukusha pakati pamulilo.
67Amulumbaishe Mwaami Lesa
pakwiinga ngumubotu,
nkumbu shakwe tashimaani.
68Mwebo noonse nomulambila Mwaami Lesa,
Lesa watulesa toonse
mulumbaishe Mwaami Lesa.
Mumwiimbile nyimbo shakumulumbaisha akumulumba,
ceebo cankumbu shakwe citamaani.”
Currently Selected:
Danyele 1: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.