ZAŊ MUCUW NAŊ 1
1
Ji haŋ
1I ya mbur micawwa matoho ɗerewol hana da maˀãy, Buymisemuŋ muwunaŋ, yo da ziri naŋhay,
ya mawuɗ taŋ gisiŋ gisiŋ.
I ya mawuɗ taŋ pal ɗu ta,
amma mizli misinaka ɓi mikaslsla le gara ma.
2Asi mike na, ɓi mikaslsla, naŋ da a hur ndra,
yo naŋ da a ndir avu ndra ngi samadin.
3Anja Cine ndra Buymisemuŋ
ati Yesu Kristu, Mangal ngi Cine ndra,
a ga ndra mezle, a pura ndra ˀircece, a vula ndra zuy ɓa i ndiram jom
ar ɓi mikaslsla waɗ ar wuɗavu.
Ɓi mikaslsla ati wuɗavu
4Ti ya muluma ziri ɗik mekelemey masipam jiviɗ ngi ɓi mikaslsla,
kaɓa Cine ndra miɓa ndra di ɗaˀ le na,
yi mumul haɗa teˀe.
5Na, wurenna so na maˀãy ɗu,
wuɗukum vu ar wala ndra.
Ya matuhuw di hana, i ɓimuɗuva nawaya ta,
i ɓi misi ndra mulumaka zle ar zlivirzi naŋ na.
6Pura ɗi, wuɗavu na, n'ani:
anja i ram ar jiviɗ ngi ɓimuɗuva ngi Buymisemuŋ.
Ɓimuɗuva, kum micinaka zle ar zlivirzi naŋ,
ɓa ki ram angi jiviɗ naŋ na, i nah.
7Mizli mitikina vuhoy ada haɗa, a yam vu le zlar duniya.
Yesu Kristu a tiri mbur le gisiŋ gisiŋ na, t'anta ngumam sin naŋ ta.
Mbur magi kahana na, i mitikinavu, i mesene ngi Kristu.
8Kum vuna, jam lesl,
anja ki zizaka migir ngi slra kumoyo ta,
amma ɓa ki lumam migire haɗa.
9Ko wa gar macici zlak ar dubun ngi Kristu ta,
amma maru kileŋ fineˀ nah ma na,
naŋ manja Buymisemuŋ a hur naŋ.
Mbur macici zlak ar dubun ngi Kristu na,
naŋ ati Cine waɗ ati Mangala.
10Da mbur a so le ng'avu kumo,
da a so di i dubun nah ta na,
ki tiɓakaŋ a hay kumo ta,
ko ngi jaŋ haŋ kwana, ki ngumam ta si.
11Asi mbur mijaŋ haŋ le na,
kite a jumom le ati naŋ ar gwat ngi gi naŋ malambaˀ na.
Ɓi ngi kiɗa mi naŋ
12Y'ada ti ɓi haɗa ngi tuhukum di,
amma yi wuɗ i tuhukum di ti tuh ar ɗerewol waɗ ti yam ngi hilseɓ ta.
Asi i ra wuɗ ru ngi hay kumo,
ɓa i ra ɓukum ti mi ɗu,
ɓa i sa mumulom kuy kuy wãˀ.
13Sukum ɗik mongoso, Buymisemuŋ muwunaŋ na, ziri naŋhay a jukuw haŋ le ya.
Currently Selected:
ZAŊ MUCUW NAŊ 1: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.