1 Tesalonisieŋ 1
1
Me tsey guma ta ma səra vaw
1Yah Pol, Silveŋ ta Timotey, a Egliz ma Tesalonisiyeŋ hay, na da Bay ma Bəla Baba, da mezəley ma Bay’ərlam Yezu Kriste. Hayna hahaya, ta zozoy ŋga ka ndzey ta kuray.
Me pey 'ar ma Tesalonisiyeŋ hay ma Mey Wayna
2La madəmara sise a Bay ma Bəla zarra hərway kwar tabiyaha, kendzey andza la sləfəmakwar da me ɗuley mey la hay na. 3La sərafama ka me pey 'ar a kwar da tek a kwar ma kam, da ma wuɗa vaw, da ma vəlada vaw me key viya hərway ma ndaw hay, da me pey dey kwar ta matanduroŋ aha, da Bay’ərlam a lakwa Yezu Kriste, ka slam dey ma Bay ma Bəla Baba lakwa. 4Səradama haya haya malam a ɗaw na Bay ma Bəla ma wuɗata na hay, ŋga na ka gaɗəmakwar ba. 5Akwa na, ma teləkawa mey la ta Mey Wayna da ’ay kwar ana na, me yey mey tedehe tsa kakay, amana, ta ma slafa, ta me dzəney ma Mesəfrey Kokwoɗ ana, ka ndaslam ba mambay aha. Kəɗey na kuray ana ka səradama, tek ana ma safandərawa da’ay kwar ana kavəday kwar ana. 6Kuray na, kuray ka tsam dey ba ka la ta Bay’ərlam, ha ŋgəlama Guma na ba da viya kambəlaɓa na, ta wuiya ma Mesəfrey Kokwoɗ ana: 7kəɗey na, kuray ka təram ba tek me tsey dey aha kava, ma ndaw me pey 'ar hay tabiyaha da Maseduwan ta Akayi. 8Ma zlar da 'ay kwar na, akwa guma ma Bay’ərlam a tsəney ba, da Maseduwan ta Akay dada kakay, amana, mey ma me pey 'ar a kwar ka Bay ma Bəla, ka pey mey ba haɗadzidzay ka waray ka waray, ma la ka tsam kava dzay sakay. 9Hərway kwa way way a təkərey, a tsey aha ka la, ka ŋgələmandar na teŋgey? arka, ta me mbəɗey dey kwar ’ar ’ay Bay ma Bəla arka ta ma mbəɗar dəba kwar a ’ərlam so na hay, ma da kar mber a Bay ma Bəla ta dey ana, dərka na. 10Ma da hutey Bəzey ŋga ma sawa da 'ərlam ana, ŋga ma mbəladərawa da walaŋ ma ndaw ma mətsa na hay, Yezu na ma buwandukurawa da me tsey mevel ma da sawa na.
Currently Selected:
1 Tesalonisieŋ 1: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun